後街牛扒

Open Now

Now Closed

餐廳落地玻璃向住人流唔多既橫街，裝修簡單，牆壁擺滿好多款酒，主要提供西餐，不同款式部位既牛扒，豬羊都有，服務好好，book位講話同朋友慶祝生日，餐廳竟然準備左盒禮物，驚喜壽星(真係驚喜埋我😂)最後埋單$1012，慶祝生日黎講不失大體，又唔會太貴。✨味道80分，環境77分，服務80分。.🔷Steak Dinner Set視你揀邊款Main Course而定價，$350-$450不等。.🔸Welcome Wine⭐️餐前歡迎酒係白酒，個人覺得幾易入口，甜甜地。.🔸墨西哥脆片⭐️有三種醬，酸忌廉醬，牛油果醬，三重芝士醬。醬味道好好，份量都好多，尤其芝士醬好濃味。可惜脆片得4塊，實在太少，好想食哂啲醬😂.🔸餐前拼盤有五小件精緻小點，有蕃茄漬，紅菜頭，塔花：形狀得意，味道似椰菜花。黑松露蘆筍：蘆筍鮮嫩，黑松露醬味濃。日式炸羽衣甘藍：好油，一咬唧哂啲油出黎。.🔸Daily Soup⭐️甘筍忌廉湯，入口滑，甜甜地，甘筍味濃而冇草青味。.🔸Spanish Bread(+$60)⭐️微暖，外皮微脆，內軟熟，finger size方便食。.🔸田園沙律沙律菜新鮮，煙肉芝士碎，麵包脆脆，沙律汁開胃。.🔸法蘭克牛扒($

後街牛扒係其中一間我bookmark咗好耐嘅餐廳💛 之前睇其他人介紹都話lunch抵食啲，但一路都就唔到時間去食lunch😩 最後都係book咗dinner～ 就咁睇價錢好似幾貴，但其實一個set包咗好多嘢，而且慢慢上菜，都睇得出廚師嘅心機～而且差不多每上一道菜嘅時候，侍應都會講解一下，不過有其中一個侍應講嘢就比較細聲，所以有幾次講解都聽得唔太清楚🙉另外有個小問題係餐廳嘅冷氣有啲太凍，所以食物都會凍得比較快🙈 食咗一半啲食物就凍晒，實在會有少少影響整體用餐感受😬•📸 餐前歡迎酒 🆓📸 Fruit Soda 🆓每個Dinner Set都會包1杯餐酒，當晚嘅就係一杯白酒，侍應話呢款白酒都算易入口～ 如果唔飲酒嘅話，就可以改為飲Fruit Soda～味道偏酸，而且比較重西柚味，幾清新嘅～勝在幾大杯，夠飲足成餐飯😆•📸 田園沙律 🆓其實就係一個正正常常嘅凱撒沙律～•📸 墨西哥脆片 🆓呢個墨西哥脆片係配咗3款醬：酸忌廉醬、牛油果醬、三重芝士醬～ 感覺上最夾嘅都係比較濃味嘅三重芝士醬🧀 •📸 餐前拼盤 🆓侍應介紹嘅時候話呢個長碟係要由右邊食到左邊，感覺就係由淡味食到比較濃味，而且越食越酸🤭都幾開胃

今晚一心想食好西，天真既我竟然係冇book位既情況下去左後街牛扒搵食。原本冇book位真係唔駛諗，好在我地時間夠早，餐廳又好好咁俾我地walkin，不過用餐時間短d，要趕住交番枱俾訂左位既客人。見有得食就唔理了，坐低快快手叫左兩個dinner set。一人有一杯白酒做welcome drink，飲落清新有果香，有酒飲我就好滿足😍前菜既墨西哥脆片又係送酒一流，仲有兩款特製既醬點黎食。然後上左道分別來自唔同國家產地既蔬菜類開胃菜，店員仲好用心咁每種蔬菜介紹，有紅菜頭、烘脆左既羽衣甘藍、紅椒絲、露筍同白椰菜花。食完兩道前菜，突然有個小驚喜，店員話老闆心情好，整左個日本煮法既帆立貝送俾大家食，上面仲有d用香檳整成既泡沫，好有心思@@!我最期待既主菜終於出場，叫左個牛腰扒，睇落好似好瘦但個牛味勁濃。而且我仲加左個牛骨髓side dish，好岩打卡之餘，將d牛骨髓同骨度d油查落去舊肉度食，真係正到痴線❤️另一道意粉主菜都唔弱，上面勁多黑松露同蟹肉，啖啖意粉都好足料，黑松露味仲要勁香～今次幸福地有枱試到，完全冇令我失望，質素對得住價錢，下次決定要早d book定枱再試💛