NUTTEA (海光街) (Closed)

未試過nuttea之前 都成日聽到同事話nuttea好好飲呀🤤大家鍾意nuttea嘅程度係 放工都要買杯外賣返屋企同屋企人share 講到咁誇張 😆其實平時食飯經過門口 已經好想試 不過食完飯又太飽 又無買到點知 早幾日 又係一個食飽飯嘅下午 同事心血來潮開左openrice個app就係諗住叫nuttea外賣自取 睇下有咩優惠 一開就見到平時賣HKD35嘅四季春堅果奶蓋茶快閃價只係賣HKD24平左好多 所以就算幾飽 今次一定要試下 再入去睇下 見到個menu 仲有好多唔同味道 有士多啤梨 🍓伯爵朱古力堅果奶茶🍫 牛油果堅果奶 🥑朱古力榛果堅果奶🥛仲有得就咁買堅果奶見到呢啲味道名真係好難抗拒 但係考慮到因爲係第一次飲都係揀返最原始個隻試下 就係四季春堅果奶蓋茶 未試過nuttea之前 都成日聽到同事話nuttea好好飲呀🤤大家鍾意nuttea嘅程度係 放工都要買杯外賣返屋企同屋企人share 講到咁誇張 😆大家一拎完個外賣之後都好開心 影完相都急不及待要試飲 揭開上面一半嘅蓋面 即刻試啖奶蓋先 一放入口係好輕盈好香果仁味 好似軟雪糕嘅質感 仲會咬到少少果仁碎碎 增加左成個奶蓋嘅層次

減肥+努力段練期間，但又好想飲番一杯奶蓋茶嚟獎勵自己，所以就嚟咗呢間專飲堅果奶嘅茶飲店。既可以滿足到飲奶蓋茶嘅慾望，既對身體有好多好處！鋪面好文青風，有啲花嘅裝飾，最適合女士們打卡。叫左一杯牛油果堅果奶，同四季春堅果奶蓋茶（少冰，微糖）。先講下牛油果堅果奶，佢嘅牛油果味同堅果味係配合得好完美，飲入口係飲得出好濃郁嘅牛油果味，但又唔會蓋過左堅果味，好飽肚，如果上班族嘅女士可以食少少野加呢杯飲品當午餐或甜品都得！然後再講下呢杯四季春堅果奶蓋茶。第一次飲堅果奶蓋，一飲入口就覺得⋯點解我唔早啲發現呢款奶蓋，因為實在意外地好飲！佢嘅奶蓋係非常挺身，貼紙有細心提示大家係先傾斜45度咁飲，最後先攪拌飲用。佢嘅茶味清香，配合好濃嘅堅果奶蓋，係味道剛剛好，並唔會好似芝士奶蓋咁膩！！非常推薦大家，特別係呢一帶嘅上班族一定要嚟試！既健康，既好飲！！

🏅堅果奶🌰🥜🥛堅好喝😛🥛乳糖不耐者的恩物😉🌟Special : 太古坊做緊一週年優惠, 外賣落單送一杯堅果飲 詳情拉到最後🤗 <<四季春堅果奶蓋茶>> $35茶味好濃🌱 今次叫左走甜 所以飲飲下覺得有小小苦澀<<茉莉綠鑽堅果奶蓋茶>> $35茉莉茶入口清新 中和左苦澀既茶味 用堅果調製既奶蓋好挺身 有好多堅果粒係面 飲到最後都未溶 👍 而且奶蓋超多 雖然奶蓋本身唔太甜 但飲到最後都好飽 食唔哂🤤 官方飲法: 先用鏟子食奶蓋 食左幾啖就飲番幾啖茶 最後圴匀一起飲 個人鐘意一啖奶蓋一啖茶 😍疫情其間唔方便拎住杯飲品係街飲 可以選擇係鋪頭入面嘆完杯茶先走🤓 店舖有2張小枱供應 🍽************🍽 : Nuttea 鰂魚涌海光街36號地下2號舖

呢杯奶蓋茶非常之岩打卡呀！皆因佢層奶蓋鋪到勁厚勁滿，好似驚死你唔識肥咁🙊，上面仲鋪左唔少果仁碎，賣相好靚仔！由於層奶蓋好杰身，所以食法除左平時就咁飲之外，仲跟左隻細細隻既鏟仔比你不黎食，好特別😆 呢到既奶蓋果然名乎其實係用堅果🌰製作既，除左有平時芝士奶蓋既鹹味之外，仲多左層榛子味👍🏻 撈埋啲果仁碎一齊食口感滿分，不過齋食奶蓋又真係會太膩，所以食幾啖又要飲下個茶balance返🤭 而今次個茶底嗌左出面幾常見既四季春，茶味好出，又唔會過淡，同個榛子味奶蓋一齊飲又出奇地夾喎，仲幫助消膩添！🤣整體黎講，呢個堅果奶蓋一定係呢到必嗌既item，無論口感同味道都夠哂特別，食食下仲會覺得自己好似食緊繽紛樂咁🤪 $30幾就可以試到平時出面試唔到又咁特別既奶蓋茶，兩隻字，推介❗️

炎炎夏日踏入小店，早已擠滿客人，果然名不虛傳💕只等了不足5分鐘，已經領到飲品～😍店員有附送小鏟，不過基於環保原因就冇攞了哈哈(´▽｀)堅果奶蓋有別於一般奶蓋，夠杰、醇厚，較凸出的味是榛子味，混集堅果碎，口感滿分！出色的堅果奶蓋並無奪去四季春的色彩以45度傾斜飲用，即可品嚐冰凍四季春的清香，一解只有奶蓋的膩。二者互補不足，確實缺一不可。*建議立即飲用，才可品嚐最佳味道呢！回頭度：⭐️⭐️⭐️⭐️⭐️

好難得係香港見到用堅果製作既奶，配搭好創新，例如有香蕉燕麥、藜麥燕麥。重點係冇牛奶冇奶精，好健康。店鋪裝修清新簡潔，放左好多唔同種類既堅果擺設，有1、2個位可以坐住等飲品。叫左香芋堅果奶($38)，四季春堅果奶蓋茶($34)。第一啖飲，超濃榛子味，就好似食緊金莎咁。之後個口感就係超多芋頭蓉粒，芋頭打到好綿，非常足料。芋頭味一d都唔假，因為真係真材實料。叫左微糖，所以唔甜，個人覺得甜唔甜都唔會影響飲品效果，因為微糖一樣好飲。飲幾啖之後，就好有飽足感。鍾意食芋頭既人，必叫。堅果製作既奶蓋夠特別，先用小鏟子鏟起奶蓋試一試，鹹鹹既幼滑cream加埋粒粒堅果，好獨特但出奇地好飲。然後再飲奶蓋加四季春，入口先係香滑既cream，之後就係fresh既口感，鹹味cream令茶味更加突出。攪拌再用飲管飲，會有口感上既衝擊，吸到小小cream又飲到堅果味既茶。如果就咁食奶蓋，可能會覺得膩，但再飲啖茶，就解左，jeng。整體，好值得飲堅果奶，比起平時飲既既手搖/手調飲品，更健康，而家用料講究，好欣賞店舖花心思利用堅果調製奶類及茶類飲品。

喺太古坊附近食完lunch，就喺附近睇下有咩嘢飲， 就入咗呢間開咗唔係好耐嘅NUTTEA。店內都有少少人龍， 但係等候時間唔算長，餐牌上都有好多唔同嘅選擇， 而我就揀咗店員推介嘅堅果奶蓋，四季春做茶底。攞倒杯茶飲嘅時候， 即刻試一試佢嘅堅果奶蓋 ， 果然好濃厚，亦香氣逼人， 因為好rich嘅關係，如果就咁食多幾啖會覺得有少少膩，所以配上清香嘅四季春茶就啱啱好奶蓋份量十分足料， 最後我飲曬啲茶竟然仲有奶蓋剩， 同出面茶飲店薄薄一層奶蓋真係高下立見 同埋店家附上小膠鏟，方便客人飲奶蓋，好貼心呀