備長

Open Now

Now Closed

係作為燒烤用既重要燃料，備長炭珍貴之在，燒出黎既串燒好似戴左光環咁，特別好食。呢間「備長」提供串燒同埋日本菜之外，可以walk in仲有得包場，消費滿$500會有一張$100 coupon，可以係其集團旗下餐廳任用，即刻book枱啦喂！👇🏻📌人 氣 推 介 - ▪️ 串 燒 -  ▫️「鹽燒雞翼」一見到雞翼第一時間忍唔住叫左，帶微微焦香，厚肉得黎唔乾身，爽！▫️「日本雞皮」外層燒到好似薯片咁脆口，食落好似魚片咁索索聲，送酒一流。▫️「日本雞大腿肉」食落肉質爽口夠哂juicy，油脂香味濃郁，但唔會好膩。▫️「日本雞腎」係燒鳥界裡面絕對係別樹一格，入口爽口彈牙，必食！▫️「雞軟骨」火候控制得宜，保持到外層爽脆，裡面軟骨更加有咬口。▫️「辛辣炸雞」即叫即炸，食落夠鬆脆，唔會有雪味，雞肉亦夠滑身，加埋辛辣醬，份外惹味，配生啤定sake一樣咁正！📌食 事 - ▪️ 海 膽 海 鮮 炒 飯 - $158▫️「海膽海鮮炒飯」兩大塊海膽鋪係飯面頭上，淨係睇賣相都夠哂吸引，炒飯底亦落足料，當中有魷魚、蜆肉到場支持，成個飯底炒得好有鑊氣又夠乾身，撈埋海膽一齊食，多左一份鮮香，有驚喜。▪️ 墨 魚 汁 炒 烏 冬 - $118

😎今日又黎到銅鑼灣搵食，而今次會食嘅就係鄰近銅鑼灣地鐵站嘅日式居酒屋 -- 備長餐廳係17 年傳統串燒老店，店內空間都幾大，周圍都用咗唔同清酒樽裝飾，坐近bar台仲有得睇住師父點整串燒架😁野食方面，我地叫咗➡️”清酒煮蜆”，清酒嘅香氣同蜆嘅鮮甜口感完美結合，每隻蜆都大大隻又夠哂爽口清甜，絕對是開胃嘅好選擇👍🏻👍🏻串燒有非常多選擇，其中➡️”免冶雞肉棒”外面燒得酥脆，內裡嘅雞肉鮮嫩多汁，加上醬汁的調味同埋蛋漿，真心唔錯😋➡️”雞軟骨”非常有咬口又唔會太韌➡️”雞皮”燒得外脆內嫩，調味又唔會過咸，味道岩岩好👍🏻佢嘅豚肉類串燒非常特別，有好多款比較少見嘅菜式，例如➡️”汁燒脆豬耳”口感爽脆得黎又好入味，送酒真係一流😎而➡️”豚之大腸”更加係重點推介，平時炸大腸就食得多，原來燒都可以咁爽脆，咬落又唔會油膩，醬汁調味仲非常惹味，值得一試😍除咗串燒，佢主食都唔錯架，大大份仲有好特別嘅➡️”墨魚汁炒烏冬”，墨魚新鮮彈牙，火喉岩岩好，墨魚汁有海水嘅咸香又唔會覺得太濃味，非常唔錯架😋😋🔸清酒煮大蜆 ($108)🔹自家製免冶雞肉棒($42)🔸雞軟骨($25)🔹雞皮($32)🔸汁燒脆豬耳 ($38)🔹豚之大腸($38)🔸

澳門逸園中心其實係銅鑼灣既中心地帶，就sogo隔離少少咋，每一層都有餐廳，搵食黎呢度都幾好！26樓有間叫備長，專做串燒和食嘅餐廳，係17年傳統串燒老店。適逢17週年，星期日至四每日都有不同款嘅食物同指定嘅酒做買一送一優惠，都幾抵。服務都不錯，一坐低就奉上熱茶同埋前菜。前菜，每兩位收$28。有吧檯，可以坐近師傅，又或者係大枱都有，適合一大班人嚟食。清酒煮大蜆 $108🌟🌟🌟🌟🌟超級鮮甜大隻冇沙熱辣辣，飲埋個湯夠鮮甜好正推介！👍👍👍牛油雜菌$72好香牛油味！牛舌厚切$78🌟🌟🌟🌟🌟好厚身，但唔韌，軟腍好咬彈牙。推介！👍👍👍牛肋骨$48好濃燒汁醃,肉質都腍。豚腹$28五花腩， 燒過唔係好油，冇豬騷味。鹽燒雞翼$32🌟🌟🌟🌟一串有兩隻，佢切開咗好似單骨咁樣，好方便食，外皮鹽燒過，非常之脆口。推介👍👍👍柚子芥末墨魚串$38🌟🌟🌟🌟🌟師傅話為咗食提升食物質素，menu雖然寫墨魚串，但係佢哋而家用嘅係墨魚鬚，比墨魚更加彈牙好食。咬落去juicy!煙韌彈牙！配柚子芥末簡直係神來之筆！味道好夾好鮮好開胃！推介必試！👍👍👍日本秋葵$32帶牛油香，食咗咁多肉，食返啲蔬菜，感覺平衡舒服。露荀豬肉卷$38🌟🌟🌟

近排落足幾日雨，日日留家食飯，今天見收工前天色好轉，立刻即興約友人出銅鑼灣搵食港鐵站D2出口右轉就來到澳門逸園中心，26樓到來到今晚嘅飯堂-備長喇餐廳走高格調路線，除了風和餐枱亦有工業風格的大門同吊燈坐低未夠三分鐘即遞上熱茶，枱面有乾濕紙巾同消毒搓手液一應俱全🤝主食我哋點咗墨魚汁炒烏冬及燒飯糰。因為用墨汁炒烏冬都係第一次食，味道也很討好，食到條條彈牙魷魚鬚，仲有少量豬肉更加之惹味想試嘅購朋友注意要著深色衫燒飯糰我揀左至愛明太子，燒得甘香可口，每面也呈金黃色必叫之選串燒方面全部都即叫即燒，上碟時熱辣辣，沾上面豉醬入口一流牛舌、柚子芥末墨魚鬚、岩蠔都是推介

今日放工約了好友食飯，我們都不太餓，於是便一齊去食串燒。備長之前吃過，覺得環境食物都不錯，今次再去食。牛舌厚切，鹽燒，火喉剛好，燒得爽脆，牛味濃郁，很讚！雞肉嫩滑，香蔥爽脆，調味亦剛好墨魚鬚脹卜卜，食落富嚼勁加上芥末柚子醬，味道挺特別。雞腎很爽脆，鹽燒無得輸，燒得剛好，好味熱辣辣炒起，有肉片和墨魚，以墨汁炒，一點都唔覺得腥，烏冬亦高質，扁身，煙韌彈牙，不過要注意嘅食完要把嘴抹乾淨，否則就會變成好似中毒的樣子啦雖然價錢比岀面貴，串燒除牛外都要打孖上，但食材都算高質，挽回不少分數。

平時好少幫襯串燒專門店，今日難得朋友有興致，便投其所好，大家一齊食串燒。前菜  $28前菜由椰菜、青瓜條、甘荀條組成，侍應建議可試蘸上他們自家製的味噌醬。本來對味噌醬一點興趣也沒有的我，卻因為這裏的味噌醬有所改觀，香濃重酒味，一試難忘。外層香脆，但絶不油膩，粉漿簿，蟹肉厚，配上帶微酸沙律汁的生鮮沙律菜，味道很夾。視覺上已經非常令人垂涎，鰻魚肥美厚身，燒汁質地濃稠，鰻魚外層燒至微微焦香，趁熱食真的滋味無窮。飽滿的雞翼內釀了略帶微辣的明太子餡料，無骨，咬落啖啖肉，肉汁juicy，雞翼外皮燒得又脆又香，非常惹味。很多食評都有推介這道菜，所以我都點了一客 。 鮮甜多汁的原粒荔枝被包裹在一片薄薄的豬肉片內；咬一口，荔枝的清甜以及豬肉的嫩滑口感混為一體，不但有嚼口，亦令味道更富層次。真的無介紹錯，清新美味，佐酒一流。炒飯水準不俗，粒粒分明，熱辣辣，混合紅蘿蔔與墨魚粒，增加咬口，再配撘海膽同吃，口感creamy，味道鮮甜。對墨魚汁情有獨中的我，特別要推薦這道菜。剛剛炒起送上檯，雖然仍有煙冒出，但入口時温度卻又剛剛好；烏冬入口煙韌彈牙，墨魚汁鮮味濃郁，與肉片和墨魚肉一起炒，更富口感，簡簡單單的菜式，卻

放假當然要和好友吃好一點，由於我們都愛吃串燒，就到這間位於一幢有很多高質食肆的澳門逸園中心的備長一試。餐廳環境簡約舒適，適合三五知己聚會聊天。這裏主打串燒，要注意的是每款串燒都最少要order 兩串，還好我跟朋友的口味差不多，所以問題不大墨魚鬚爽口但又不失本身應有的嚼勁，加上清新的柚子芥末醬，正這個芥末味不算重，不吃芥末的朋友亦可一試。師傅控制火候剛剛好，鹽燒，很入味，肉質軟腍爽口不帶韌，而且牛味濃郁，屬水準之作。賣相很可愛，脹卜卜，荔枝不會燒得很乾身，咬下去非常juicy, 感覺清新，減去肉的油膩感，和豬肉很夾，如果豬肉厚身一點會更好。大腸燒得外脆內軟，食落甘香非常，外皮燒得香脆可口，雞肉嫩滑，明太子帶微辣，但朋友一點辣都不能吃，益了我茄子吸收了甜醬汁，再加上木魚碎，味道層次升級。炸至金黃，外層脆口，內裡芝士滿滿，芝味濃郁，比平時吃開的羶味較重，但亦不錯👍🏼烏冬連肉片和墨魚一起炒，熱辣辣，烏冬煙韌，墨魚爽脆，整體不錯。炒飯份量頗大，不會炒得太乾或太濕，粒粒分明。上面有三大片凍凍的海膽刺身，我自己就喜歡和炒飯撈在一起吃。侍應服務好，會主動添茶和收碟，有機會下次再來。

唔知點每個月總係心思思想食餐好ge日本野，4月岩岩先開始，已經忍唔住拉個friend去食餐好。XD今次我就決定食日式串燒，所以同好友揀左呢間銅鑼灣餐廳。Menu超多選擇，有好多特別款式。先黎牛油果沙律，撈胡麻汁冇得輸，好多牛油果粒。條鯖魚幾大條，好厚肉，個皮燒到好脆身。芝士粒新鮮炸起，咬開好熱，要小心食。呢個豬肉卷冇叫錯，配搭荔枝好juicy！初初以為個烏冬得魷魚，但食食下發現有唔少配菜，好似豬肉洋葱咁。海膽好大塊，炒飯粒粒分明。個燒雞翼漲到d明太子就黎漏出黎咁，仲燒到皮脆肉嫩。Service唔錯，有不斷加茶。

朋友來銅鑼灣購物順便接我放工，朋友是日本控，特別喜歡日式料理。銅鑼灣有不少居酒屋，所以今次決定帶她去嚐嚐日式串燒。餐廳位於Sogo附近的一棟商廈，地方不算很大，8時入座已經差不多滿座，建議先訂位會比較穩妥。餐廳有開放式廚房，所以一眼便能看到廚師準備食材和燒串燒，甚有地道居酒屋的風味。餐廳食物選擇眾多，除了主打的串燒外，還有一系列刺身和熟食，而清酒更有買一送一的優惠，可以盡情暢飲～我們首先點了幾款串燒，先有荔枝豬肉卷和厚切牛舌。雖然荔枝和豬肉聽起來完全搭不上，但荔枝配以薄切的五花腩片後鹽燒，一咬即時爆發出荔枝的清甜味和五花腩的香味，味道豐富又出奇地匹配，甚有驚喜。厚切牛舌燒得很香，牛味濃郁而且爽口彈牙，絕對可以加點幾份。燒豆腐和豚之大腸在坊間比較少見，燒豆腐非常香口，外脆內軟。而且焦香的外皮配上日式醬汁，十分惹味。豚之大腸比較薄切，外面香脆，入口軟綿而煙靭，絕對沒有一般大腸的油膩感。明太子雞翼已經去骨，裡面塞滿了明太子，啖啖肉而且肉質嫩滑，口感豐富。煙肉蠔卷是絕配，廣島蠔加上煙肉，燒起來油脂都散發出來，甘香撲鼻。而且時間控制得宜，吃下去還帶點肉汁。自家製免治雞肉棒吃得出是師父手打，肉質紮

差不多九點先開完會收工，老細話不如一齊去食啲野，行到逸園樓下見26樓備長食日式串燒，兩條友就上咗去放鬆下；餐廳細細地但係幾好氣氛，有唔少放工人士係度食野吹水。餐館做緊十一周年promotion ，清酒同啤酒都有買一送一，不過老細今晚唔想飲酒，唯有下次先啦兩個人都唔太肚餓，簡單叫幾款野食，先黎一個冷蕃茄同雜錦天婦羅，冷蕃茄有芝麻味又酸酸地，好開胃；天婦羅即炸熱辣辣，粉漿好薄身，咬落去蝦同冬菇都好彈牙！ 跟住幾個就好啱口味，一個係柚子芥末墨魚鬚，墨魚鬚彈牙不突止，柚子同芥末配合提升左鮮味。另一個呢度既signature 串燒荔枝豬肉卷，一甜一咸異常合拍，熱辣辣嘅薄身豬肉卷一咬落去D荔枝汁就泌晒出黎，好過癮；明太子雞翼 - 地道既明太子會用鹽同唐辛子醃製，所以預會辣辣地，下過呢度用返原味明太子釀入雞翼，明太子粒粒分明又塞爆成隻雞翼，夠惹味另外叫左溫泉蛋沙律，墨魚汁炒烏冬，燒白鱔同豚之大腸；墨魚汁炒烏冬唔會黏住一舊舊，食落條條烏冬都咁爽口，墨魚汁味好突出，有D驚喜；豚之大腸其實就係豬大腸，個陣騷味唔係人人鍾意，呢度個大腸保留到本身既獨有味道之餘，燒香左比較容易接受，平時唔多食大腸既我都覺得好O

平時係銅鑼灣返工經常留意到澳門逸園中心呢幢大廈，上面有好多形形色色嘅餐廳，同朋友揀咗呢間有質素嘅日本居酒屋，食材新鮮，服務周到。店員介紹到10月底有一個啤酒同清酒買1送1的優惠，但朋友唔飲酒所以就冇叫到。前菜：紅蘿蔔、青瓜、椰菜， 好新鮮，好鮮甜，配上店內自製面豉醬，好開胃。又肥又滑的大蜆，一點沙都冇，配上濃郁的清酒，好味道六點：三文魚、油甘魚、甜蝦、海膽、帶子、北寄貝。刺身好新鮮，爽厚鮮甜，彈牙爽甜，海膽好細綿濃郁。呢個好特別，第一次食，香甜的荔枝配上微焦的豬肉，好特別的味道，雖然係水果加肉類，但2邊味道一樣都甘出，唔會互相搶左大家。烏冬好彈牙啊，墨魚汁甜甜的，墨魚汁包裏著烏冬，配上爽口墨魚，口感一流。

為了和女朋友食一餐好少少的串燒，找到一間人氣比較高的在銅鑼灣樓上鋪。地方不算大，若可容納30人，不過每枱之間都有適當的空間。前菜是甘荀、青瓜和鮮菜，開開味蕾。每款串燒最少要點兩串‼串燒豬肉串永遠都是最惹味，蘆筍豬肉卷肉汁很多，中間包著的蘆筍也有濃濃的豬肉汁味。第一次試腐皮雞肉卷，腐皮外面燒得香脆，內裏保持到腐皮質感，中間的雞肉更是精粹，調味做得好。選了幾款海鮮，味噌燒岩蠔夠鮮味，配味噌幾特別。柚子芥末墨魚鬚肉質鮮美，咬落口感十足，淡淡的柚子香加添鮮味，新鮮芥末不濃，但幾攻鼻。除了串燒都叫了小食冷豆腐，很滑，不錯的開胃菜。主食要墨魚汁炒烏冬，選用了手打烏冬十分煙韌，而且墨魚汁很入味。整體食物滿分，果然一份價錢一份貨！

銅鑼灣原來好多樓上餐廳咁好食，平時好少行，但發現成幢都好多好西，仲要勁近地鐵站。好少會叫鹽燒鴨舌，但一試上左癮，面頭少少焦脆，送酒一流！出奇地好食，因為一咬落入曬醬汁嘅味道，然後表面係脆皮，外脆內軟。第一次食咁嘅燒法嘅茄子， 係採用日本較短身嘅茄子，上面鋪滿麵鼓醬去燒，味道較平時嘅燒茄子濃，而呢種短身嘅茄子口感較一般細嫩😎間間串燒店我都會叫牛舌，呢間牛舌都係食過數一數二好食，爽而不韌😍好爽脆，但咬開唔會有難度，因為火喉剛好墨魚汁意粉就食得多，烏冬又真係少，味道係不錯而烏冬係彈牙， 但千祈唔好同曖昧對象黎食😂😂唔係佢望到你成口黑色就唔好。 除左串燒仲有刺身叫，我地叫左油甘魚腩刺身，一向係油甘魚嘅粉絲，呢個切到好厚，所以食落去好肥好好肉地好滿足🤡

如果想坐下來聊聊天，喝個酒，居酒居真的是一個不錯的選擇，所以今天來到這裡試一下超級好食的！蝦子很有彈性，海膽很濃郁非常甜，帶子軟軟的也很甜，劍魚腩油分很多，非常香。牛舌很厚口感非常好，炸得剛剛好，超多肉汁，牛味很重。這個沒有很優秀啦哈，就是沒有甚麼特別，沒有很香，偏中式的感覺啦～洋蔥和蔥很多，面和料比較少。雞翼咸咸得烤得剛剛好，皮脆脆的，沒有甚麼油質，雞肉很滑非常嫰，一點都不會乾喔～蜆肉很肥，不會有沙可以放心吃喔～清酒不算超級濃，所以喝量差的人吃這個也可以接受喔～