グリル滿天星

Open Now

Now Closed

海港城有間老字號過江龍蛋包飯, 長期排曬長龍🙈夜晚收工去到20:45 見唔洗排, 就即管試下😀🔸粉紅咖哩蛋包飯 ($128)而隻色既咖哩真係第一次見😂都幾驚喜, 因為辣辣地, 唔似日式咖哩, 都幾惹味😉入面係炒飯底, 用黃咖哩炒成既, 不過炒得唔乾身, 太濕💦而且蛋有d過老, 唔夠嫩滑🙈🔸滿天星肉汁安格斯牛扒蛋包飯 ($298)今次而個汁唔同左, 有D似燒汁, 不過我覺得一般🙈牛扒叫左五成, 但係都好韌好硬....個飯都還可以既, 有帶子粒同蠔粒, 不過都係炒得有D濕💦而且$298真係太貴.....物無所值..🔸忌廉蟹肉餅 ($148)的確係炸得好脆, 入面好creamy, 但無乜蟹味😅$148黎講真係唔太值🙈🔸士多啤梨芭菲 ($108)而個就唔錯, 雪糕唔會太甜, 做飯後甜品都OK😚個人覺得性價比不高...overpriced....💸而且招牌蛋包飯既蛋又過老...而個價錢可以食到其他更好食既蛋包飯🙈可能東京果間滿天星會好食D🤣🤣評分: ⭐️⭐️

次次經過都大排長龍，今次滿心歡喜去食點知好失望😥 黎間蛋包飯過江龍係日本都有唔少分店，我本來期望好高🥴試左兩款蛋包飯同埋個parfait 都麻麻地🥺 /蒲燒鰻魚蛋包飯 $248/滿天星肉汁漢堡扒蛋包飯 $238/佢黎到嘅蛋顏色特別鮮艷，顏色好靚，但係其實個人覺得d 蛋望落都已經係炒得熟得滯🥲 鰻魚係原條咁上，肉質都幾厚，唔會有鰻魚腥味👌🏻 個漢堡扒真係幾失望😥 真係好乾… 完全唔肉汁lor🌚😂 兩個蛋包飯我唔話佢難食，但係性價比真係唔高，同埋過江龍我真係expect 會好食🥲/士多啤梨芭菲 $108/軟雪糕黎到已經係溶溶地嘅狀態… 面頭牛奶雪糕係奶味濃郁，士多啤梨裝飾都好吸睛，但係下面個幾層真係唔知食緊咩，好似係cream cheese 質地嘅yoghurt？🤔仲有d cream 同埋jam整體黎講，真係太失望，如果要我排隊比黎個價錢食我一定唔會黎，蛋包飯黎講香港都有其他更加好食嘅選擇😥