味苑 (Closed)

我平時唔寫食評，不過今次真係要寫，個app load唔到幾次，而我要重打幾次都要寫。我哋有3個人，入面好多細空枱，但佢竟然安排我哋坐樓梯底。幫我哋落菜嘅男員工(應該係經理)態度極差，都唔想答我哋。同佢講唔好落菇類，佢就話個餸不嬲都冇菇。大佬，提你唔好落，你只需要回答：「係，呢個冇菇嘅」就可以了。真係想兜巴星佢。百幾蚊一碟淮山雲耳炒百合，竟然可以咁細碟。如果佢係做高級嘢，唔該擺靚啲啲餸。擺得唔靚都算，伴碟沙律菜係霉嘅，霉到黑同一pat pat咁。雲耳4片左右，百合可能數埋得十幾片非常非常細細片。我要淮山雲耳炒百合，佢用好多切到細細粒嘅bell peppers炒埋一齊，放在碟底，令到盤野睇落可能大碟啲(但都好細碟)。睇圖就知啲沙律菜唔食得。第二碟係士多啤梨骨。啲伴碟菜一樣是黑邊的。第三碟脆皮豬手。呢碟比較好，但我哋一早就問咗佢係唔係真係脆，男員工完全在應與唔應之間(即是有點反白眼、有應好似冇應咁輕微點頭)，但係碟豬手黎到淨係有一點點點脆。結論係唔會再入黎第二次。coupon唔洗俾我哋喇，多謝。佢哋嘅態度決定咗佢哋嘅。。。食完3百幾落樓都唔知食咗啲乜。

表姨調左新公司，正當喺附近等緊佢放工又諗緊食咩好時，發現呢間味苑食小菜嘅餐廳，推出嘅小菜幾抵食，所以就入左黎食飯。12款小菜一律$88，我地叫左豆豉南瓜排骨煲，椒鹽海苔花枝仁，德國脆皮鹹豬手同士多啤梨骨。我地諗住個份量唔會太多，所以叫多個左福建炒飯，點知碟碟都大大碟，食到好飽。環境唔錯，好乾淨同光猛，有卡位亦有大圓枱，一行十零人坐落去都冇問題。傳統精緻餐具，公雞碗，豬見過都唔suprise，但見到公雞調味架，就覺得好可愛喇。一打開排骨煲個蓋就香噴噴，肚子都打晒鼓。排骨先煎後煮，排骨夠軟，南瓜又唔會太爛，色、香、味十足。而且表皮焦香，好香豆豉味，再用醬汁同南瓜一齊煮，吸收左南瓜嘅清甜，相當美味。魷魚好新鮮，粉漿夠薄，食落外脆，內裏嘅魷魚煙韌有咬口，火喉控制得宜，鑊氣十足。配左海苔粉，好香紫菜味，好似食緊shake shake薯條咁嘅味。豬手外層做到又脆又煙韌，而豬手的肉質嫩滑 ，味道唔會鹹，好怕d豬手好鹹，但呢度味道非常好。配上芥末醬，唔會辣但好香芥末味，將豬手嘅肥膩度減低。士多啤梨骨，個朵士多啤梨花非常搶眼，欣賞廚師連食物賣相都注重埋。味道一d 都唔酸，係士多啤梨漿嘅香甜味，甜甜地又唔