Simplylife Bakery Cafe

Open Now

Now Closed

其實平時都嚟得幾多，今次就同大家分享下呢度嘅下午茶啦！今次我同阿媽今次都食咗 Burger～呢個 Beef Burger 嘅包好香，雖然多料，不過都唔會太膩。煙肉好香，牛肉都幾 juicy，整體口感唔錯。好鍾意呢度啲薯條，炸得好脆好香。呢個係我揀嘅 Chicken Burger。呢個包同薯條係同 Beef Burger 套餐一樣嘅 。雞肉入面加咗啲香草，令個味道更加豐富。再講下冰茶，我哋兩個都係叫是日冰茶。雖然佢聲稱有唔同嘅味（今日係蘋果茶），仲要幾 refreshing，但係嚟得多係會發覺啲冰茶味嚟嚟去去都係差唔多。😂整體嚟講，叫做中等，都值得一試嘅。如果你鍾意食薯條，呢度就好啱你喇，因為 Burger 同 Quesadilla 都係配薯條。如果你怕 Burger 太 heavy，不妨試下素食 Quesadilla（有粟米，芝士，墨西哥辣椒），佢嘅口感好好㗎。不過因為有墨西哥辣椒，都會幾辣，唔太適合唔食得辣嘅朋友。

難得平日放假，心血來潮想食返個下午茶，於是自己一個去咗simplylife嘆番個tea先，靜靜咁享受下獨處既時光🙂可能係平日嘅關係，今日並唔需要等位。而入面用餐嘅人數都唔多，我被安排左去一個四人嘅圓檯坐。我表示想要一杯水送藥，服務員都好快手比杯水我，仲要係暖水，好貼心。我最後簡左哥達芝士大磨菇雞肉漢堡配熱latte❤️講講個Burger先，睇相都見到好乾身，食落一樣😂但食材個配答其實唔錯，juice d就好啦🤤 latte 就不過不失，飲完精神哂。

今日黎SimpleLife食下午茶餐平時午餐既漢堡都要八十幾，下午茶只需$45我地兩個人點左四份餐想一次過試多幾款 原來都吾係好大份 所以輕鬆解決哥達芝士雞肉漢堡  $45這是小型漢堡，配香辣薯條，份量都係少，作為下午茶份量岩岩好可惜雞肉漢堡乾爭爭 完全無juicy既感覺漢堡包皮塗上少許牛油去烘，鬆脆但食落感覺偏乾仲點左兩個添，味道一般咋香辣薯條沾上炸粉去炸，酥脆香口味道不錯，說好的香辣係零辣度意式軟包配巴馬火腿，哥達芝士 $45同我想像中好大出入 意式軟包係厚切方包一塊上鋪上番茄兩片，一塊生芝士(凍的無焗過)，加幾片巴馬火腿芝士大塊又厚 好彩我接受到食生芝士，而且呢隻芝士味道適中，吾會勁咸 淡淡芝士奶香 我都仲接受到 不過試過一次就夠了！農夫包配磨菇，菠菜，哥達芝士 $45農夫包又係多士底，不過呢款係五穀雜糧麵包 上面有菠菜磨菇 半溶芝士係正既！超拉絲奶味香醇 味道還可以下午茶時段為星期一至五 3-5:30pm (公眾假期除外)配上一杯熱檸檬紅茶，作為輕食份量係吾錯