Sodam Chicken (Closed)

朋友推介去這間餐廳，限時90分鐘，我們三人坐下來半小時先決定到吃什麼，實在是太多菜都想試啦～食評～太陽芝士炸雞沾上芝士後更好味，原本以為食炸雞會很「滯」，但食完仲有位喎。至於雞肉很滑、很嫩，一點也不乾，好味😋～千島加勒比海薄批批底很脆，好像吃餅乾的感覺，料夠厚，味道正。墨魚仔辣炒年糕年糕很軟，就算凍了都沒有硬，很好。不算很辣，還有點滋味的感覺。墨魚仔黎講其實都算大隻。柚子梳打、青檸檬梳打、忌廉鮮奶好味

今日同朋友慶祝生日，因為朋友仔仔好鍾意食芝士，又同我一樣係芝士愛好者，所以就黎試下呢間個好多芝士既 - 太陽芝士炸雞 - 勁愛多芝士既愛好者一定會愛上，因為真係勁多勁香濃既芝士，仲要唔會怕好快就會乾添，炸雞肉好嫩口，仲好香脆，一咬落啲雞到，好多汁唧哂出黎，仲要係芝辣辣既芝士配熱辣辣既雞，沾住芝士食真係另一個風味。墨魚仔辣炒年糕 - 墨魚仔炒得好香，配上煙煙韌韌既年糕。提子特飲 - 好特別，仲有凍冰冰既雪條食，有得飲有得食，好正既感覺。

因為屋企人好中意食韓國炸雞同芝士，今次呢間韓國餐廳一次就滿足晒兩個願望！首先我哋叫咗個太陽芝士炸雞$198，佢啲芝士好多，而且唔會好快就乾晒，食咗一兩舊之後啲芝士仲係暖暖地，個炸雞嘅肉炸得好嫩，唔會好老鞋颯颯， 一口咬落去仲好多肉汁，真係冇得彈！啲皮又夠脆仲有包都係重點，沾芝士好正！之後叫咗個韓式墨魚仔辣炒年糕$138。佢份量好足夠，有成十幾舊年糕，我地三個人都食到好飽，亦都好有口感好煙un，嗰啲墨魚仔都炒得好香，佢個韓式辣醬煮到好似韓國正宗餐廳咁，真係好有首爾嘅味道。因為食炸雞有啲頸渴，而且都想飲下啲甜嘢。所以叫咗兩杯特飲，原價$58一杯，優惠買一送一，所以計返一杯都係$30左右。我揀咗菊花蜜特飲，不過我叫咗少冰，因為我擔心太多冰會飲唔到啲菊花味，最後真係幾清甜，不過佢算係梳打！另一杯係青蘋果特飲，佢好得意仲擺咗一串糖係杯野上面算係甜品，都係soda特飲黎

小編去韓國旅行已經係一年前😔超級掛住點算😫😫😫唯有食炸雞止下癮😏聽過不少朋友介紹位於銅鑼灣的Sodam Chicken 🍗一於試試有無韓國的味道🇰🇷🤗-小編點了四人套餐 $788(包括兩款雞丶前菜丶主菜丶小食丶Pizza 丶飲品）兩款雞：黃金鹹蛋炸雞+蜜糖蒜香炸雞丶煙燻炭燒焗雞🍗前菜－凱撒沙律🥗主菜－墨魚仔辣炒年糕🐙小食－紫菜薯條🍟Pizza －千島加勒比薄餅🍕飲品－蜂蜜檸檬綠茶🍃-🍗黃金鹹蛋炸雞成日俾「限量供應‼️」吸引😂呢度有無鹹蛋黃Fans❓💓勁重鹹蛋黃嘅蛋香味🍳肉質十分嫩滑😍肉汁BIT矖出黎💦重點是無骨‼️BONELESS‼️大大啖🈵推推推-🍗蜜糖蒜香炸雞蒜香味重♨️加上外面都鋪滿蜜糖🍯不錯不錯😋😋😋值得一讚是炸粉脆而不厚👍🏻-🍗煙燻炭燒焗雞食完炸雞就試焗雞😛即Order即整🕝淡淡的煙燻味肉質依然keep住好嫩滑👍🏻仲要好JUICY👅份量也是超多的 不過就略嫌有點鹹😕配上沙律醬 但唔點醬都OK🤞🏻-🥗凱撒沙律沙律菜好新鮮 ON TOP鋪滿芝士碎🧀丶煙肉碎🥓-🐙墨魚仔辣炒年糕強推年榚好煙韌Q彈 LOVE IT😍墨魚仔大大隻加埋韓式辣醬微辣🌶(唔識得辣嘅朋友都可以試吓)又煙韌仲有大家最鍾意

是日岩岩做完一隻job， 所以Lunch就同2個同事去食返餐豐富嘅lunch😂。 二人套餐包炸雞🍗、薯條、水冷麵/魚串湯/凱薩沙律、飲品兩杯，只係$398，都幾抵食～ 三個人食二人套餐都夠飽！☺️ 炸雞方面可以揀黃金鹹蛋炸雞（無骨）或 雙拼炸雞（無骨）， 我地想試多d味， 所以就揀左雙拼炸雞（無骨）～☺️ 風味可以二揀一：韓式、蜜糖芥末、甜酸、辣味、雪花芝士、檸檬🍋柚子、黃金鹹蛋， 好多選擇呀！👏🏻👏🏻👏🏻 我地揀左黃金鹹蛋同檸檬🍋柚子～ 炸雞份量十足，每種口味都有4-5件！😌 炸雞即叫即做，上枱時熱騰騰， 皮脆肉嫩又多汁，水準超高！ 黃金鹹蛋炸雞炸到脆卜卜， 外皮沾滿鹹蛋黃，鹹香味濃～ 啖啖都是滋味，好味道！值得試！😏 檸檬柚子炸雞是用左韓國柚子蜜淋係炸雞上面，炸雞皮保持炸脆， 醬汁甜中帶酸，清新又唔覺膩～ 薯條🍟有3種口味：原味、芝士、紫菜可選擇， 我地揀左紫菜薯條， 薯條每條都好粗身，外脆內軟， 灑上勁多紫菜，不錯！ 魚串湯 鹹香嘅上湯， 浸着韓國魚肉串、娃娃菜、豚肉片、金菇、豆腐、大蔥等， 可以解一解食炸雞嘅油膩～😌 餐飲可以揀果汁、汽水， 仲有健康派蜂蜜檸檬🍋綠茶

第2次食sodam chicken，每次都好滿意但上次未食到黃金鹹蛋炸雞，一直都諗住要再黎食過今次多啲人所以叫咗個3-4人既set ($788)黃金鹹蛋炸雞咬落每啖都食到鹹蛋味由雞皮至雞肉都食到！十分惹味冇骨炸雞肉質鮮嫩，一次過都食咗3舊~蜜糖蒜香焗雞雞肉表頭個皮焗到金黃色，仲沾上蜜糖汁🍯十分吸引，食落似係炸既，但呢款比鹹蛋炸雞肉質實同乾少少，但味道好足，蜜糖同蒜香味都好食得岀凱撒沙律菜幾新鮮，但如果唔係跟餐唔會點菜墨魚仔辣炒年糕 呢個味道好正，完全係香港人口味！韓式醬汁帶少少既辣味，每塊年糕，魚塊都沾滿啲汁。年糕煙煙韌韌，好有咬口！紫菜薯條紫菜粉灑係上面，薯條好似食落特別脆咁。應該話薯條本身已經炸得好脆，又唔會好快冧。千島加勒比薄餅 有蟹柳，粟米，火腿，千島醬。pizza 用咗脆身餅底，感覺上比厚果啲冇咁易食滯。pizza幾過癮，甜甜地幾清新。

近排呢個黃金鹹蛋炸雞好hit，我哋一行5個女仔，決定要試。什麽什麽減肥，熱氣，下次再算啦！其實我訂位嗰時，聼電話個人冇同我講得90分鐘用餐時間。。。我同一位朋友先到，冇辦法，坐底咗先，唯有我哋發辦叫住野食先啦！唔諗其他人要咩，我哋決定先叫個二人套餐，再加多一份炸雞，同埋另外再叫野飲。二人套餐：黃金鹹蛋炸雞(無骨)+芝士薯條+墨魚仔辣炒年糕+飲品2杯 $398另外加咗個雙重芝士炸雞$175 同埋叫多兩杯飲品。芝士薯條薯條比較普通，我們想象芝士會是流/溶在薯條面。估唔到係芝士粉。但是勝在夠熱辣辣，作爲前菜都ok!墨魚仔辣炒年糕年糕炒得夠煙韌，墨魚仔份量都算ok，另外仲有大大塊魚糕片。辣味適中，好開胃。黃金鹹蛋炸雞(無骨) 分量黎講，我估都有8件。每一件都沾滿鹹蛋炸粉，鹹香十足。炸雞塊冇骨，咬落非常脆口， 而雞肉嫰滑多汁。啖啖肉。好正。雙重芝士炸雞呢款我哋都叫咗冇骨（我哋實在太懶啦！）。芝士粉有啲似薯條嗰隻。朋友們都中意。同黃金鹹蛋炸雞一樣，雞炸得好脆，裏面雞肉嫰滑多汁。唔錯！飲品蜂蜜檸檬綠茶甜橙梳打柚子梳打野食黎講，雞炸得好脆，肉質多汁又夠嫰滑。重點係冇骨。啱曬我。但係環境方便，地方細，比

雖說農曆新年已過，但新正頭，來一客韓式紫菜金黃焗雞都挺有意頭。希望吃過之後，大家都紫氣東來，黃金滾滾來！這家位於銅鑼灣的炸雞店，除了炸雞之外，還有焗雞可供選擇，各有特色。當中推出兩款新口味，分別是檸檬柚子炸雞和韓風紫菜焗雞。韓風紫菜焗雞（$175）👍👍👍👍👍焗雞的準備時間一般比炸雞長，亦比炸雞健康一點。由於不用油炸，利用烤焗的方法，沒有多餘的油份，雞的外皮焗得香脆，但內層還緊鎖著肉汁。把雞件搣開，看到冒著熱氣的嫩滑雞肉，豐富的肉汁仍保留在其中。表皮撒滿了芝士粉、香草碎和紫菜絲，多重滋味。芝士粉的奶香味、加上香草的香氣和脆脆的紫菜，味道可口。墨魚仔辣炒年糕（$138）👍👍👍👍辣炒年糕除了有墨魚仔外，還有半隻雞蛋和魚糕。醬汁味道辣中帶少少酸甜，味道很開胃，一片片的魚糕索透醬汁，加上煙靭的年糕，令人吃過不停。飽滿脹卜卜的墨魚仔，爽口又帶點煙靭。熱帶風情薄餅 （$138）👍👍👍👍這裏的餠底是薄批底，所以食落香脆，饀料用了蕃茄醬、菠蘿、火腿、蘑菇和水牛芝士，材料豐富又清新。菊花蜜特飲 （$58）👍👍👍👍這杯吸精的菊花蜜，大大朵黃菊夾在杯邊，看到已賞心悅目。菊花蜜是 Mocktail, 並不含酒精

有朋友生日，一直都諗唔到食咩好， 近排韓風吹襲， 突然醒起食韓式炸雞，「Sodam Chicken」位於銅鑼灣耀華街3號百樂中心7樓， 位置十分方便， 銅鑼灣地鐵站，A 出口 ，步行五分鐘就到了。 我哋叫咗一份《蜜糖芥末香蔥炸雞 $188》，份量十足，雞件大大件。餐廳仲提供膠手套同雞骨兜，咁就唔怕整污糟隻手啦， 可以直接用手食了， 超爽！ 主角出場啦！ 上枱時炸雞熱辣辣，即叫即炸，雞件外層香脆，內𥚃充滿肉汁， 肉質非常嫩滑， 加上甜甜嘅蜜糖芥末， 更加美味！上海炒年糕就食得多， 韓國式嘅《墨魚仔辣炒年糕 $138》就好少食， 一於試吓， 嘩！原來係有d 辣，我食得辣， 無乜所謂啦， 味道有點似韓式泡菜， 帶甜甜辣辣， 年糕煙煙韌韌 ，囗感不錯， 十分惹味。 材料主要有年糕、墨魚仔、 魚片同蛋等等。 我哋再叫咗個《濟州島海鮮薄餅$160》一齊食， 薄餅份量唔少㗎，大大個， 鋪滿海鮮， 有蝦肉同魷魚 等等。 仲有鮮蕃茄、蘑菇、菠蘿同青椒等蔬菜， 材料十分豐富， 再加上水牛芝士， 多種香料一齊焗。 雖然要等15至20分鐘， 但上枱時熱辣辣， 咁就知道即叫即整啦，薄餅做得香脆可口，我即刻食咗兩

一班傻朋友說在社交網站看到Sodam Chicken的太陽芝士炸雞，爭著說要一起去增肥，好呀誰怕誰！第二天我們下班就約去了哈哈。*太陽芝士炸雞　$198去之前看了看OPENRICE ，果然每人必點呀！進入餐廳的時候，不誇張，每隔兩台就有人點這盤。所以第一道當然是先點太陽芝士炸雞，整盤顏色金黃金黃的很吸引。*最搶眼的是共農夫飽裡面滿滿的芝士，由水牛芝士、車打芝士及秘製芝士醬汁混合而成。*旁邊的炸雞亦有灑上香草碎，炸粉不算厚，肉質嫩滑，有點像是KFC的質素版！*拿起一塊炸雞沾滿芝士醬，朋友笑說他沾的不是芝士而是卡路里，芝士醬汁看上去比較邪惡，吃下去是還好。最令人激動的是拉起芝士的一刻，我們還來了個比賽，看誰的芝士拉絲比較長。*傻朋友也真是傻，吃完太陽炸雞覺得這裡的芝士很美味，說要追加一個特級芝士火鍋！*特級芝士火鍋　$278原來除了火鍋料之外還有美國豬仔骨！也太豐盛了吧！火鍋料有農夫包粒外，還有腸仔、美國豬仔骨、黃金炸薯條、手工流心芝士年糕、紫薯年糕、車厘茄等。芝士火鍋的漿由四種芝士混合而成，包括有藍紋芝士、金畢文芝士、巴馬臣芝士和韓國水牛芝士，芝士味比太陽炸雞的芝士來得淡一點，口感綿密，

最近係榴槤季節，聽聞衣到有榴槤嘅菜式，所以特登約埋個榴槤粉絲朋友一齊去試吓。7點鐘去到已經差唔多full晒，只有一兩張枱剩，好彩都先唔使等。我哋揀咗招牌榴槤芝士炸雞，見到個Menu我已經好興奮，榴槤之餘仲有好多款式嘅雞，好多都想試但係眼闊肚窄，始終都揀咗我地最愛既榴槤芝士炸雞，榴槤芝士唔算太濃烈，哄埋去先至聞到陣榴槤味既，所以就算唔食嘅人都使怕。芝士好香，淡淡的不會膩，炸雞外皮炸得靚，硬度適中夠脆而不太硬，肉質非常嫩口，肥瘦均勻，明顯有好新鮮既雞味，點埋榴槤芝士醬，感覺配搭出特別既味道，非常滋味，食到一份滿足感，非常滿意既一款菜式。另有榴槤芝士薄餅，可惜我地得2個人食唔哂，若然下次約到幾個鐘意榴槤既朋友一齊share 就不得了。墨魚仔辣炒年糕醬汁惹味，不會太濃或太辣，墨魚仔算爽口但略嫌少左DD, 多返2,3隻更好。鮮果沙律衣個係相對比較平凡既切件生果+菜沙律，賣相都未有如menu 吸引，有較多改善空間，例如可以加一D Nuts , 或者用一D 特製既source, 會添返d 驚喜。提子燒酒 / Apple Cider Rita 燈膽造型有噱頭，味道不錯，Cocktail 方面價錢就偏

常說韓式炸雞店，本以為只有炸物，其實不少炸雞店亦有焗雞的，各有千秋！香惹程度來說，當然始終是炸雞吸引，但如果想吃得少些油，焗雞可以同樣香脆，可以少一分膩感及罪惡感。本周六特然有奇想，親親爹哋之好去處從本來指定的點心宴改去試食韓國炸雞，估不到他亦贊成，獻上他的第一次！銅鑼灣眾多炸雞店中我選了 Sodam Chicken，因為炸焗雞皆好。首爾風味焗雞 外表金黃，焗得出色，香脆肉嫩，並無肥膏，可能已經焗至被熔化了，雞的體積相信有規格，不大不小，分成八件，調味剛好，可蘸一些沙律醬添潤澤。太陽芝士炸雞 見到吸引的圖片，就是邪惡也忍不住，巨型烤焗麵包內滿載溶化芝士，混了香草，烤至略有焦黃，味道不強，沒有過鹹，香味卻足。旁邊有八件炸雞，淨吃香脆至不得了，蘸些芝士，更是芝香滿瀉，雙重滿足。墨魚仔辣炒年糕 吃韓國茶，辣炒年糕豈能缺，年糕非常煙韌入味，唯辣度輕微，未夠刺激，但剛好合阿姨胃口。提子特飲 漂亮搶鏡，尤其是那支七彩冰條，果味自然，冰涼入心，特飲味道普通，如一般汽水。偶爾轉轉口味，家人吃得開心，周六中午九成客滿，慢嚐無壓力，上菜速度快，服務對辦，滿意的一餐。