Simplylife Bakery Cafe

Open Now

Now Closed

有時lunch time 多時間，就唔想到快餐廳食。好想慢活一下。Me Time Me Time 今日到Simply life好好慢活一下。我最鐘意食漢堡，每次到Simply life都會叫漢堡永無失望。首先上左麵包同餐湯好好打開味蕾。我好鐘意佢自家制麵包，似返法國麵包，咬落好有麵粉香味。而且煙韌。之後好好品嘗美食。我好鐘意食薯條，係因為即炸同新鮮。漢堡牛肉超嫩滑香濃。最後再買埋自家烘焙果撻同埋麵包。滿滿的幸福。下次再試下意粉先。

返工咁辛苦, 放咗工都要對自己好啲去食好嘢💖休休閒閒放鬆自己星期六估唔到呢一度都有下午茶😍以cafe嚟講呢個價錢都差唔多呢間連鎖cafe我不時都會去食因為佢啲食物都幾有水準而且環境都幾舒適今次我食咗自己最鍾意嘅忌廉闊條麵佢裏面有大舊嘅雞肉同埋好味道嘅蘑菇creamy嘅忌廉同埋黑松露醬都係我最鍾意嘅口味同埋嗌咗個burger佢個麵包微微烘焙左脆脆地燒香咗嘅免治牛肉扒脆卜卜嘅薯條都好好味個朱古力咖啡有個好靚嘅拉花圖案都幾好飲另外我嗌咗走甜走冰嘅水果茶味道剛剛好

作為街坊嘅我地 見佢啱啱裝修完 便再畀次機會佢 畢竟裝修前 食過一次已經冇再幫襯差不多2年 估唔到 今次仲有驚喜 我同一個食兒童餐份量嘅朋友晚飯 但係佢要求我哋冇每人要叫一個set 我跟這個朋友嘅習慣係 一個set or main再加小食加甜品及酒 其實最終價錢 同叫兩個set差無幾 有時甚至更貴 但至少我哋食到自己想食嘅食物及份量 講真 我地以為自己去咗歐洲 🤣食物 吾稱得上難食 普普通通吧 但服務質素真係要 介紹一下 裝修後請了 膚色較"黑"及"面"部無表情的外籍女侍應 我連水都唔敢叫佢加 再加上 另一個催你埋單的男侍應 哪種冰冷的語調 說 我們收十點 但我們九點九會開始清場 但9點40分 突然開燈 我地以為自己以前去卡拉ok被警察查牌 有點嚇親😑 總括而言 呢度附近 餐廳選擇非常多 我地呢兩個街坊決定去其他比較珍惜客人嘅餐廳 想感受一下我哋感受嘅街坊 快點來忘記介紹 曾經好欣賞嘅蘑菇濃湯 已經是過去式了

見佢新裝修，同朋友一齊入去食個brunch! 真係超唔掂。環境擠逼，又嘈。$158加一人頭計，兩個人一定要嗌兩份，三個人就要嗌三份，六個人要嗌六份，單叫其他麵包、西餅、蛋糕都唔得！餐廳麵包上咗，冇lala 又攞起左牛油，問都唔問…. 最後又要開咪問人攞。牛油酸到食唔到，問侍應點解咁酸，舊牛油應該變咗。佢話加左佛手柑，係咁酸咖啦！問侍應有冇一舊正常嘅，佢話冇，轉頭收咗就走左去。一間餐廳連一舊正常d嘅牛油都冇，真係吹漲！小弟同客同朋友食飯無數，真係未試過咁差，咁低級的服務…. 仲要係$三百幾蚊兩個人落樓… 真係太興翠華都好過佢。

重新裝修完、第一次再食！枱與枱之間 密不透風⋯大概枱與枱之間只有一隻手指的寬度裝修一如既往高級西餐廳路線，但密度令人難忘食物水準一向中規中矩！係朋友點個牛扒，牛扒好入味，但有點overcook我個水波蛋正常發揮不過想享受chill下 就唔建議黎尼到

今日放工經過見到重新開業，睇睇餐牌，比之前平左$118加一，有湯、主菜及飲品。價錢都幾吸引，仲有甜品送添，決定等位😅一入到去未坐定，超高速拎左份麵包過黎。點餐後，很快有餐湯及飲品來到。（重新開業依然未有改善，忙碌既環境☹️）可唔可以改善下急速既態度？入得去食西餐就想慢慢品嚐，如果想快我就會揀去茶餐廳。每個Waiter都好忙，忙到一隻手拎幾碟餐，真係好擔心會掉落地下😳😳見到佢地咁趕，咩心情都冇晒，好似去左快餐店？不過，今次係食物有驚喜😃主菜點左爐魚，份量好夠，味道OK👍凍茶好飲夠凍，甜品tiramisu 好好味😋 可以黎再食，但好希望可唔可以慢返少少🤏？2人埋單$259.9 👌👍

早排重新裝修暫停營業，1/7終於正式重新營業，今個星期有開張優惠，惠顧晚餐可以免費升級紅酒白酒/選擇免費甜品tiramisu or 檸檬芝士蛋糕，每點一份晚餐可以選擇一款。內部重新裝修，明顯色調上跟裝修前唔同，例如多了綠色，以前採用雲石枱 現在係柔和色的木枱，卓枱嘅數量同分布都唔同咗，反而感覺上跟觀塘APM最新分店有大部份相似！玻璃櫃上嘅麵包款式都唔同咗，我夜晚先到訪，所以可能日頭嘅款式仲多！見APM分店有蛋糕，唔知將軍澳有冇呢？！👆🏻選擇了1+2 $118: 餐湯+主菜飲品是果茶，麵包是自家手作麵包，法包香脆軟熟，是日餐湯是南瓜湯今次選擇了沒有額外加錢的主菜：．烤美國春雞半隻．鮮蝦茴香濃汁有機糙米飯糙米飯感覺上幾健康，係龍蝦汁嘅醬汁底，好濃味惹味，有四隻大蝦．野菌黑松露忌廉汁手制闊條麵好香黑松露味，闊條麵明顯是自家製有彈牙有蛋香味 唔錯，整體好食👍🏻我哋三個人每人都要tiramisu。印象中裝修前晚餐係要加大約$30 甜品tiramisu，所以免費送上真係好抵食，而且係大件、有質素。Tiramisu 係有酒味，creamy，絕對不是敷衍之作，自己一個人食晒真係好飽但好滿足😋甜品為晚餐

呢度環境濶寬、裝潢優雅，係去歎下午茶嘅好地方。⭐️Bacon Beef Burger 麵包鬆軟美味，煙肉香口惹味，牛肉鮮嫩多汁。相貌又吸引，打卡一流。⭐️Mushroom Sourdoug磨菇味濃，配以芝士和菜，味道非常夾。至於飲品選擇 ~ 除了一般茶啡外，可選配特飲。服務方面，上菜速度快，侍應會自動呈上有關主食嘅醬汁。餐廳嘅厨房是 Open kitchen，一眼望哂，乾淨衛生，可以放心食用。#simplylife#reallysimplylife#下午茶#burger#mushroom#cheese

在將軍澳工作多年，甚少在PopCorn搵食，這間餐廳以lunch價錢黎講算是偏貴的，所以只是食過一兩次，不過簡單一句餐後總結的話：貴得黎都值得嘅。首先環境氣氛確係舒適及有格調，開放式廚房可目睹廚師火光烘烘咁炮製美食。烤美國春雞半隻,香草燒薯,檸檬迷迭香汁 $115春雞雖說只有半隻但都不算小，烤得剛剛好，切開仲聞到燒烤香氣，雞肉肉質嫩滑，檸檬迷迭香汁可以再濃一點就perfect了。水煮蛋伴菠菜牛油果藜麥 $136牛油果份量不少，加上藜麥更加健康又能減肥，橙黄色的流心水煮蛋我最鍾意食，但最底層的麵包略為太硬，軟熟一點會更好。

星期五休一休。其實我間中都會食Simply life。雖然佢好多缺點。偏貴，部份座位有啲迫，不過佢有啲嘢食份量幾夠，例如all day 。而且我幾鍾意佢嘅燈光同氣氛。今晚再去發覺冇咗all day，就叫prime ribeye同羊架。ribeye係燒得好炭香，薯條都幾好食，不過ribeye凍得好快，配上四成燒同麻麻哋嘅肉質，其實幾難咬得開…羊架中規中矩，但個汁唔夾，薯蓉水平比預期差。唔連set散叫冇嘢飲，埋單都過600。睇嚟係我最後一次食了。

如果在家附近想吃西餐，這都是我首選。基本上meau 合起雙眼大概都記得但現在可追加前菜⋯例如跟餐可加沙律、薯條所以前菜追加了帶子沙律、可惜份量較少 是日餐湯 多數是蘑菇湯或南瓜湯～我記得以前的南瓜湯會加有南瓜籽，喝下去更有口感⋯不過現在沒有了 烤美國春雞·車厘番茄西班牙甜椒辣肉腸也是我必食之一。春雞燒得剛剛好，我覺得醬汁是精粹可令整個春雞有畫龍點睛的功效！另外甜品我選了檸檬🍋cake …小清新，吃完也不會很飽滯～

每次行過都覺得呢間餐廳好靚入面應該坐得好舒服，但係唔知點解從來冇入過去😂原來食物質素都係高質，今日叫咗呢個豬鞍架，睇嚟係用咗慢煮嘅手法，真係做到鮮嫩多汁！同時味道亦都好出色，鹹香得黎亦都有豬肉嘅鮮味！配合埋佢嘅配菜，奶油瓜蓉同埋自家製意式乳清芝士，成件事非常配合，好好味！另外仲叫咗烤蘑菇忌廉汁手製闊條麵，濃郁嘅醬汁加埋口感一流嘅手製闊條麵，而且仲要大大碟，雖然啲碟上面嘅香草烤雞胸略嫌係有一啲柴，但整體嚟講都好正，兩個人食到飽晒！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍#SimplylifeBakeryCafe (將軍澳)將軍澳唐賢街9號PopCorn 1地下G43-45號舖

放假的時候，我最喜歡和朋友到simply life吃下午茶，價錢不但比較優惠，而且食物質素很佳，份量也足夠，亦心包一杯咖啡或／茶／水果茶。Simply life的環境舒適，寧靜，非常適合三兩知己談天。

今日心血來潮想食漢堡，諗到呢間店舖有得食，就滿心歡喜試下。餐廳格局有法式小館風格，菜式選擇亦多，下午茶的價錢最吸引，店家的麵包糕點亦是很吸引，值得推介！呢間餐廳的西式下午茶，每個餐都只係$66加一，選擇有漢堡包、薄餅、同手工蛋糕，仲包一杯飲品。地點方便，舒適的地方，食物同服務也不錯，侍應都有禮貌及很快為客人服務，上菜速度很快，食物質素高，麵包非常好食，脆而不硬充滿著麵粉香味，賣相幾精美，唔少得有佢嘅拍檔薯條一齊上陣，順帶一提呢間餐廳仲有得買麵包。唯獨餐枱太細要改進，桌子對於兩個人來說太小了。總括嚟講這間餐廳都不錯，可以再惠顧。Beef Burger車打芝士牛肉漢堡+煙肉漢堡牛肉七成熟，保留着豐富肉汁非常juicy富牛肉香，一塊肥美的煙肉、半溶的芝士加上番茄、青瓜等非常和味，麵包鬆軟有口感。

位於將軍澳PopCorn的分店店面很大, 門外有賣麵包也看到店內有麵包工廠。店內燈光昏暗有情調, 但覺得有點太黑了。坐在開放式廚房旁邊一點油煙味也沒有, 抽風系統做得很好。點了兩個晚餐各加$30配了餐湯和飲品, 是日餐湯是蘑菇湯很足料味道濃郁; 飲品選了冰茶是類似雜莓口味, 酸酸甜甜很開胃。另外也有3件麵包, 是乾乾硬硬的歐式麵包, 很有咬勁。🤍車打芝士牛肉漢堡配牛油果蓉 $145牛肉漢堡七成熟, 能吃到牛肉的肉香; 半溶的芝士加上蘑菇、生菜、牛油果蓉等等的配料, 整個漢堡疊得很高, 需要把嘴巴張得很大才可以一口吃到所有的配料。唯一缺點是牛油果蓉的味道很淡, 被其他食物蓋過了。薯條也不是即炸, 吃時已剩下微暖。🤍哥達芝士大蘑菇雞肉漢堡 $125雞肉有加了香草, 味道屬於偏淡, 肉質也很乾。同樣漢堡疊得很高, 雞肉漢堡也很厚。整個漢堡咬下去, 大蘑菇多汁芝士香濃再加點旁邊的洋蔥一同吃, 味道昇華變得濃味。另外, 薯條也一樣已剩下微暖。