Le Viet (Closed)

同朋友gathering，揀左大家都鍾意嘅越泰菜，呢度環境舒適，座位闊落，亦有好多菜式可以選擇。越式酸辣海鮮鍋最有驚喜，除咗有多種海鮮外，仲有超多菠蘿超鍾意，成個湯酸酸甜甜，好醒胃，我哋食到一滴不留。青木瓜大蝦雞絲沙律賣相幾靚❤️，大蝦新鮮彈牙。串燒雞牛豬烤得唔乾幾惹味。春卷脆卜卜熱辣辣好味喎😋！自己就對海鮮炒檬粉冇乜特別興趣，海鮮材料都豐富不過就比較淡味。最後梗係唔少得甜品啦，呢個拼盤有越南綠豆拉高椰糕、芒果糯米飯、焦糖燉蛋，芒果都幾大件多汁幾甜，配暖暖嘅糯米飯，真係好懷念泰國呀🥺，椰糕都係暖暖嘅，非常QQ，椰香味唔算重亦唔會太甜，比較失色嘅燉蛋感覺煮過龍，唔夠滑。整體食物質素都唔錯，三個人叫咗好多唔同種類嘅嘢，大滿足嘅一餐

同朋友睇完戲唔知食咩，試左呢間越南餐廳，點知超驚喜，尤其是佢地嘅超載椰青焗飯，份量真係好超載，同埋超級重椰香，同埋少少奶香，食完就想一啖接一啖，完全聽唔到口，另外佢地嘅咖喱雞都唔錯，有跟爐keep住夠熱

話說Happy Friday收工約咗Frd喺旺角區行街街，順便食返個Dinner~個Frd就喺OpenRice搵咗間人氣較高嘅越南餐廳一齊去試試~ 我哋 6:30咁上下去到，餐廳得零星幾枱人，到咗7點就開始陸續多人，7:30就已經full晒個場，所以大家去食記得要book位ar~「Le Viet」位於朗豪坊附近，餐廳環境闊落，枱與枱之間夾得好開，值得一提嘅係，每張二人枱隔離仲有個大大嘅收納袋比客人放隨身物品，好細心~🧡超載椰青海鮮焗飯（$103）椰青海鮮焗飯份量超大，堆到成座山咁高，就嚟要傾倒出來~一入口超重椰漿味，飯中夾雜蘿蔔、粟米、青豆、提子幹同埋蝦仁，口感豐富，十分和味~ 🧡咖喱炒大虎蝦（$168）咖喱炒大虎蝦超好食，個人好鍾意，咖喱味道特別，帶有好重蝦嘅鮮味，超惹味~🧡蒜蓉炒椰菜苗（$66）未食過椰菜苗，原來味道都幾特別，係椰菜同菜心混合嘅味道~

今日突然想食越南嘢，上網搵下旺角有咩餐廳好食，見呢間評分不錯就去試下，午餐時間好彩都唔算好多人，唔洗等位就入到去喇兩個女仔唔係食到好多嘢，所以叫左一個lunch set再加小食香茅燒豬頸肉撈檬豬頸肉燒得好香，肉質唔會嚡，仲有少少嫩，幾好味，不過我覺得個汁唔太夠味鹹檸梳打我覺得個鹹檸真係醃得太鹹喇，同埋冇咩檸味，得個鹹味，可以唔洗篤得咁爛，我就係篤得太爛，飲到尾唔係好飲到，青檸梳打會好啲蔗蝦幾好味，蝦滑夠彈牙，咬左幾啖蔗都甜😆鮮蝦米紙卷都係個汁唔係好夠味啦，配料就ok嘅最後我地想叫香芒糯米飯嘅時候，個阿姐話芒果未返，所以叫我地等陣，好彩有時間等，糯米好軟糯，好好味芒果都好甜同埋想特別講，店員服務態度好好

味道不過不失，普普通通。叫個應該係招牌嘅牛油焗大頭蝦，但冇入貨。都唔知做乜招牌菜。叫個生牛肉河粉，但啲牛就熟晒到well done。仲叫咗個扎肉燻蹄紙米卷，但就唔知件扎肉去咗邊。個越式牛柳沙律就算ok。服務混亂只係識出熱食，但前菜冷盤就放喺度唔識攞出嚟。食完個牛河，啲前菜要追先識去上。在食物冇驚喜，價錢冇破格，服務勁混亂下，所以都冇下次。

1.首先就係出餐實在太慢，叫左2樣主食，餐廳人唔太多，但前後都等成半個鐘先到齊，即係食完1樣都要等一陣先有得食第2樣😨2.之後好奇怪地紅豆冰會係用幼飲管又冇俾匙羹，紅豆食唔到咪好浪費？😩3.以為咖喱最唔容易中伏，點知又係失望，咖喱好鹹，好難以入口🤨4.最後甜品果塊綠豆糕真係伏中之伏，等得耐就不在話下，口感仲勁過香口膠，咬極都吞唔落肚😅第一次有咁差既體驗😂唯一欣慰既係焦糖燉蛋，係唯一食落口正正常常😶

呢間越南餐廳都幾受歡迎,六點幾嚟到，已經差唔多滿座，用餐限時一個半鐘咖喱軟殼蟹配法包黃咖喱味非常濃郁，有啲香辣，引起食慾；食得出咖喱味係用咗好多香料製成。將炸到脆卜卜嘅軟殼蟹配點入用小火烘住的熱熱咖喱，由於咖喱好厚身，軟殼蟹沾上美味嘅咖喱，好食。同埋配菜嘅薯仔都炸過，非常有誠意不得不提配上嘅法包，上枱時仲係熱辣辣，就算唔點咖喱都好好食咁沙嗲串燒（牛、雞）串燒嘅份量一般，沙嗲有說花生，沙嗲醬甜中香，幾好味。但係醬汁份量偏小，所以半打串燒未必夠用菠蘿炒飯原隻菠蘿上枱，賣相好吸引。炒飯內有豬肉鬆、蟬、海鮮、火腿等。炒飯味道係合格之上，但未算好香好，菠蘿味唔太突出，未能夠利用菠蘿嘅清甜引出菠蘿炒飯嘅精髓揚揚整體評分：7.5/10揚揚環境評分：7/10揚揚味道評分：7.5/10揚揚服務評分：7/10揚揚抵食程度：8/10揚揚返食機會：7.5/10

呢間餐廳係食越南菜，加上食物味道唔錯，份量大份，所以成日都會黎。今日就約咗2個大食既朋友仔黎。🍴 去骨海南雞 (半隻)雞肉非常嫩滑，加上去咗骨，啖啖肉好正配上醬汁食，甜甜酸酸仲有小小辣，非常開胃又惹味。底部仲有椰菜，配埋一齊食感覺冇咁油膩。🍴 越式咖喱軟殼蟹配法包首先要講講個法包，並唔係普通麵包店買既硬弸弸法包，而係外脆內軟，法包入面好軟熟，仲要係熱既，再淋上咖喱汁食，法包吸滿咖喱香味，微辣小小甜甜地，非常唔錯。而軟殼蟹亦炸得好香脆，咬落仲有蟹肉汁。🍴 超載椰青焗飯好！大！份！上枱時係有誇張既感覺。椰青內外都充滿海鮮椰汁飯，而味道方面，椰香味非常足夠，又唔會好漏。配料亦非常豐富：大蝦、墨魚仔、粟米粒、青豆、提子乾、紅蘿蔔粒。整體感覺好滿足。

💁🏻‍♀️推介俾係旺角鬧市想搵個地方食飯嘅朋友 👍🏻 唔知係咪銀行中心嘅關係，可能好多人都唔覺裡面有餐廳，呢間 Le Viet 都幾好坐，而且又容易搵位，都算係一個唔錯嘅選擇。蝦餅 $68 份量有四個，熱辣辣都算幾香口，但又冇乜特別，一般。蒜蓉炒椰菜苗 $66 蒜頭一大粒上😅😅 唔係平時切細粒咁去炒，所以感覺係蒜頭同椰菜苗係分開，唔太有味道。超載椰青焗飯 $103👍🏻👍🏻 以為好細個，點知上枱時就發現幾大個下，而且都幾深；係糯米飯同埋椰汁好甜，感覺似甜品多啲😂😂 海鮮都多款，但唔算多，不過不失。椰汁紅豆冰 $28青檸梳打 $28

放工約了朋友於旺角進餐。朋友便推介了呢間越南菜。入面的防疫措施都做得好足夠，枱與枱之間都放了透明膠板等，令人食得放心。我地2個人都吾係咁肚餓，所以叫左2個主食就算了。首先，我地叫左香茅燒豬頸肉撈檬。我覺得佢個燒豬頸肉燒得好香，又非常入味，肉質非常嫩，而檬粉加埋個甜酸汁非常開胃，呢個值得推介。另外，叫左個越式咖喱軟殼蟹配法包，佢個軟殼蟹因為係炸既，所以分開上，等佢吾好淋哂，呢個位都幾貼心。味道方面，咖喱鍋裏面得啲洋蔥，一舊薯仔都冇，有啲失望，又或者可能只係我期望佢有薯仔呢，哈哈。咖喱喎好重椰香味，辣味亦都好夠,整體都不錯。 價錢上人均都係$100蚊以下一位，算合理價錢。

滿滿牛油蒜蓉的晚餐，介紹下今次食左咩好野。雞、豬、牛串燒好香燒烤味，肉質入味多汁一d都唔鞋口，配上香濃沙爹醬好味。 椒絲炒通菜炒得爽脆，微辣令到味道無甘單調。特別火車頭，湯底清甜，好足配料一碗湯粉有牛柏葉、牛肉丸、牛腩、肥牛片、蘿蔔。牛油雞翼新鮮即炸起，一入口起熱咬落去爆汁，牛油味香，每隻超多蒜蓉，鐘意牛油蒜蓉朋友一定要試。牛油焗大頭蝦，今晚主角賣相已經超吸引霸氣，蝦肉鮮甜彈牙，最正蝦膏，又係充滿牛油蒜蓉香。最後黎杯咸檸梳打清爽解膩，最好係無糖又勁大杯，讚﹗

平時都係去尖沙咀食午飯，今日嚟旺角行街，印象中都好似係第一次食佢哋嘅晚餐，估唔到晚市價錢都大眾化，$60左右都已經有越式湯河及檬粉等，雖然唔會好似午市包飲品，性價比都10分高。除咗食湯可檬粉等，今日想試吓啲特色菜，原來其他特色小菜都要煮超過30分鐘，所以點完特色菜先至嗌其他主食。生牛肉湯河，仍然保持一貫水準，牛肉嫩滑，湯汁清甜，份量亦足夠一個人。燒豬頸肉檬粉，豬頸肉厚身，唔會太肥，豬頸肉加上檬粉汁，亦可以減少肥膩感覺。香茅燒烏頭-$173，時間過得好快，食完兩款主食後便煮好，一上枱已經好香香茅味，感覺新鮮，亦特登俾咗刀叉去分解魚身，好方便將魚分兩半，魚身肉質仍然保持濕潤，加上特色辣香草醬，更能突出魚嘅鮮味。

行開旺角既應該都一定留意到銀行中心Le Viet, 皆因佢個招牌太醒目, 一眼就睇到。而係網上亦都拎過好多獎同推介,  可以話係超受歡迎既越南菜呀! 上到去可能店員見我地睇menu睇左好耐, 就主動過泥介紹下佢地d招牌菜, service好又有禮貌, 要讚~~ 店員話佢地依度既grill dish特別受歡迎, 於是揀左條香茅燒烏頭試試。烏頭size好有睇頭, 大條又厚肉, 兩個人絕對夠食。新鮮即燒熱辣辣, 魚既中央塞左香茅同檸檬葉,  燒得岩岩好魚肉唔會dry, 有魚鮮味之餘帶陣陣香茅香味, 中意越泰風味既人一定中意依陣味呀~ 好似我咁中意食辣既話建議點埋佢既辣汁, 更惹味之餘仲增添風味!去骨海南雞飯真正既啖啖肉, 連雞翼都去埋骨真係冇得輸, 油潤既雞皮薄薄又唔會痴住肥膏, 入口皮爽肉滑, 配上鮮香油飯, 滿足!特別火車頭湯河湯頭味道帶濃香牛骨味, 清甜又唔油膩, 特別在佢會另上一小樽用水養住既大芽菜同九層塔, 所以係非常新鮮架, 將所有配料放哂落湯, 味道真係好接近越南食既pho!! 餸方面有牛腩, 生牛肉, 牛柏葉, 牛丸同埋蘿蔔, 最中意都係生牛肉, 軟嫩有牛味, 整體份量大,

叫左串燒炒飯，生牛肉湯河，豬頸肉。串燒炒飯得個辣字，生牛肉湯河啲牛冇牛味，豬頸肉又凍又乾，牛柳沙律更加係伏中之伏，完全唔知食咗啲咩，淨係覺得好酸！完全唔覺得自己食緊越南嘢。最慘係連杯凍檸茶都好難飲，完全冇茶味。

嚟到旺角想食越南嘢就同朋友過嚟喇位置超方便 地鐵站一出地面就到銀行中心而且鍾意個環境好大夠闊落 超載椰青海鮮焗飯 $103好繽紛 成個生日蛋糕咁啊🎂椰汁飯嘅味道就似食緊熟咗嘅芒果糯米飯但就唔會太甜 入口係令人開心嘅甜度海鮮就有蝦同魷魚 我有啲想有埋蟹柳 會更繽紛😆香茅燒烏頭 $173有我前臂咁長咁大條嘅烏頭魚！💪🏻明爐燒嘅做法我就食得多 今次試吓燒得乾身嘅烏頭別有一番風味點個綠色辣汁更加提味 好好食尼條烏頭真係好香😌 肉厚少骨又滑嫩 推薦👍🏻煙三文魚米紙卷 $42以三文魚做餡料又幾特別米紙卷本身係冇味㗎 淋上魚露就食到個精髓大大件 非常開胃嘅小食😉芒果糯米飯 $55好好味呀 芒果係甜㗎！配兩色嘅糯米飯 黏度剛剛好 完美💯