堅泰

Open Now

Now Closed

呢間泰國嘢唔係淨係得香蕉煎餅仲有好多泰式主食嘅選擇店家即叫即整，充滿誠意♨️香蕉分量十足每一件都充滿住熱辣辣嘅香蕉但口感就略嫌油咗少少而龍頭冰係預先整好嘅裡面有幾粒龍眼肉但可能因為冇額外加冰嘅關係味道比較甜少少😋: ⭐️⭐️⭐️⭐️💰: $32

叫左香蕉榛子朱古力醬煎餅 好快有得攞 不過見到個皮係咁「鬆脆」我就覺得唔係我想要嘅泰式煎餅…夾心香蕉數量幾多 每啖都有 但係榛子朱古力醬味唔係太出 唔係中間個舊沾滿晒嘅我覺得冇咩榛子朱古力醬味。塊皮同想像一樣係油炸鬼feel 唔係煎餅feel 冇醬單吃係油溢味 我覺得唔好食🥲

旺中開左好多小食店全部都各有特色同捧場客 經過買完嘢有啲肚餓 揀左間泰國菜醫肚佢全店都係站立形式 買完啲食物可以企喺度食 我就叫左鮮芒果朱古力班戟、炒PadThai 同芒果糯米飯 雖然全部都係外賣但係食物質素有保證啲芒果勁鮮甜加埋椰奶醬同埋飯絕對係甜品之選 仲有朱古力pancake同樣係同芒果做配搭一樣咁好食所有嘢仲要即叫即整添！炒pad Thai 就真係有驚喜 炒得好乾身 麵線分明上面仲有好多海鮮、肉鬆、牛油生菜花生同菠蘿 食到嘅味道絕對超乎應有水準！

話說果日紅日去左旺中行街，行到咁上下見到旺中開左好多小店，有一間泰國野長期好多人排隊😊咁我就同朋友去試吓😊我哋就叫咗幾樣嘢食香蕉煎餅（$34）呢個香蕉煎餅好出色，賣相十分之靚，擺入口脆卜卜，加埋榛子醬簡直冇得頂😍青木瓜沙律($38)青木瓜沙律好開胃，而且2人食份量好足，我同朋友食完之後都仲想買多個食🤣調味配料剛剛好泰式豬頸肉金邊粉（$56）金邊粉好香☺️一啖豬頸肉一啖咁扁粉真係好惹味，簡直同泰國風味一樣總括嚟講，呢間小店好值得支持😛

🇹🇭今年去左兩次泰國😌又開始掛住泰國了👻於旺角中心二樓開泰式小吃店✌🏻芒果糯米飯🍚暖暖地糯米飯有口感 ,芒果都甜甜唔酸青木瓜沙律🥗少少辣得幾過癮，配合爽口新鮮既生菜榛子香蕉煎餅🫓配合榛子同朱古力🍫口感一流仲熱辣辣❤️‍🔥皮薄好食過在泰國🤭牆壁上仲有泰國篤篤掛畫，店員也用泰文溝通，看似也是泰國人呢～ 真是真正泰式小店喔堅泰地址：旺角彌敦道688號旺角中心一期2樓SA25A號舖#kindeethaifood #kindee #hkthaifood #堅泰 #KINDEE堅泰#旺中美食 #旺角美食#香港餐廳 ＃泰國菜 #旺角#旺角中心#hkfood #泰式香蕉煎餅 #香蕉煎餅 #泰式奶茶

>>脷伸 依家嚟旺中好似搵好嘢食多過買衫<<\\\\\\\ 🥢好味➕正常價🟰 回訪率80% 🥢 ///////嚟嘅話首選泰式奶茶香蕉煎餅！爆多泰奶醬,同香蕉意外地夾, 酥脆適中,係幸福嘅滋味～龍眼茶回甘又沁人心脾～豬肉生菜包肥瘦參半,搭配脆爽生菜,口感幾正又開胃🏷️小食、嘢飲$18-$52🔥煎餅超高卡 下次要同人share 食

旺中食嘢大部份都係掃街為主，但估唔到當中有一間食泰國嘢嘅質素拍得住出面泰國餐廳堅泰即炒Pad Thai $56推薦指數🗯️：🌟🌟🌟🌟🌟份量超級多，蝦肉食落爽口彈牙，其他配料份量都好多，而Pad Thai味道酸酸甜甜，好開胃，好適合而家呢啲天氣，配上旁邊啲花生碎一齊食，可以增加口感泰式烤豬頸肉飯 $50推薦指數🗯️：🌟🌟🌟🌟豬頸肉燒到有微微焦香，肥而不膩，而且配上旁邊的醬汁一齊食，會更加惹味泰式奶茶香蕉煎餅 $38推薦指數🗯️：🌟🌟🌟🌟平時食嘅香蕉煎餅，味道選擇比較少，呢間有超多款，我今次就揀咗一個比較少見嘅泰式奶茶口味食落唔會太甜，泰茶味都幾濃，而且唔會覺得太油，外層香脆，同埋份量都幾多✨整體來講，全部都係即叫即做，所以食落全部都熱辣辣，唔係整定咗之後再加熱，食落感覺真係拍得住出面餐廳

旺中呢間泰菜小店夠地道😝如果我係呢頭返工 會每日試勻哂唔同小菜小食 😈木瓜沙律、船麵、撈金邊粉、糯米飯 每日轉款都唔會嫌╰(*´︶`*)╯。。。🦔✢ "堅" 即炒 ᴘᴀᴅ ᴛʜᴀɪ $56一order即係廚房新鮮炒起！無論係賣相定味道都係泰國陣味🤤首先🦐幾有幾件 每條粿條都入哂味 花生碎辣椒碎嗰啲材料都好齊全擺哂係側邊 撈勻食更惹味更有泰國味！等耐少少都值得的kekee ✢ 泰式奶茶香蕉煎餅 $38自己一個食哂成份煎餅應該無事嘅🤪又係即點即整！外表真係好夠奶茶😚淋面嘅花生煉奶醬 但唔會過份heavy外脆內軟之又唔會煎得太熱氣 裡面滿清的香蕉餡比較搶味overall 🍹✢ 龍眼茶 +$10任何煎餅加錢就可以有凍奶茶/龍眼茶~ 但呢個天氣實在太熱 需要啲清涼啲嘅茶 龍眼肉都唔少!!🐾堅泰 𝙆𝙄𝙉 𝘿𝙀𝙀旺角彌敦道688號旺角中心第一座2樓SA25A號舖

旺中一向多美食,今次搵到一間泰國小店！廚師堅係泰國人,所以食物味道堅係同泰國原汁原味架😆😆特別推薦香蕉煎餅！有多達8款口味！好似芋泥/咖啡朱古力/泰式奶茶/芒果/榴蓮朱古力等等~ $34起！🙌🏻🙌🏻堅泰即炒Pad Thai $56好足料！配上蝦同淋上花生,多重口感！叫任何粉麵飯仲可以加$6要杯泰式奶茶/龍眼茶,今次泰奶賣晒所以揀左龍眼茶！甜甜地幾清新！yummm 😋😋😋泰式奶茶香蕉煎餅 $38好正宗！煎餅好脆,拎上手仲熱熱地~~ 淡淡奶茶味, 唔會過甜！好好食~~ 而且一個人食都唔會太滯~😋😋😋

旺中嘅舖頭真係千變萬化，近排又新開咗一間泰國嘢，老闆娘真係泰國人嚟㗎🤓裝修仲超級靚，等嘢食嗰陣打埋卡都仲得🤭泰式酸辣肉碎飯🍚 $50 (+煎蛋 $5)食開香葉肉碎飯，特登試吓新嘢先，隻蛋煎得好靚不特止，肉碎仲有浸青檸香😍雖然佢望落去好似好細盒，但食完都幾飽，大家唔好俾佢嘅外表呃咗🤣泰式招牌船麵🍜 $56估唔到可以食得返同泰國一樣嘅味道，湯底真係好濃郁，而且餸都比得多，抵食之選😋咖啡朱古力香蕉煎餅🍌☕️ $38本身想試泰式奶茶味，好可惜佢賣晒🥲而呢個真係好香咖啡味，見佢咁厚都睇得出落咗好多香蕉，咖啡同朱古力嘅比例平均，唔會話有一邊特別搶味👍🏻

難得假日抽到時間出黎旺角，結果街頭總是人來人往。今日出黎打算去旺角中心的小食區覓食，最後因為天氣炎熱🥵，有種想食泰國野的意欲，見到有朋友極力推介的「堅泰」，立刻點了幾款招牌黎試。   ⦁泰式鳳爪 $42⦁烤豬頸肉撈麵 $38⦁芒果糯米飯 $42⦁“堅泰”榛子香蕉煎餅 $34 無骨鳳爪酸辣適宜，份量亦很多，非常開胃。烤豬頸肉撈麵睇落平平無奇，但食落非常足料，平時可以當一餐都飽。泰式食物之中，芒果糯米飯同香蕉煎餅是我的最愛‼️芒果🥭甜而不酸，糯米飯伴上椰漿與，軟糯之中帶點椰香🥥。另外🍌香蕉煎餅煎得香脆，榛子醬亦唔會好甜，食落甜度剛好。

這家一直都好想試！見到店員好像是泰國人 不過都可以用廣東話溝通而且最近香蕉煎餅多了7款口味！像芋泥/咖啡朱古力/泰式奶茶/芒果/榴蓮朱古力等等🤩➸泰式奶茶香蕉煎餅 | $38 | 9/10見到店員塗好塗滿 再淋上煉奶煎餅好脆 拿上手還是微熱的♨️奶茶像無糖 甜度主要源於香蕉這樣反而不會膩 個人挺喜歡的☺️➸豬頸肉沙律 | $52 | 8.5/10另外想吃得清新一點的話可以選這個！豬頸肉不會太肥 配上青瓜絲和一點洋蔥粒豬頸肉是主角 份量好多🤣調味酸辣但又不會太辣！

小店位於旺中二樓，由泰國人主理，提供多款泰式主食、小食、甜點同飲品。價錢唔算好平，但勝在即叫即整，新鮮熱辣辣，而且食物款式眾多，一定有款啱你心水～ 見唔少人叫咗煎餅，相信係呢度嘅招牌菜，口味選擇有好多，要咗個經典嘅榛子香蕉煎餅。外層薄脆，上手果然好熱，上面塗滿醬汁，十分邪惡。另外有自家椰汁西米糕，QQ彈彈，椰香味突出，冰冰涼涼幾解暑。主食方面有烤豬頸肉金邊粉，亦可以轉撈麵，肉質帶點咬口，烤過後散發著香氣，麵條軟硬度適中，性價比高。私心推介泰式炒飯，可以要蝦、雞或豬頸肉。炒飯炒至粒粒分明但又唔會好乾身要飲水，而且幾有鑊氣，值得一試。

今日同朋友一起到旺角中心逛逛，走到2樓發現有幾間小食店，其中一間由泰國廚師主理叫堅泰的泰式小店很多人在門外排隊叫嘢食，多人食的店舖味道一定不錯，那麼我們決定試試。泰式炒飯$56，金黃的米飯粒粒分明，炒得夠乾身，加入蝦仁雞蛋和其他配菜香料，極其入味👍烤豬頸肉炒麵$38，豬頸肉軟嫩多汁，麵條炒得Q彈爽口，吸收了甜甜辣辣的醬汁，十分美味😋榛子醬香蕉煎餅$34金黃色煎餅面上塗滿榛子醬，一口咬下餅皮鬆脆夾着內裏香甜軟綿的香蕉蓉和濃郁的榛子醬，令人回味無窮。椰汁糕$20椰汁和西米層次分明，香滑可口，正常水準。平民化價錢，有質素的美食，相當唔錯👍

放工同朋友去旺中行街，太耐無行，估唔到2樓已經變左做食街，我地好耐無食泰國野，咁啱見到有間由泰國人主理嘅小店，咁就去試下啦🥗肉碎粉絲沙律（$38）除左肉碎同粉絲之外，仲用上蕃茄仔，洋蔥同花生碎等配料，加上好出色嘅酸辣汁，食落去好fresh好開胃，啱哂而家夏天，如果唔想食粉絲嘅話仲可以改用泰國媽媽麵撈🍲堅泰即炒Pad Thai（$56）好有鑊氣，有蝦有豬頸肉，再加上佢有用左花生炒，香口得嚟味道啱啱好，落左單之後先見到原來點任何粉麵飯都可以加$6要杯泰式奶茶/龍眼茶，蠢左🫣🥘青咖喱雞飯（$50）青咖哩無想像中辣，反而椰汁味道比較重，d汁多到可以撈哂成個白飯仲有突，佢可以選擇雞或者豬頸肉，今次我選擇左雞，雞肉好多好足料，而且佢配埋豆同茄子，夠哂營養均衡🥧朱古力香蕉煎餅（$34）香蕉煎餅有8種味道，今次我揀左朱古力味，香蕉煎餅佢用左脆餅皮，加上即叫即整，一切落去係脆到有聲，入面包左足料嘅香蕉蓉再加上滿滿嘅朱古力醬，食落去大滿足