Video
Read full review
2018-10-08
176 views
今日晚上同朋友係新蒲崗附近嘅工業大廈上yoga，上之前當然係醫肚嘅時候呀。附近其實都有唔少餐廳，咁岩朋友家鄉係上海，我就大膽問一句，不如試下上海菜啦。朋友一口答應，於是我地就黎到呢間 三分俗氣 食啦。入面地方都好闊落，主要都係卡位為主，可以有自己空間，傾計都方便d呀。餐牌菜式都好多，傳統上海菜應有盡有，亦有2、4、6人餐。朋友因為對烤麩情有獨鍾，所以我地決定散叫。我地都叫左幾個餸，包括蟹粉小籠包($60)、四喜烤麩($45)、自家製樟茶鴨 - 例牌($65)、蝦仁兩麵黃($75)、雪山高力豆沙($38)。蟹粉小籠包($60) 賣相幾好，一咬落去d湯汁漏出黎，帶住濃郁嘅蟹鮮味。蟹粉比例都算高，夠重味，而且皮薄得黎又唔會一夾高爛，幾好呀！四喜烤麩($45)係朋友至愛，話每次食上海菜必食咁話。呢度四喜烤麩帶有毛豆、冬菇同雲耳。烤麩質感比較煙韌，並非一般食到個種鬆軟無口感嘅烤麩，而且非常入味，味濃帶香醋嘅酸，非常開胃。雲耳亦整得軟淋入味，唔需要額外點汁已經夠味。自家製樟茶鴨 - 例牌($65) 就真係幾出色，帶有陣陣樟木同茶香之餘，表面再經油炸過，食落表皮非常香口，肉質卻入味而嫩滑。配搭淡味嘅
今日晚上同朋友係新蒲崗附近嘅工業大廈上yoga，上之前當然係醫肚嘅時候呀。附近其實都有唔少餐廳，咁岩朋友家鄉係上海，我就大膽問一句，不如試下上海菜啦。朋友一口答應，於是我地就黎到呢間 三分俗氣 食啦。
入面地方都好闊落，主要都係卡位為主，可以有自己空間，傾計都方便d呀。餐牌菜式都好多，傳統上海菜應有盡有，亦有2、4、6人餐。朋友因為對烤麩情有獨鍾，所以我地決定散叫。
我地都叫左幾個餸，包括蟹粉小籠包($60)、四喜烤麩($45)、自家製樟茶鴨 - 例牌($65)、蝦仁兩麵黃($75)、雪山高力豆沙($38)。
蟹粉小籠包
$60
22 views
0 likes
0 comments
蟹粉小籠包($60) 賣相幾好，一咬落去d湯汁漏出黎，帶住濃郁嘅蟹鮮味。蟹粉比例都算高，夠重味，而且皮薄得黎又唔會一夾高爛，幾好呀！
四喜烤麩
$45
13 views
0 likes
0 comments
四喜烤麩($45)係朋友至愛，話每次食上海菜必食咁話。呢度四喜烤麩帶有毛豆、冬菇同雲耳。烤麩質感比較煙韌，並非一般食到個種鬆軟無口感嘅烤麩，而且非常入味，味濃帶香醋嘅酸，非常開胃。雲耳亦整得軟淋入味，唔需要額外點汁已經夠味。
自家製樟茶鴨 - 例牌
$65
17 views
0 likes
0 comments
自家製樟茶鴨 - 例牌($65) 就真係幾出色，帶有陣陣樟木同茶香之餘，表面再經油炸過，食落表皮非常香口，肉質卻入味而嫩滑。配搭淡味嘅蝴蝶包一同食用，一咸一啖，恰到好處。
蝦仁兩麵黃
$75
22 views
0 likes
0 comments
蝦仁兩麵黃($75) 非常足料，蝦仁同芽菜鋪滿成碟麵，蝦仁彈牙但略微淡味，撈返個汁食就比較好。兩麵黃最有趣嘅地方就係軟硬兼施！一半麵沾上汁，一半麵要脆口，咁食先至有口感。呢度兩麵黃炸得比較挻身，所以個面雖然滿汁，但裏面麵芯仲係脆口，處理得好好，抵讚！
雪山高力豆沙
$38
26 views
0 likes
0 comments
雪山高力豆沙($38)會係必食之選，即叫即炸，面頭鋪滿糖霜，食落軟綿綿，但完全無油感，證明炸時溫度夠熱，無吸返d油入去。而入口紅豆餡亦好足料，好好味，差d encore！
非常不俗嘅三分俗氣，味道好之餘，價錢亦實惠嘅上海菜，相信我同朋友上yoga 堂前應該會再黎食。
Post
