蘭芳園

Open Now

Now Closed

馳名絲襪奶茶，絲襪奶茶始祖，終於嚟朝聖了。以前經過一直都喺大排長龍，一直都好想試下有幾特別。果然一啖飲落去，茶香奶滑，用茶特別有少少回甘味，點都好都真喺要嚟試一試。絲襪奶茶（熱） $25絲襪奶茶（凍） $28蔥油雞扒撈丁 配熱飲 $66港式大排檔口味，麵身有啲硬，軟啲會更好，雞扒煎得脆脆的，出面比較少喱個配搭，所以一場嚟到麵要一試，記住要襯熱食。咖央西多士 喱樣喺最好食的，一上嚟熱辣辣，切開就喺咖央醬，外皮脆脆的，內裡鬆軟鬆軟。

《蘭芳園》📍中環站在這個充滿住熱鬧和急速步伐的中環地段，我地可以見到依間承載着本土特色和情懷嘅大牌檔(o^^o)從外觀設計來看，佢室外一直維持着原有的綠色棚+ 鐵皮屋設計，室內就有一般舊式茶餐廳風格( ´▽｀)～Meow小編係好耐之前已經聽聞佢係研發絲襪奶茶的始祖，而且一直都深受街坊同上班族💼的支持和棒場，今次終於都俾我試到!🤤🩷💜傳統咖央西多🥢 💰$30Meow小編平時都係食開有花生醬🥜餡嘅西多士，所以都係第一次試咖央西多~小編切開份西多再食嘅時候，可以感受到啖啖鬆脆嘅西多口感，由於塗滿牛油同糖漿喺面，食落有漸漸又咸又甜的多重滋味，喺傳統西多士方面做得的確幾出色，但係小編都係鍾意食花生醬餡嘅多啲🤣幸福指數：😻😻😻/5💜豬扒煎蛋通粉 (薯仔鮮茄湯底) 配奶油豬仔包🥢 💰$60跟餐附送熱奶茶一上枱第一種感覺係蕃茄湯多過面&餸(￣∇￣)但係食落的確幾有港式茶餐廳風味～豬扒方面，佢係幾有咬口，而且煎得幾香口(^-^)而且會切開一塊塊，依方面幾加分！🤤通粉方面唔會煮得太過淋或者好硬，係正正常常咁（＾◇＾）依家好少茶餐廳會套餐送奶油豬仔包!😻所以當Meow小編見到就好心心眼🩷🩷一咬入口係好脆脆的

今日有野要去中環律師樓搞，一路行都諗唔到食咩，行行下就到左蘭芳園，一於入去試下仲有無以前嘅水準先😏！要試水準就一定係試招牌菜，即係「咖央西多士」同「豬扒包」😋😋果然兩樣野都仲keep到個味道，由奇係西多士，上菜時熱辣辣，而且食曬成個都唔會有好膩嘅感覺，唔錯👍🏻👍🏻而豬扒包就普普通通啦，塊豬扒略嫌細左d，而且唔夠多汁😅叫左杯「凍絲襪奶茶」，仍然感受到茶嘅苦澀味，唔會淨係得奶味，好飲✔️最後想講嘅係個環境實在太逼，每張圓台都係坐爆曬人👥👥，要過五關斬六將先入到去🤭

蘭芳園過去六十年陪伴着香港一起成長，以絲襪奶茶、撈丁等的街坊小品，贏盡不少支持和掌聲，少少一間鐵皮屋大排檔，做到街巷知聞。其實比較喜歡幫櫬尖沙咀重慶大廈的分店，貪其就腳和相對企理，不過這天到開 soho 附近，便趨機到結志街店湊湊熱鬧。眼見不少祖國同胞慕名而來，就知道其知名度不單只在香港。 咖央西多士 (Grade: 2.5/5)店內西多只做一款，餡料 by default 是咖央醬而不是常見的花生醬。咖央醬其實亦不錯，但往往要加上大大塊牛油夾在一起口感才更豐富，這裡的西多只單單塗一層薄薄的咖央醬，味道絕不好於任何一間茶餐廳所做出的。 奶油豬 (Grade: 2/5)未入口前先看一下賣相，差一點食不下嚥。外表完全似被車輾過一樣，味道亦不值一提，與翠華的實有天淵之別。 紅豆冰 (Grade: ?/5)放棄每次必點的絲襪奶茶轉飲紅豆冰，吃完西多、奶油豬還未到，三催四請依然話要再等幾分鐘，谷氣之下，埋單走人。 總括而言所謂人怕出名豬怕肥，出名後理應更加著重食物和管理質素，否則長遠難以保持競爭力。

2010年4月20日 ( 蘭芳園 - 1 )中環之旅，公利之後，第三站的目標是蘭芳園，第一次光顧是09年3月，今次再度重遊，吃過九記及公利之後，肚子仍飽，來這裡目的是嚐嚐這店的奶茶，點了咖央西多士加凍奶茶。咖央西多士，跟普通西多士差不多，味道甜中帶點椰香，味道也可以。凍奶茶，茶味普通，奶味亦不夠香，普通一般的凍奶茶。上次飲熱奶茶，也不覺特別，今次凍的也不出色，去翠華喝的還更美味，難怪這裡不用排隊，翠華經常人山人海啦！這裡也許是名過於實吧！正如 Yan 姐話齋的確是 "過譽"了！