三分俗氣 (Closed)

自從黃大仙兩個同鑽石山幾個商場都係連鎖食肆進駐曬後, 如果時間許可, 我通常搵野食都會行遠少少去新蒲崗, 貪佢仲未有好多連鎖餐廳, 行下行下仲可以尋到寶tim~ 今次就試左位於衍慶街的三分俗氣, 聽個名未必知佢食咩, 其實係食上海菜的。 花雕醉雞雞肉夠滑, 淡淡花雕香味再加天然的酒甜味, 又滑又多肉, 不錯。 四喜烤麩另外小食又叫四喜烤麩, 材料有烤麩.毛豆.雲耳, 冬菇及冬筍, 成菜香香甜甜, 醇厚的滋味, 是一道非常經典的上海本幫菜。 小籠包外皮皺褶工整, 賣相不錯, 餡料有豬肉的鮮味，質感鬆化, 湯汁沒有太油膩的感覺。 韭黃炒鱔糊 上枱時香噴噴, 份量也算很足，調味不會過重，唯一美中不足的是肉質稍嫌未夠軟嫩。醃篤鮮食上海菜飲酸辣湯飲得多都會悶, 這次就揀了醃篤鮮, 材料很簡單, 醃其實是指醃製的鹹肉；鮮就是指的新鮮的豬肉, 另外還有百頁結和竹筍。湯頭呈乳白色, 口感濃鬱, 是唔想食辣的人湯品的首選。 蔥爆羊肉 (配薄餅)羊肉滑嫩, 而且不會太過膻不會太膩, 味道鮮香惹味而且又暖胃。薄餅即叫即蒸, 和羊肉和大蔥包著一起吃, 整個非常暖肚又滿足。 杭州鹵蛋紅燒肉紅燒肉是帶皮的五花肉燒

今日晚上同朋友係新蒲崗附近嘅工業大廈上yoga，上之前當然係醫肚嘅時候呀。附近其實都有唔少餐廳，咁岩朋友家鄉係上海，我就大膽問一句，不如試下上海菜啦。朋友一口答應，於是我地就黎到呢間 三分俗氣 食啦。入面地方都好闊落，主要都係卡位為主，可以有自己空間，傾計都方便d呀。餐牌菜式都好多，傳統上海菜應有盡有，亦有2、4、6人餐。朋友因為對烤麩情有獨鍾，所以我地決定散叫。我地都叫左幾個餸，包括蟹粉小籠包($60)、四喜烤麩($45)、自家製樟茶鴨 - 例牌($65)、蝦仁兩麵黃($75)、雪山高力豆沙($38)。蟹粉小籠包($60) 賣相幾好，一咬落去d湯汁漏出黎，帶住濃郁嘅蟹鮮味。蟹粉比例都算高，夠重味，而且皮薄得黎又唔會一夾高爛，幾好呀！四喜烤麩($45)係朋友至愛，話每次食上海菜必食咁話。呢度四喜烤麩帶有毛豆、冬菇同雲耳。烤麩質感比較煙韌，並非一般食到個種鬆軟無口感嘅烤麩，而且非常入味，味濃帶香醋嘅酸，非常開胃。雲耳亦整得軟淋入味，唔需要額外點汁已經夠味。自家製樟茶鴨 - 例牌($65) 就真係幾出色，帶有陣陣樟木同茶香之餘，表面再經油炸過，食落表皮非常香口，肉質卻入味而嫩滑。配搭淡味嘅

朋友鍾意食上海菜，適逢係佢生日，聽同事講呢間上海餐館唔錯，食物傳統正宗，於是就約咗去呢度食晚飯。呢晚我哋叫咗個六人餐再散叫咗其他嘢，先嚟蒜泥白肉，白肉唔嚡唔乾，加埋底下嘅粉皮，索晒啲醬汁同蒜蓉，好滋味。四喜烤麩有啲毛豆同雲耳，最怕啲烤麩又乾又唔入味，呢度嘅好入味，烤麩煙煙韌韌，好開胃。上海燻魚做得外脆內軟，唔會炸到好乾，仲食到魚鮮味，同樣做得好入味，好正! 酸辣湯好足料，有荀絲、豬紅、冬菇、豆腐乾、蛋花等，飲落夠酸夠辣，由於湯頭唔係好杰嗰種，飲落好順好舒服。芙蓉賽螃蟹係撈飯之選，炒得滑滑嘅蛋白再加上香濃滑漉嘅蛋黃，簡單又美味。韮王炒鱔糊炒得好香，除韮菜香，黃鱔亦好鮮味，完全食唔到腥味，份量都唔少。崧鼠桂魚嘅桂魚香脆鮮味，魚肉嫩滑，醬汁酸酸甜甜，加埋松子同雜果，好送飯呀! 燴炒土豆絲即係炒薯仔絲，同平時食薯仔又淋又粉嘅感覺好唔同，食落清新爽脆。燻蛋嘅蛋白充滿燻料味，好香，蛋黃仲係溏心，食半隻真係唔夠喉，但因為叫咗好多咗嘢食，所以無encore。回窩肉粗炒喺出面好少見，回窩肉炒得乾身又香，粗炒辣辣哋好惹味，成碟好有鍋氣，我哋極速掃晒。闊佬炒飯炒得香口乾身，食到粒粒蝦仁、蝦米同菜粒，清清哋但

是日為好友慶生,相約在新蒲崗三分俗氣坐定定,睇野食我地點左一個6人套餐,入面包括有酸辣湯,崧鼠桂魚,上海燻魚,蒜泥白肉,四喜烤麩,韭菜炒鱔糊,芙蓉賽螃蟹,熗炒土豆絲,濶佬炒飯,回窩肉粗炒,高力豆沙.見到人地整小籠包,所以再加一個蟹粉小籠包,溏心燻蛋酸辣湯---辣辣地好醒胃呀上海燻魚--幾好食,個汁都幾好,條魚夠脆,一下咬落去都有魚香蒜泥白肉--蒜蓉好香口,再配合埋粉皮,白肉,一流四喜烤麩--餐前小食都幾好蟹粉小籠包--唔好穿呀,一口咬入去,熱湯必晒出黎正呀,仲有好香既蟹粉味溏心燻蛋---好香口呀,流心崧鼠桂魚--條魚都幾大條,炸完真係連頭都食埋呀.仲有D雜果同崧子,個汁都好好,醋既酸唔會太多但可以醒胃韭菜炒鱔糊--夠晒味呀,鱔好正,同埋個量都好多芙蓉賽螃蟹--蛋白滑,蟹夠香口,正呀熗炒土豆絲--少少辣夠晒醒胃濶佬炒飯--炒得夠乾身,好正好好食回窩肉粗炒--炒得幾好,回窩肉唔係好肥,再配合埋D菜食幾好高力豆沙--入面好熱既豆沙襯埋外面糖粉一起吃,甜在心頭

今日同朋友食生日飯,新蒲崗多平靚正野食所以去左三分俗氣入門口店員安排左坐低就俾左茶我地幾個人就叫左個6人套餐先我地要左酸辣湯,崧鼠桂魚,上海燻魚,蒜泥白肉,四喜烤麩,韭菜炒鱔糊,芙蓉賽螃蟹,熗炒土豆絲,濶佬炒飯,回窩肉粗炒另外再加一個蟹粉小籠包,溏心燻蛋,仲有高力豆沙蟹粉小籠包--夠晒熱呀,D蟹粉都好香口溏心燻蛋--一野放晒入口慢慢流入口中,正呀上海燻魚--整得幾好食,個汁幾入味蒜泥白肉--撈下佢,連粉皮一起食酸辣湯--個味幾好,辣辣地夠晒野味四喜烤麩--個質地幾好,都夠清韭菜炒鱔糊--好香口,鱔香味,D韭菜都好香芙蓉賽螃蟹--混合埋隻蛋,蟹味唔錯咁食熗炒土豆絲--辣辣地都夠乾身幾好食濶佬炒飯--望落去唔太多料其實有方魚,食落好好味好香口回窩肉粗炒--唔會好咸夠晒味,咁炒正呀崧鼠桂魚-全晚最正一碟,真係個味正,連埋D汁酸酸地好入口,崧子都好香呀高力豆沙--入面熱辣辣既豆沙,好好味呀

一直也知道新蒲崗美食多, 但交通就是不太方便, 最近才知道, 炮台山有巴士可以到達新蒲崗, 即時覺得方便咗, 便入去尋食. 不熟路的我, 當然由友人帶我食好嘢, 我地去了三分俗氣食飯.單單是睇個餐廳名,我是不知食甚麼. 坐下後, 睇下餐牌, 才知道這是食上海嘢.來到食上海菜, 當然要點佢地的前菜小食. 當中必有我最愛食的鎮江水晶肴肉. 另外, 也點了四喜烤麩.鎮江水晶肴肉.肴肉夠晶瑩剔透, 入口時夠咸香, 但又不會過咸, 軟硬度適中.四喜烤麩.帶甜的麵根, 食的時候帶點咬口, 作為前菜是不錯的選擇.平日食上海菜, 多數點小籠包, 今次我地想試下其他包點, 最後選了清真牛肉餅.上枱時已香味撲鼻.當然要第一時間試下, 個餅好熱, 咬開時要小心一點, 否則好易燙親. 個牛肉餡好多肉汁, 非常好味.友人點了酸辣湯, 但我唔食辣, 所以點了粟米魚肚羮.相對於酸辣湯, 這個羮是較為清一點, 但材料也有不少.而且幾鮮美, 剛才食了幾款較濃味的菜式, 飲番這個羮就可以中和一下.我與友人也愛食海鮮, 見到有蟹粉的菜式, 當然也要點來試下, 左想右想下, 我地選了蟹粉滑豆腐.看似簡單的菜式, 但整起來也有