グリル滿天星

Open Now

Now Closed

今天原本滿心歡喜，諗住食返一個吉列豬漢堡包加薯條，看樣子也不錯也拍了照！然後一直之下我從來未食過咁難食嘅吉列豬扒，豬係有筋又渣的，還有一陣味，我不能形容他的味道只可以說10分難食！以中午百幾蚊沒有嘢飲食一個漢堡包加薯條絕對不值這個價錢！我食過很多日本的吉列豬從來未食過咁難食和這陣味真係好難頂！我也沒辦法浪費了食物我只吃了¼，可幸的是薯條是正常的食物，我今日就是食了百幾蚊嘅條薯條吧！真的沒有下一次！

係OpenRice見到佢啲相幾靚，最近又想食咖喱飯，所以就去左。叫咗個🍛漢堡扒蛋包飯，200幾蚊，塊漢堡扒煎到嚡晒，冇肉汁，我買塊急凍嘅仲好食過佢，個飯份量係大，同入面個茄汁飯有啲元貝仔叫高級啲。但塊扒唔掂，性價比真係超低，如果係7,80蚊個種我就覺得合理。咖喱似燒汁咁嘅味，我唔知係依個蛋包飯係燒汁定還是佢個咖喱係咁嘅味？總之呢個汁就唔係平時嘅日式咖喱味，偏鹹唔係甜。成碟嘢最好食就係塊蛋…仲叫咗個期間限定嘅🥞開心果疏乎厘，梳乎厘百零蚊係合理價錢，味道OK，不過純粹係有劈開心果醬喺隔籬，冇咩特別，食甜品嘅可以去，其他真係唔建議。

平時成日去海港城行街，都見到呢間排晒隊所以都冇食過。難得今次見到幾個人排隊，於是就去排隊等咗10分鐘到都已經有得入。入到去發現原來呢間係過江龍「グリル滿天星」扎根於日本東京,招牌吃日 式蛋包飯,在日本是人氣 No.1的皇牌蛋包飯店。餐 牌上有超多款式，我選了蒲燒鰻魚蛋 包飯，上面有超巨型原條鰻魚,魚 身很厚肥而不膩,與蛋包飯成佳餚絕配。仲點左一份甜品,士多啤梨 窩夫🧇外層香脆,內裡煙煙韌韌,配上幼滑 忌廉、新鮮士多啤梨及雪糕。成餐飯好滿足👍👍👍如果唔使排隊，大家不妨可以入嚟試吓

A5宮崎和牛牛腩咖喱蛋包飯紅蘿蔔同薯仔切粒，加埋牛腩粒配上咖喱，味道不錯，但係店家好小氣，牛腩超級少，應該得六粒手指尾咁大，呢個價錢比多少少牛腩唔過分😅牛腩味道亦都普普通通，食唔出係A5和牛蒲燒鰻魚蛋包飯鰻魚夠大條，炒飯入邊有蝦、帶子、青豆自家制開心果流心疏乎厘覺得應該漏咗*迷你*呢兩個字喺餐牌，一上枱超迷你😂但疏乎厘質感輕盈，好似食咗一陣風咁，都幾好呀食完唔飽肚，開心果味道濃郁。士多啤梨窩夫 又係漏咗迷你呢兩個字🤣窩夫質感普通有啲韌，忌廉為佢拉返少少分數，忌廉味道有奶香夠幼滑總括嚟講呢餐飯非常普通，相比起價錢，份量十分迷你，味道亦都普通，食過一次唔會再食，有更好選擇，大家自己衡量

成日見到人去食呢間日本過江龍甜品好吸引🥰整到我心心念念好想試終於食到啦！🔸開心果流心souffle pancake🥞最近超hit嘅開心果味呢度都有～souffle pancake帶空氣感 開心果醬味道香濃 好好味!!開心果控一定要試~🔸朱古力芭菲超吸睛！超打卡又好食芭菲上有雪糕、生朱古力、香蕉，味蕾大爆炸~生朱古力甜度適中，甜品星人真係拒絕唔到🔸滿天星肉汁忌廉蟹肉餅蛋包飯蟹肉餅炸得非常香脆可口配埋金黃色嘅蛋包飯 好回味雖然價錢貴左少少，但都值得一試

There was no queue when I arrived at around 6:30pm and since the Conan Exhibition is nearby, we decided to try it.The drink was the first disappointment. I thought there would at least be some bits of fruit for $58 but it was only 1 tea bag.I decided to try their signature dish which has their hamburger and  Omelette Rice.The dish itself was not bad but the quality does not justify the price point of $238 (260 if include service charge). The hamburger was a bit dense and it was only the sauce on

餐廳嘅環境好吸引，我最鍾意食佢嘅pancake，又夠熱又多cream，配上士多啤梨醬汁同新鮮嘅士多啤梨果肉，簡直係大滿足好好味，而且pancake嘅空氣感非常足夠，重點係夠熱，全部食材都係日本運味，而且餐廳有多元化嘅選擇，仲有熱食同主菜，今日食咗個吉列咖喱豬扒飯，咖喱汁非常好味，而且又唔會太辣，豬扒新鮮炸氣，外脆內軟，又多肉汁，再配搭咖喱醬汁非常美味而且個蛋包飯，連飯都係炒過嘅，滿滿嘅醬汁味再加上飯裏有一些提子肉同海鮮，實在大滿足，口感同層次感都非常豐富，而且服務非常好又有禮貌，我極力推薦，特別係佢嘅pancake，係必食之選

聽到侍應用粗口鬧客八婆同埋死農村人，質素太低下即使蛋包飯同疏乎厘有幾好味都彌補唔到毫無質素嘅侍應。唔會再去第二次唔知幾時到自己中槍被呢間餐廳嘅人diu9啦，唔該餐廳嘅老闆好好地審視一下旗下員工的服務態度同人品。

最近迷上咗開心果嘅甜品🤤見到呢間滿天星推出咗開心果系列，忍唔住要去試吓❤️❤️❤️雖然係為咗個甜品而去，但估唔到佢嘅主食都好出色！主食方面我哋叫咗漢堡扒肉汁蛋包飯同埋咖喱雞扒蛋包飯，由於我本身鍾意食辣我將咖喱汁轉咗做地獄辣汁，如果係食得辣嘅朋友仔一定要轉，其實就係加辣版嘅咖喱汁，個人超級鍾意！但佢個雞扒就唔太推薦，肉質比較嚡身，而且好似冇醃過咁冇乜味😶‍🌫️但佢個漢堡扒好好食，所以下次我應該會叫咖喱汁漢堡扒蛋包飯😂去到佢個甜品，我哋叫做開心果窩夫同埋原味疏乎厘，個人覺得窩夫出色啲，開心果味超濃，超級滿足🤤🤤🤤

已經一排冇去尖沙咀，經過諗唔到食乜自己雙腳就自自然然行到呢間舖頭。好掛住蛋包飯，日本咖喱，所以同老公走咗入去食個lunch。下次要試二人餐。試吓其他新嘢我見隔籬枱食天婦羅同炸蠔都好好味 小朋友們都食得好開心🥰🥰🥰炸豬扒熱辣辣 超多肉汁 炸粉唔會太多。肥瘦適宜咖喱同班蛋包飯一齊食味道融為一體 真係食過返尋味😋😋😋我老公就最鍾意食牛肉漢堡。因為肉汁多好Juicy配菜都好好味，唔會太硬。配合咖喱汁一齊食。Excellent👍🏻👍🏻👍🏻

来香港必吃的一家甜品和蛋包饭🔥每一口都是出乎意料的惊喜！!• 自家制開心果流心疏乎厘疏乎厘入口即溶 質感輕盈鬆軟 像棉花糖一樣☁️開心果味道濃郁 令人回味無窮還有朱古力香蕉 雙重抹茶 雜莓等口味我要嘗遍他們家的每一款疏乎厘！🈵•士多啤梨芭菲🍧充滿奶香的雪糕 滿滿的士多啤梨🍓在炎熱的夏天吃真的絕了又美又好吃 也太幸福了吧💞•蒲燒鰻魚蛋包飯肥美的鰻魚配上濃郁醬汁飯里還有蝦、帶子、青豆材料豐富 每一口都是驚喜✅

成日見到人排長龍，本身都好卻步。但係又好掛住蛋包飯，於是就試吓。食過幾次之後覺得呢個漢堡扒蛋包飯係最好食，舊肉好稔好juicy。啲蛋既生熟度啱啱好，汁都比得夠。而佢有誠意既位係個飯唔係白飯，係炒飯底。佢一碟嘅份量好大，我次次自己一個人都食唔晒。原本覺得佢超過$100一碟飯好貴，但係見到佢嘅份量之後就會明白。另外冇影到相，而係我每次最鍾意食嘅就係牛油果大蝦沙律，所有嘢都好鮮甜，而且呢醬嘅份量都足夠。食沙律最棹忌就係唔夠沙律醬！平時同朋友一人一碟飯，再加一個沙律已經飽到反艇，都冇試過甜品哈哈

平時星期六日，呢間餐廳門口都會排晒隊，一直都冇機會試，成日以為好好食，所以先會咁多人排隊。今日門口冇人排隊，裏面仲要有好多吉位。所以就同家人一齊試咗，入到去服務OK的。叫咗一個蛋包飯炸豬扒，港幣$228 ，老公嗌咗一個漢堡， $168 ，阿女嗌咗一個炸蝦咖喱飯， $138。最後仲嗌咗一個綠茶芭菲，$118。全部連加一，$717。食物質素超級普通，放心，絕對唔係日本珍珠米，同你去茶記食過包裝得好靚嘅蛋包飯，味道係一樣嘅。一個字，超級伏。真係唔明白點解之前會有人去排隊，呢間餐廳唔係預咗每個顧客只光顧一次呀嘛？裏便啲侍應得閒到翹埋雙手，因為今日數埋都係得幾張枱。唔知道係因為價錢太貴，定係啲人已經試過晒，已經全部中過伏，所以今日真係得幾張枱。嘢食整得好靚，打卡可以的，但千祈唔好對食物的味道有期待。呢間餐廳，絕對絕對絕對不值得幫顧第二次。重要的講多次，絕對無可能再光顧。傻仔，做一次就夠。

塊漢堡扒勁厚，煎得好香口，但係一啲都唔柴，好多肉汁。個蛋都好嫩，入面包嘅係番茄醬炒飯，食食下估唔到飯入面仲有啲細細粒嘅帶子，有驚喜，上面淋嘅肉汁濃郁得嚟又唔會太搶，食落去所有嘢都配合得啱啱好。杯士多啤梨奶昔係跟推薦嗌嘅，首先個賣相已經好靚，飲落去唔係嗰種好假好化學嘅士多啤梨味，都幾唔錯。原本以為可能會份量細唔夠食，點知食完之後超級飽，整體嚟講係好食嘅，值得一試，唯一嘅缺點就係價錢都幾貴，淨係個飯都已經差唔多$200。

呢間嘢開業嘅時候好多人排隊唔敢食，今日終於經過海港城又時間尚早，就同小朋友試吓啦！6pm唔使排隊直入，以為不錯，點知入到去睇，全場吉位！心知不妙，但一場嚟到都要試嘅。叫咗牛肉蛋包飯，不得了，冇食過日本人煮牛可以咁差。全熟，好鞋，擺明用cheap肉。大佬你賣成近$300我唔可能expect呢個質素。咁食蛋包飯啦，攞住過江龍個名嚟，以為一定係一技之長，點知…同基本香港cafe分別真心唔大，矇住眼食兩碟你都未必分到，徹底宣佈中伏！！！另外叫咗個意粉，又係樓上cafe質素…真心唔明點解海港城要開啲咁嘅嘢…..