菓甜品 (Closed)

女友心血來潮想食甜品當Dinner，尖咀行下搵下搵到間甜品舖，7點幾入去當然仲有好多位~舖面唔算花巧搶眼。入面就幾精緻，小品餐廳，又有吧枱位坐。每張枱上面都有束小花，優雅清幽得黎又唔會阻住張枱放野。先黎茉莉花茶，甘甘地，再加上陣陣既花香味。士多啤梨奶昔，好濃烈既士多啤梨味，上面再加左cream，攪勻之後令到杯野更滑。芝士粟一燒，貌似粟米加牛油，但其實係芝士蛋糕加忌廉芝士，面粟米粒係粟米mousse黎，所以食落真係有粟米味，味道同呃like都係一流！抹茶窩夫伴雲呢拿雪糕，窩夫本身加左抹茶一齊整，食落啖啖既抹茶味，另外再加上紅豆同雪糕既甜味，絕配！黑森林窩夫伴瑞士朱古力雪糕，原味窩夫襯托住香濃朱古力薄片同雪糕，更加突顯出朱古力既味道。絲絲入心，上面係朱古力心太軟，開左之後入面啲朱古力醬流落下面個雲呢拿雪糕到，熱辣辣既醬配上凍冰冰既雪糕，好特別！椰香紫米露，好香椰汁味但唔係好甜，紫米一啲都唔硬，煙煙韌韌。