Video
Read full review
2021-01-03
103 views
同朋友行完山係大坑落山，係遠處已經見到間好colourful既餐廳，咁就去試下啦😆！店員服務態度超好，會主動推介有咩招牌菜，同埋問我地啲食物岩唔岩食😚。免費頭盤送咗兩塊薄脆片，包四種醬汁。薄脆片加左香料整，鹹鹹地辣辣地。左上深橙色：好似韓式辣雞醬咁，好辣，點少少就收手😂。左下黑色：好似港式腸粉嘅甜醬，唔辣啱小朋友食。右上淺橙色：洋蔥香料醬，辣辣地既，不過無深橙色嘅咁辣，唔錯！右下一睇就知係薄荷乳酪醬，酸酸地，超鍾意😍，點乜都好好食，食左佢胃口大增😆！雜菜咖喱角 $38/2件外面炸得好香脆，雖然知佢油炸，但食落一啲都唔油膩。裏面係薯仔、青豆等等，第一下心諗死啦青豆，點知食落去原來都唔係好覺，因為啲青豆已經煮淋左😆。做頭盤小食黎講大細岩岩好！印度椰汁咖喱雞（小辣）$98食印度野又點可以冇咖喱呢，今次我哋嗌咗小辣，因為想試吓食出香料嘅味道，而唔係一味得個辣字。佢比我地彈性咁改個辣度真係好好，小朋友都食到。椰汁令到成個咖喱都好cream好滑。雞肉都好好食，總共有四至五舊，份量岩岩好，最後我地清晒所有咖喱，無浪費😍！有咖喱就要嗌Naan，我地嗌左兩款，分別係芝士Naan同洋蔥Naan，兩個都好好
免費頭盤送咗兩塊薄脆片，包四種醬汁。薄脆片加左香料整，鹹鹹地辣辣地。
左上深橙色：好似韓式辣雞醬咁，好辣，點少少就收手😂。
左下黑色：好似港式腸粉嘅甜醬，唔辣啱小朋友食。
右上淺橙色：洋蔥香料醬，辣辣地既，不過無深橙色嘅咁辣，唔錯！
右下一睇就知係薄荷乳酪醬，酸酸地，超鍾意😍，點乜都好好食，食左佢胃口大增😆！
雜菜咖喱角 $38/2件
外面炸得好香脆，雖然知佢油炸，但食落一啲都唔油膩。裏面係薯仔、青豆等等，第一下心諗死啦青豆，點知食落去原來都唔係好覺，因為啲青豆已經煮淋左😆。做頭盤小食黎講大細岩岩好！
雜菜咖喱角
$38
0 views
0 likes
0 comments
印度椰汁咖喱雞（小辣）$98
食印度野又點可以冇咖喱呢，今次我哋嗌咗小辣，因為想試吓食出香料嘅味道，而唔係一味得個辣字。佢比我地彈性咁改個辣度真係好好，小朋友都食到。椰汁令到成個咖喱都好cream好滑。雞肉都好好食，總共有四至五舊，份量岩岩好，最後我地清晒所有咖喱，無浪費😍！
咖喱雞
$98
5 views
0 likes
0 comments
有咖喱就要嗌Naan，我地嗌左兩款，分別係芝士Naan同洋蔥Naan，兩個都好好食，好軟熟。我最怕餡餅因為啲餡料出水，搞到裏面濕粒粒，不過呢度嘅餡餅烤到好乾身，呢樣值得一讚😚！
芝士Naan $38，芝士味唔係超級重，所以好啱一啲想試吓食芝士，但係又唔好芝士嘅人。
洋蔥Naan $32，食落有少少辣，問咗店員點解，佢話裏面剩係加左印度香料同洋蔥，無其他特別辣粉，同小辣既咖喱好夾🥰。雖然好食，我地兩個都係偏好芝士＞洋蔥Naan。
Naan
2 views
0 likes
0 comments
印度拉茶 $35
唔係好多地方都有得飲，喺呢度飲到好開心。眾所周知印度拉茶係好甜嘅，岩架啦，甜同奶兩樣野都解辣🥳！下次仲想試下依到既Mango Lassi。
印度拉茶
$35
0 views
0 likes
0 comments
$266（包加一）
Post
