菓甜品 (Closed)

之前聽朋友介紹，尖沙咀開左間甜品幾好食，叫「菓甜品」，所以同阿媽行街就決定黎試一試啦!一聽個名已經知道專食甜品，之前聽聞有好多特別甜品款式，對於我呢個甜品控黎講，當然唔可以唔試啦。黎到店鋪係小清新FEEL，細細間咁，座位都多架，入到黎個環境係舒適，而且座位唔會太逼，感覺都幾舒服。因為係平日，加上我地早去，都唔算太多人，好彩唔使排隊，真LUCKY!先講下有咩野食.....一睇個MENU都比想像中多，而且佢有西式有中式，仲有好多係好心機甜品tim啊!我同阿媽兩個因為未食晚餐，但都係甜品控，所以一如試多幾款，食埋個dinner啊~好特別的是，呢度竟然有沙律揀，好驚喜!意大利巴馬大腿沙律  $62一黎梗係食左個沙律先，份量都幾多，巴馬火腿肉質好，咸味適中，咸香加上蜜瓜的爽脆清甜，真係絕配，而且沙律菜夠新鮮，好開胃!桂花白酒燉雪梨  $56酒鬼的我，見到呢個用白酒燉的雪梨，真係非常好奇，一望就決定試試!真係好少見有甜品係用白酒整!首先佢GEI外型真係幾吸引，係成個雪梨上台，一啖入口陣陣白酒味，但唔會好濃烈，係少少清甜咁!另外配上桂花意粉真係好出色，個桂花味好香，清清地但食落係啖啖桂花味，阿媽好鐘

女友心血來潮想食甜品當Dinner，尖咀行下搵下搵到間甜品舖，7點幾入去當然仲有好多位~舖面唔算花巧搶眼。入面就幾精緻，小品餐廳，又有吧枱位坐。每張枱上面都有束小花，優雅清幽得黎又唔會阻住張枱放野。先黎茉莉花茶，甘甘地，再加上陣陣既花香味。士多啤梨奶昔，好濃烈既士多啤梨味，上面再加左cream，攪勻之後令到杯野更滑。芝士粟一燒，貌似粟米加牛油，但其實係芝士蛋糕加忌廉芝士，面粟米粒係粟米mousse黎，所以食落真係有粟米味，味道同呃like都係一流！抹茶窩夫伴雲呢拿雪糕，窩夫本身加左抹茶一齊整，食落啖啖既抹茶味，另外再加上紅豆同雪糕既甜味，絕配！黑森林窩夫伴瑞士朱古力雪糕，原味窩夫襯托住香濃朱古力薄片同雪糕，更加突顯出朱古力既味道。絲絲入心，上面係朱古力心太軟，開左之後入面啲朱古力醬流落下面個雲呢拿雪糕到，熱辣辣既醬配上凍冰冰既雪糕，好特別！椰香紫米露，好香椰汁味但唔係好甜，紫米一啲都唔硬，煙煙韌韌。

2018年10月10日。尖沙咀。雨。工作太忙，心情不佳，所以需要甜品補充正能量呢日就來到呢間簡約小店，裝修都係以木傢俬為主每張枱都擺咗細樽乾花，令人可以放鬆心情今日甜品當晚餐，未到8點就去到，只有兩枱客先嗌咗個沙律墊下肚先意大利巴馬火腿沙律，$62大量沙律菜，滴咗意大利黑醋，酸酸甜甜，好開胃上面鋪咗三塊巴馬火腿，旁邊仲有一排蜜瓜，一齊食味道平衡，唔錯玉桂蘋果窩夫伴冧酒提子雪糕，$64造型好靚，顏色配搭好靚，散發住金黃光芒～～～蘋果都有兩個質地，有新鮮嘅，有煮咗嘅上間嗰球冧酒提子雪糕有錦上添花嘅效果可以沾窩夫食，又可以就咁食～面頭灑上玉桂粉，增添香味曲奇奶昔，$48曲奇足料，質感幼滑唔錯唔錯黑森林窩夫伴瑞士朱古力雪糕，$68造型非常華麗～窩夫面鋪咗大量朱古力片，所用嘅朱古力唔會太甜，所以唔會好膩窩夫同朱古力中間仲鋪滿車厘子漿，做返黑森林嘅層次出來中間嘅朱古力雪糕香濃，建議分開食士多啤梨奶昔，$48杯面有好多粒士多啤梨材料十足，奶昔同樣幼滑

同朋友食完晚飯意猶未盡當然要去食埋甜品😛我地就近近地揀左菓甜品 見到Openrice啲好評同相真係好期待🙈好彩結果都冇令我地失望 草莓奶昔入口creamy 濃濃的草莓味酸酸甜甜 令我地食慾大開😂結果本身諗住主要傾計既我地都忍唔住叫左兩個甜品😂😂每個甜品既賣相都真係好靚🙈1. 意式咖啡奶凍好耐未食過咁濃既咖啡奶凍 配上扮成泥既曲奇碎同爆炸糖 帶俾我地幾種口感😂😂 超級得意之選💥朋友話係外國想食到一個咁高質既奶凍會貴成倍 識食既你必點🤤2. 宇治抺茶麻糬窩夫伴雲呢拿雪糕超級大份又特別😱 滿滿都係紅豆同綠茶蕨餅😳 加入了麻糬為窩夫帶來少許煙韌既感覺😚 與雲呢拿雪糕係最佳的配搭🤤