咖啡弄 (Closed)

今日同朋友去完銅鑼灣工展會，行到攰就搵個地方坐吓傾吓計，突然間諗起銅鑼灣有一間排隊排到傻嘅台灣餐廳，就同個朋友去試吓啦，因為當時係五點幾六點，應該唔會有人排隊，好！一於撞下運氣啦，又真係冇咁多人排隊喎，大概等左20分鐘就有位啦，之前聽啲朋友講平時要成個幾鐘至入到去，入到去侍應生同我地講用餐時間係個半鐘頭，都OK呀！見到個餐牌好多嘢都想食，我地揀咗每人一杯咖啡，兩個甜品，一齊分享，咖啡香醇，甜品都好好味！

小人在台灣時曾經光顧咖啡弄，一直忘懷不了。是日特意在閒日來，貪不用排隊，再次在港一訪這家人氣名店。BBQ豬扒三文治$60份量不少，包是烘過的，豬肉厚而實淨，配的芥末汁香口又不膩，跟上的碎蛋沙律者很清新，作為一頓晚餐足夠有餘。已經很飽，但是看見那麼多人點，小人決意強勢挑戰。士多啤梨鬆餅$60，鬆餅沒想像中那麼鬆化，偏甜了些，反而有士多啤梨雪糕和吉士墊底是驚喜。已經很飽很飽，來一杯冰凍果茶真是妙著！果味甚香，消滅了油膩品後能一解膩滯！重溫在寶島的時光，太滾動了！😀

雖然平日係銅鑼灣返工, 但係咖啡弄一定唔會係我午飯選擇! 要嚟咖啡弄, 當然要選一個好時間! 週末係佢開舖前嚟等一陣, 就可以係第一輪安然入座, 早少少起身係值得!冰凍水果茶 / 玉米肌起可頌一向大愛酸既食物, 水果茶入面加有新鮮生果同埋熱情果汁, 感覺幾fresh! 半溶芝士加牛角包, 味道唔錯, 但如果包身再熱一啲會好味啲!士多啤梨鬆餅幾乎每枱必叫既鬆餅, 士多啤梨新鮮, 再加上雪糕鬆餅, 一凍一熱, 好食! 雖然友人覺得餅身唔夠脆, 但我覺得整身都算唔錯! 香橙煙鴨沙律暖暖鴨肉一啲唔嚡, 好食! 沙律菜亦夠新鮮, 無苦澀味, 份量仲好多! 如果唔駛排長龍的話, 咖啡弄必係我經常到既地方!

昨晚7時相約1年無見的朋友聚會, 已有心理準備要等1.5-2小時, 老實講我對咖啡弄的食物沒挑剔, 係有特色, 味道不錯, 不過今次專登開a/c 就係想比所有準備要去咖啡弄的人同貴公司老闆一些意見:1) 店員Cut人預計差!!7pm等到9:45pm先有位, 認命, 當食宵夜, 奇在店員話好幾樣招牌食物, 甚至沙冰都冇, 試諗我地成身汗餓到暈就係想聽你一句: 我們xxxxx都沒有哦!!  我地排在尾4, 再後的人明顯已被勸走, 點解唔勸走埋我地, 問題係邊? 店員預計差? 同廚房冇溝通? 連廚房食物做到幾多份都唔知? 定係有心賣到盡都要做你生意, 唔理我地失望的面孔? 2) 店員都怕老闆唔高興?朋友叫左香蕉朱古力鬆餅, 一陣之後店員話冇哂香蕉, 我地話唔介意, 傾傾下計, 同一個店員做左令我地極反感的事, 店員: 不好意思, 等下的香蕉朱古力鬆餅不要拍照, 因為沒有香蕉, 怕老闆看到不高興!!店小姐, 我比你更不高興, 一來你地食物份量預計失誤, 二來我地本來無諗住拍照, 就沖著你呢句我地轉餐!3) 進食中傳來陣陣清潔lemon味!!我明白你地11pm要清場, 我更清楚自己係10pm先有

很多時，排隊只為一顆羊群的心理。咖啡弄開業亦有一段時間，學校又在寶馬山，基本上一落山就係銅鑼灣，可惜，這麼久以來都没有機會到咖啡弄一窺究竟。主要原因是，每每見到門口長龍，都令人打退堂鼓。直至學期完結後的這天，終於把心一橫，預足一日時間，去會一會你。早已聽聞，咖啡弄“唔知點解”日日都咁多人，我都好想知。閒日都要排兩個鐘，星期六日更要排四個鐘。著實恐怖。恐怖是指，人們為了它，花上六分一寶貴的週末時間，在没有冷氣的環境下乾等，著實勇氣可嘉。“試過方知無悔”是這次往咖啡弄的原因。畢業揾工階段，時間很廉價，在機會成本的前題下，也挑了個閒日的早上去。12點開鋪，一行4人12點15到，已排到樓梯底。排呀排，幸好有4 人，傾下計，時間未算太難過。為了黎咖啡弄，早餐都無食。一排排足兩個鐘，期間有幾次放棄的念頭，但要堅持!!!因為我肯定自己只會黎一次!!!等了兩個鐘，終於入到去。由食午餐變食下午茶。。。店內環境尚算舒適，令你可忘卻剛才等待的那段痛苦。操純正台灣口音的侍應不用紙筆落單，這可能是賣點。等了兩個鐘，你入到冷氣的地方，有得坐，某程度，你心理上已有一種妥協。食什麼都會覺得好味。而且用餐環境不俗，食物