Le Viet (Closed)

話說Happy Friday收工約咗Frd喺旺角區行街街，順便食返個Dinner~個Frd就喺OpenRice搵咗間人氣較高嘅越南餐廳一齊去試試~ 我哋 6:30咁上下去到，餐廳得零星幾枱人，到咗7點就開始陸續多人，7:30就已經full晒個場，所以大家去食記得要book位ar~「Le Viet」位於朗豪坊附近，餐廳環境闊落，枱與枱之間夾得好開，值得一提嘅係，每張二人枱隔離仲有個大大嘅收納袋比客人放隨身物品，好細心~🧡超載椰青海鮮焗飯（$103）椰青海鮮焗飯份量超大，堆到成座山咁高，就嚟要傾倒出來~一入口超重椰漿味，飯中夾雜蘿蔔、粟米、青豆、提子幹同埋蝦仁，口感豐富，十分和味~ 🧡咖喱炒大虎蝦（$168）咖喱炒大虎蝦超好食，個人好鍾意，咖喱味道特別，帶有好重蝦嘅鮮味，超惹味~🧡蒜蓉炒椰菜苗（$66）未食過椰菜苗，原來味道都幾特別，係椰菜同菜心混合嘅味道~

之前喺尖沙咀經過見到, 一直好想試呢間越南菜, 原來旺角都有分店同朋友兩個人, 叫咗咖喱炒大虎蝦, 蝦餅, 招牌飯同三色冰😋最吸引係咖喱炒大虎蝦, 啲咖喱好香好濃! 加埋大大隻開邊虎蝦🤩超正!!已經成為翻食嘅理由!! 蝦餅亦都係另一個點睛之作, 唔知有啲菜館會落好多粉, 呢個蝦餅雖然份量唔多, 但勝在每件都好厚實, 而且咬落去非常彈牙😋反而個招牌飯相比之下就比較失色, 本來想叫佢個椰青飯, 但見到佢個招牌飯好似好有噱頭好神秘, 點知我哋諗多咗, 原來係炸豬扒雞翼串燒火腿扒蛋飯🙈好在味道都唔差, 下次有機會一定要試吓個椰青飯!