聚興家

Open Now

Now Closed

朋友生日揀咗呢間中菜館食飯，裡面環境都算細，座位有啲迫，我哋就揀咗以下食物。椒鹽九肚魚：香脆，微辣，十分惹味！越式墨魚餅：香脆，內裏有墨魚粒，食落口感豐富，墨魚香味濃郁。新鮮鹽焗雞：鹹香嫩滑。白灼手切牛肉：牛味濃郁，有嚼勁。紅燒脆皮鴿：皮薄香脆，汁多肉嫩，香口又惹味！豉油煎蝦：爽口惹味，但比較鹹。花甲蒸蛋：花甲鮮甜，蒸蛋嫩滑。酸菜魚：魚肉鮮甜，嫩滑，湯底，唔夠酸又唔夠麻辣，比較清淡，味道一般。整體食物質素係好食嘅，店員服務態度良好，我哋個個食得好滿足，下次都會再嚟食。

Haven’t been back in a while. Last visit was during the pandemic after learning that this spot is the chefs go-to after service. Last visit was alright. Fair execution. H said he wants to revisit so here we are again. Server recommended us having the pigeons. Loved the crispy exterior. It would have been better had the pigeon been meatier and marinated a tinge longer.Daqian chicken 大千雞. The chicken were deep fried to perfection with a golden exterior. Perfect to go with a pint.For veggie I wante

上菜慢，食物普通、但價錢就5星星😵‍💫，雞用冰鮮雞1 食就知，羌蔥牛肉冇特別，生炒骨普普通通，只是多名人和藝員常去，如想碰碰運氣看撞到藝員打咭，都可免強一試嘅！😏

好耐未食過咁精彩的中菜，聽聞好多廚師都會喺呢度食飯，所以一定有返咁上下本事如果冇訂位，就唔好諗住walk in 可以有機會佢哋嘅龍蝦超級新鮮，龍蝦嘅鮮甜完全演繹得好出色，加上煎米粉揀食超筍，完全係酒店級嘅味道陳皮清蒸鮑魚，鮮味十足就咁一碟炒龍鬚菜都顯示到廚師嘅水準那個白灼牛肉就顯示到廚師的刀工以及烹調嘅時間白切雞味道好好，唯獨是有少少偏细朋友話一定要食的咕嚕肉，食咗大半先記得影相例湯火候夠，絕對冇味精絕對值得再食

公司食開年飯。去左食，整體都好食😋最正係個帝王蟹三食法，最正個避風塘炒帝王蟹，食到停唔到口。因為係公司飯，所以基本上唔知埋單要幾銀，仲帶左紅酒同白酒去飲，王牌咕嚕肉真係超級無敵好食！！不愧係王牌米芝連

🌕🌕🌕🌑🌑椒鹽豆腐🌕🌕🌕🌕🌑粉葛粉腸豬脷煲豬踭🌕🌕🌕🌕🌑紅燒乳鴿🌕🌕🌕🌕🌑白灼金菇手切牛肉🌕🌕🌕🌑🌑花甲蒸蛋🌕🌕🌕🌕🌑蒜茸龍鬚菜🌕🌕🌕🌑🌑油浸筍殼魚 約左朋友食飯，想食中菜，有人推介太子聚興家。座位方面都幾舒服，都係一般中菜圓枱設計。 因為未齊人，所以先叫一個椒鹽豆腐送下酒先。味道唔錯，但係豆腐外層略嫌唔夠脆。 🍲然後就飲一個湯，睇湯渣都知足料，粉葛粉腸豬脷煲豬踭。平時比較少食湯渣，但係應該都要試少少，點少少辣椒豉油都幾惹味。 🍗紅燒乳鴿味道唔錯又幾香脆，不過肉就偏少，可能本身比較瘦弱。 🥩白灼金菇手切牛肉可能係今晚之最，薑蔥加辣椒，看似簡單嘅配搭，但係又幾好食（雖然有少少宵夜/打冷feel）。墊底芽菜更加係神來之筆，美中不足係部分牛肉食落有少少潺🤔 🥚花甲蒸蛋，都幾滑嘅，不過就有少少沙。 🥬蒜茸龍鬚菜，本身少接觸龍鬚菜，食落幾好味咁啦。 🐟油浸筍殼魚，外皮香脆，肉質嫩滑。

我睇完ViuTV節目去食，發現唔抵食偏向貴嗰個胡椒蟹又細隻仲煮得唔好食 仲非常貴喂隻雞冇特別半隻收我幾百蚊基本上嘢食冇乜特色 訂枱時又指名食個半鐘頭其實去到大把枱試咗一次唔會唔？

上星期同朋友去咗呢間超難食嘅餐廳。本人想搵間坐得舒服，食啲材料靚嘅餐廳，結果嚴重中伏（係我一世人覺得最中伏）我哋叫咗鹽焗雞半隻，嗰半隻雞細嗰隻乳鴿，肉質唔掂，而且有部份係生嘅，有啲地方仲有好似瘀血，我去其他酒樓加少少錢食一隻好食過佢多多聲，value for money 直程係-100.叫咗個胡椒蟹, 味道淡而奇怪,嗰隻蟹又超級細隻，價錢就超級高叫咗個蝦餅，一個字極難食，唔需要係食家都覺得難食，佢個價錢係無比無比無比高得六小塊反而服務態度都可以。呢間嘢直程係玩裝修特別、裝高檔及食物新鮮來呃人我保證呢間係有1000個伏的食肆，有錢都唔好俾佢劏，我哋食嘢價錢都不是最緊要，但求食得開心好食，可惜呢間呢間唔得，係謀人寺反而之後去對面食甜品（好似叫甜品叔叔），就真係覺得良心鋪，好正

這裏可謂是我的飯堂了，因為我試過這裏很多菜式都是很好吃的，而且價錢經濟實惠，不過今天不太肚餓，就指點了兩樣菜式。干燒伊麵這個伊麵，我是無意中看到別人食才點的，沒想到居然是很好吃的，因為這個伊麵的麵質和平日吃到的完全不一樣，平日吃的一咬即斷的，但這個是有咬勁、煙韌的。紅燒乳鴿 $68這個我認為是暫時在我吃過的乳鴿中最好食的，因為皮薄而脆、肉又嫩，而且多汁，味道亦恰到好處，不用點鹽吃都夠味，價錢還很實惠。總括而言，每次來的食物水準都是一樣好，除了地方比較擠迫及嘈吵，只能食物質素是超班的。

今天一家人外出食晚飯，見這間太子砵蘭街418號地鋪【聚興家】門口魚缸海鮮生猛，就决定在這吃，7點多入席，點了一條筍殻魚清蒸(市價)，金牌祘香骨，油鹽水浸蜆，啫啫芥蘭煲。等了約10多分鍾金牌祘香骨上枱，熱辣辣香噴噴，都不錯，吃着吃着，清蒸筍殻魚上枱，好大衹碟，魚都算大條，魚蒸到剛剛好，清甜，肉嫩。跟著䔉香骨吃完，魚也吞哂，剩返兩個可以照鏡的碟，過了好一會，服務員過來收碟，我們也齊齊追其它兩個餸，跟着又過了好大一會，還是沒有菜送來，我們又追，一次又一次追單，無下文，服務員似啞的，完全無回應，已9點有多了，我們决定結帳，幾個服務員們望着我們也是一聲不亨，真無耐，衹講帳單$586元。菜就算再出色再好食，我們也不會再光顧

又貴又細碟，仲要逐碟逐碟上菜，追下佢，仲要比佢寸，垃圾食店，食物碟碟咸過咸蛋，又要扮私房菜，收私房菜價錢，但質素衰過大x樂，未試過連小朋友都會食唔飽，成家人要去第二間繼續食囉

先唔講價錢，食物質素偏咸，（可能我熱氣），仲有，食完等於冇食，每道菜隔20分鐘以上，食完一碟先上一碟，如果想試法國菜嘅感覺可以一試，食飯份量方面，少得可憐，每人夾一舊已經食完碟餸，總結，3個字：「空虛感」幾十年未寫過咁多字，但係為咗評分，要寫200字以上，唯有繼續作，但係呢間聚興家值得我寫200字，但係………..食到最後竟然有驚喜，就係最後一個餸竟然漏單，全晚最開心就係呢一刻，即刻埋單走人，以上純粹個人感覺，不喜勿插！

聚興家 - 太子第一次嘗試呢間都幾有名嘅小菜雖然環境唔係特別靚但係感覺地道我哋叫咗幾款小菜全部都好好食我哋叫咗呢啲：1）粉葛鯪魚煲豬踭湯2) 紅燒乳鴿🫶🏻🫶🏻3) 新鮮生炒骨🫶🏻4) 花甲蒸蛋🫶🏻🫶🏻以上幾款要預訂5）薑蔥桶蠔🫶🏻🫶🏻6）鮮蝦脆米粉🫶🏻7）椒鹽鮮魷8）煎肉餅🫶🏻🫶🏻9）瑤柱蛋白炒飯🫶🏻🫶🏻10）鍋炒飯🫶🏻🫶🏻11）再調多個普通咕嚕肉🫶🏻🫶🏻12）蒜蓉炒豆苗🫶🏻重溫一次都覺得真係好好食又抵食乳鴿真係好脆皮好味花甲蒸蛋係佢哋其中一個signature,一定要叫我自己就覺得薑蔥桶蠔，同埋煎肉餅好正新鮮生炒骨，同埋普通咕嚕肉都叫咗兩個都好好食食到最後仲要食兩個炒飯就係食完瑤柱蛋白炒飯覺得好味再叫多個佢推介嘅唔知咩喎炒飯點知更加好味六條友食咗12樣嘢🤣坐到12點先走佢哋開瓶費係$50一支都可接受其實食到後面，我覺得佢都唔記得收幾多支總之成餐飯食咗咁多嘢，都係$500一個人到啦好適合一班朋友去食Rating: 9/10 Around $500pp

朋友介紹話係良朋共聚嘅好選擇，試新嘢永無say no.椒鹽九肚魚全餐最欣賞嘅小菜，直頭係兒時回憶返晒嚟，實在好多好多年冇係餐廳食得反呢個水準！九肚魚嘅鮮度同油溫火喉都控制到剛剛好！九肚魚入口熱辣辣滑捋捋，外皮炸漿做到脆口又不油膩，做前菜用嚟送白葡萄酒係絕配。金牌蒜香骨老實講蒜香骨賣相有點老火，不過入口有驚喜，可以做到肉嫩有汁，明顯又係師傅嘅功力表面，又係前菜送酒妙品。菠蘿生炒骨（新鮮肉）合格有80分，老板用料新鮮、加分，可以做到掛汁剛好，要挑剔的話排骨份量可以再多啲同厚身一啲。。。蝦乾小炒王味道可以，不過並非個人所好的版本。。。（如圖），芡汁漿粉水過多，未夠鑊氣同乾身。。。新鮮鹽焗雞（半隻）首先聲明作為一個在傳統客家家庭由細食媽咪 home make 自養大騸雞成長的我對鹽焗雞嘅挑剔程度來講，先撇除冰鮮雞肉本身的先天不足，個人覺得今次的鹽焗雞有三個問題、1）斬件嘅時候雞本身溫度太高或”返”熱（睇啲皮就知道）。。。、2）雞肉過熟，雖然咬落去肉質尚算能保持良好有汁，不過明顯有點過火，可以考慮試吓做到骨𥚃透紅效果會更好、3）不夠鹽、而且應該係用鹽水浸雞而並非係用傳統方法用粗鹽去慢慢焐熟（今肉

一直好想幫襯一次「聚興家」，了解一下點解呢間位於太子砵蘭街嘅街坊小館，可以連續五年攞到《米芝蓮車胎人推介》？根據《米芝蓮》食評人嘅往年慣例，除非質素暴跌；否則如無意外，今年年底公布嘅2023年版本應該又會冧莊。小店門面唔顯眼，內裡面積亦很細小，就算做茶餐廳都嫌舖位細；唔怪得出名之後多了客人，要租埋隔離舖位。偏偏兩個相鄰地舖之間是樓上住宅大廈的入口樓梯，廚房要集中在其中一個舖位，務求節省空間，增加用餐區面積。唔止面積細，裝修亦地痞簡陋，加上環境擠迫、冇乜服務、非常嘈吵；同一間舊區嘅街坊小館冇分別。但門口的細細個魚缸又竟然有南非鮑魚、澳洲龍蝦及東星班 / 蘇鼠班等貴價海鮮；再加上餐廳自家網站及媒體介紹有不少明星藝人曾經光顧，甚至是米芝蓮星級餐廳總廚的開飯宵夜秘竇；很有臥虎藏龍、大隱隱於市的格局。不過，實在很難想像到底有什麼本領，可以吸引一眾名人幫襯？店子細小，菜式選擇自然唔多，但就有不少時價海鮮菜式。餐牌上固然沒有標明價錢，環顧四周，亦沒有張貼任何海鮮價目；落單前一定要問清楚，以免爭拗。很隨意地問了侍應今日例湯是什麼，覺得啱飲就點了，沒有問價錢。粉葛粉腸豬橫脷煲豬踭（$398）有大大碟湯渣