堅泰

Open Now

Now Closed

旺角中心近年已經成為繼葵涌廣場後另一個集街頭小食與購物於一身的商場，當中有不少小食店臥虎藏龍，除了日式手卷、港式雞蛋仔、台式飲品之外連泰國菜亦可以於堅泰品嘗得到。與其他人小食店一樣堅泰以外賣為主，但店內亦有一兩個立食位置，麻雀雖小，五臟俱全，泰式鳳爪、生菜包、青木瓜沙律、青咖喱雞或豬頸肉飯、芒果糯米飯等應有盡有。堅泰炒金邊粉 ($50) 即點即炒鑊氣十足，配料方面可以選擇蝦、豬頸肉或雞肉，豬頸肉焦香爽嫩。金邊粉亦保持彈性，羅望子醬酸辣惹味，加上花生碎、芽菜等配料口感豐富。泰式奶茶 (free)套餐均會附送一杯細凍龍眼茶或泰式奶茶，泰式奶茶口感香滑味道正宗而甜度稍高。堅泰榛子香蕉煎餅 ($32)招牌香蕉煎餅分別有朱古力香蕉煎餅、阿華田脆脆香蕉煎餅、花生榛子香蕉煎餅、肉鬆香蕉煎餅等六款口味，即點即煎香氣撲鼻。煎餅餅皮香脆之餘略帶煙韌，內餡香蕉蓉加熱後更加香甜濃郁，配上榛子朱古力醬及煉奶實在令人欲罷不能。

旺角中心立食區細細間舖估唔到可以咁多款式，又有煎餅又有主食同小食，仲有得完包蝦餅買走，堅係泰廚主理😍泰式套餐 - 堅泰炒金邊粉 $50Pad Thai 可以揀蝦肉/雞肉/豬頸肉，揀咗豬頸肉肥肥地份量又多都幾抵，超香羅望子醬但唔會太甜，調味啱啱好，金邊粉都炒得好香。套餐送飲品泰式奶茶，雖然細細杯，但啱啱好解咗頸渴，又唔會令定價太高都幾好 👍🏻 除咗泰奶仲可以揀龍眼茶秘製沙嗲豬肉丸米線 $35果然係秘製，沙嗲味好香，辣辣地，米線都好滑，豬肉丸肉質結實，都幾juicy泰式雞棗（雞肉丸） $16/四粒 & 泰式魚餅 $16/四塊兩款小食都好驚喜！新鮮炸起金黃色熱辣辣，兩款小食入面入邊都有少少蔬菜粒，點個甜辣醬好正肉鬆香蕉煎餅 $34六款煎餅有五款都係甜嘅，我就試吓鹹嘅肉鬆，都係同一個煎餅底，但上面鋪滿肉鬆，香蕉蓉熱辣辣又甜又腍，個餅夠脆，成個配搭得好好🤤