Video
Read full review
2022-12-15
4669 views
一直好想幫襯一次「聚興家」，了解一下點解呢間位於太子砵蘭街嘅街坊小館，可以連續五年攞到《米芝蓮車胎人推介》？根據《米芝蓮》食評人嘅往年慣例，除非質素暴跌；否則如無意外，今年年底公布嘅2023年版本應該又會冧莊。小店門面唔顯眼，內裡面積亦很細小，就算做茶餐廳都嫌舖位細；唔怪得出名之後多了客人，要租埋隔離舖位。偏偏兩個相鄰地舖之間是樓上住宅大廈的入口樓梯，廚房要集中在其中一個舖位，務求節省空間，增加用餐區面積。唔止面積細，裝修亦地痞簡陋，加上環境擠迫、冇乜服務、非常嘈吵；同一間舊區嘅街坊小館冇分別。但門口的細細個魚缸又竟然有南非鮑魚、澳洲龍蝦及東星班 / 蘇鼠班等貴價海鮮；再加上餐廳自家網站及媒體介紹有不少明星藝人曾經光顧，甚至是米芝蓮星級餐廳總廚的開飯宵夜秘竇；很有臥虎藏龍、大隱隱於市的格局。不過，實在很難想像到底有什麼本領，可以吸引一眾名人幫襯？店子細小，菜式選擇自然唔多，但就有不少時價海鮮菜式。餐牌上固然沒有標明價錢，環顧四周，亦沒有張貼任何海鮮價目；落單前一定要問清楚，以免爭拗。很隨意地問了侍應今日例湯是什麼，覺得啱飲就點了，沒有問價錢。粉葛粉腸豬橫脷煲豬踭（$398）有大大碟湯渣
小店門面唔顯眼，內裡面積亦很細小，就算做茶餐廳都嫌舖位細；唔怪得出名之後多了客人，要租埋隔離舖位。偏偏兩個相鄰地舖之間是樓上住宅大廈的入口樓梯，廚房要集中在其中一個舖位，務求節省空間，增加用餐區面積。唔止面積細，裝修亦地痞簡陋，加上環境擠迫、冇乜服務、非常嘈吵；同一間舊區嘅街坊小館冇分別。
但門口的細細個魚缸又竟然有南非鮑魚、澳洲龍蝦及東星班 / 蘇鼠班等貴價海鮮；再加上餐廳自家網站及媒體介紹有不少明星藝人曾經光顧，甚至是米芝蓮星級餐廳總廚的開飯宵夜秘竇；很有臥虎藏龍、大隱隱於市的格局。不過，實在很難想像到底有什麼本領，可以吸引一眾名人幫襯？
店子細小，菜式選擇自然唔多，但就有不少時價海鮮菜式。餐牌上固然沒有標明價錢，環顧四周，亦沒有張貼任何海鮮價目；落單前一定要問清楚，以免爭拗。
很隨意地問了侍應今日例湯是什麼，覺得啱飲就點了，沒有問價錢。粉葛粉腸豬橫脷煲豬踭（$398）有大大碟湯渣，一鍋湯只有8小碗。對比湯料及湯的份量，非常重料，豬踭肉又煲至非常淋滑，火喉十足；難怪味道鮮濃，係真真正正嘅老火靚湯，坊間其他酒樓的例湯完全無法比擬。埋單時望見手寫單才知道原來這鍋例湯索價 $398！雖然的確係足料老火湯、冇味精、好好味；但始終唔係燉湯、材料又普通，唔抵飲。原來例湯便宜的既定概念並不一定正確，下次要小心啲。
粉葛粉腸豬橫脷煲豬踭
$398
81 views
0 likes
0 comments
豉椒炒蟶子配煎米粉（$412）係時價海鮮，以餐廳的級數來衡量都算貴。還好蟶子夠大隻，又炒得剛剛熟；鮮甜爽口彈牙，配豉椒夠惹味。雖然蟶子是主角，但煎米粉底也是另一亮點！米粉餅煎得香脆乾身，接近油炸口感，但咬落又有米粉煙靭，未去到全油炸的脆卜卜，配豉椒汁很好味，食完一塊又一塊。
豉椒炒蟶子配煎米粉（4 只）
$412
84 views
1 likes
0 comments
紅燒乳鴿(每只)（$68）比BB 鴿略大。鴿皮薄身，炸得香脆、又沒有過了火喉而變燶；鴿肉幼嫩多汁，浸泡滷水時間充足，味道濃郁。其實真係幾好食，難怪有不少食評讚好；但今次似乎失了水準，鴿翼明顯炸得過乾過了火喉，唯有只食鴿胸及鴿髀。
紅燒乳鴿(每只)
$68
22 views
0 likes
0 comments
講味道，港式風味的麻辣水煮手切牛肉（$198）當然不能同正宗四川麻辣水煮比較，紅油麻辣鍋底唔夠麻、亦唔夠辣，用料唔係四川風味。但也無可厚非，既然並非四川菜館，當然要迎合大眾香港人口味。手切牛肉就相當出色，牛味濃郁。雖然並非嫩滑肥牛、沒有什麼油花；但肉質鬆軟，勝在咀嚼下充滿肉味。下次再來會揀白妁金菇手切牛肉，吃牛肉原味、蘸豉油應該會更好食。
麻辣水煮手切牛肉
$198
37 views
0 likes
0 comments
椒鹽鮮魷（$128）咬落燙口，脆衣夠薄；魷魚鮮甜爽口，但稍嫌太薄肉，味道方面亦未夠惹味。
椒鹽鮮魷
$128
87 views
0 likes
0 comments
鹹魚煎肉餅
$98
21 views
0 likes
0 comments
啫啫芥蘭煲（$98）做法媲美高級粵菜館，裁走所有菜葉，又將所有芥蘭外皮刨走，去除澀味。咬落爽脆清甜，配搭用蝦米蒜蓉鹹魚蓉豬肉碎調製而成的醬料，鹹香惹味濃郁。
啫啫芥蘭煲
$98
20 views
0 likes
0 comments
小菜價錢唔算很貴，只較其他同級街坊小館貴少許，以其連續五年攞到《米芝蓮車胎人推介》的名氣，即使並非摘星，也是合理市場策略；但海鮮的定價就偏高了，直逼高級海鮮酒家，以餐廳的裝修及服務來衡量，就覺得唔抵食。至於烹調水準方面，無可否認又的確相當不錯，部份很好味，但又未至於每一碟皆很出色。始終用餐環境實在差、很嘈吵，某程度影響用餐心情；相信老闆也清楚此乃弱點，免茶免加一。
Post
