餃掂手工餃子雲吞專門店

食評話依度啲餃子好好味，特別是松茸餃，一於試吓。一坐低已經見到海報介紹松茸的好處。龍凰松茸雙餃 $92每款餃都會跟一碗湯，立即覺得抵食左。魚湯先甜冇味精，可以飲兩三碗。龍鳳餃煎得脆卜卜，啖啖肉，加上一碟松茸，每一啖都是松茸的飄香，充斥整個味蕾。至尊松茸豬肉餃 $86一啖咬落去，松茸香和豬肉汁在整個舌尖中不停翻滾，改變了我對餃子的定義。這裏有我最喜愛的辣蘿蔔譜，混合在一起吃，爽脆香辣。回味手拍青瓜 $25青瓜香辣十足，爽爽甜甜，作為前菜很開胃。

去開金都商場嗰頭做嘢，發現附近新開咗間餃掂，食過太子同銅鑼灣店，餃子好食又有靚湯飲，一於餃子當晚餐。店內簡潔明亮，乾淨企理。 枱面有各式調味料，又有我至鍾意嘅醃蘿蔔，醃菜仲有紅蘿蔔、青椒、紅椒、薑片。挾幾件食吓先至慢慢睇食咩，餐牌有介紹創辦人嘅理念，個個係咁諗又身體力行就好嘞。叫咗個拍青瓜，再加3幾款唔同餡嘅餃子，有湯、有菜又飽肚。野生松茸素餃子(中)$48餡料主要係松茸、小棠菜、雲耳....又香又爽脆，健康好味。狀元九鼎湯，揀灼餃(湯餃)就會送湯，叫湯另上，剛剛好一人一碗，真材實料，原味不加鹽已經好飲。元貝豬肉餃子(中) $48豬肉餡料混有好多元貝絲，鮮味濃郁。芫茜豬肉餃子清新好味，芫茜香加埋豬肉嘅鮮，真係絕配。回味手拍青瓜$25拍青瓜爽脆，味道清新，好味。自家製山楂雪梨水$28微酸清甜，消膩又滋潤， 呢個天氣飲就最啱。餃子好食又有靚湯飲，正！