德美壽司 (裕民坊YM²)

Open Now

Now Closed

#MC帶你去觀塘.行過裕民坊YM²搵嘢食先發現，德美個晚市定食幾抵食划算，有丼飯、石鍋飯、鍋物定食，最平$90起，有曬主食、湯品、沙律及甜品。➖➖➖➖➖➖➖➖➖➖➖➖➖➖➖✨ 德美壽司.店內裝潢雅緻，採用傳統日系簡約設計，部份卡位位置可以欣賞庭園優美景色，更設有吧檯座位，可以觀賞師傅料理手法，充滿日本地道風味。➖➖➖➖➖➖➖➖➖➖➖➖➖➖➖🥢 三色魚生丼–晚市定食｜$122.刺身魚生鋪滿丼飯面，有三文魚、油甘魚、帆立貝、蟹籽、溫泉蛋，賣相已經十分吸睛！刺身魚生好新鮮，肥美厚切，口感軟嫩；特別係油甘魚，足料厚切，魚油香氣好濃厚；帆立貝鮮甜美味。而且仲有溫泉蛋佐飯，丼飯份量充足，口感層次豐富！➖➖➖➖➖➖➖➖➖➖➖➖➖➖➖🥢 壽司定食配牛肉烏冬–晚市定食｜$172 ✨豐富定食之選✨.六款精選時令壽司及玉子燒，擺盤整齊，賣相唔錯，包括有三文魚、吞拿魚、帶子、魚籽、熟蝦、油甘魚，全部都好鮮甜肥美！另外，以日式昆布湯底作為湯底配上牛肉片及彈牙烏冬，十分滿足！➖➖➖➖➖➖➖➖➖➖➖➖➖➖➖🥢 活赤貝（一隻）｜$70.呈橙紅色嘅原隻新鮮赤貝刺身，主體部分一分為二，相當厚切，肉質爽厚，鮮味十足！另外仲

今日嚟到觀塘凱匯，試吓呢間日本餐廳德美。要等位呀，攞返張籌先，要等差吾多10張枱。睇睇個lunch menu, $100樓吓嘅餐都多選擇，但我之前食過美孚間德美好似平啲啦。場內佈置木紋為主，幾日式。位置闊落，光猛開揚，佢仲有啲包房添。枱上有個qr code, 要自助落單呀。首先來個係吉列豬扒烏冬，$66蚊，大大份。先嚟兩件壽司，吉豬脆口乾身。烏冬呢，正正常常啦，係幾大碗。之後叫咗壽司定食配牛肉烏冬餐，$100蚊，六件壽司配件蛋，啲魚生都幾高質。再嚟一個小牛肉烏冬，配料滿載。每個餐，前菜再跟沙律同蒸蛋，蒸蛋滑捋捋，幾好食。最後再嚟一個芝麻糕甜品，真係大滿足呀。最後重點，佢午餐無收加一架。

德美壽司終於係觀塘有分店啦，坐落於裕民坊YM商場3樓平台花園，呢層兩旁全為食店，中間係環境極之優美嘅園區。德美壽司裝修簡樸，店內乾淨整齊，一邊排位靠近大玻璃窗，可邊吃邊看外出花園優美境色。今晚屋企冇飯開，放工就直踩上去德美，先點左一個壽司定食配牛肉烏冬，壽司部份有三文魚、吞拿魚、帶子、魚䰵、花竹蝦，仲有兩件印有德美字樣嘅燒玉子；吞拿魚入口順滑，原全冇根；三文魚唔係腩位，但入口尚算肥美；帶子就最吸睛，大大粒色澤光亮，又新鮮又肥美；蝦係熟嘅，好大隻，爽口鮮甜。牛肉烏冬個湯好清唔油膩，烏冬Q彈，牛肉淋滑。食完個餐意猶未盡，打開餐牌就點左個野菜天婦羅😋，黎到仲非常熱，係剛炸起😍，炸粉薄薄一層覆蓋炸物，好乾身一啲都唔油，一貫蕃薯🍠同南瓜🎃都係我嘅至愛，蕃薯粉糯又香甜，南瓜keep住入邊仍有水份；最有驚喜係炸露筍，入口仍超爽；最最最有驚喜係粟米🌽天婦羅，第一次食，一排粟米粒咁放入口，外層炸得超脆，內層粒粒粟米係口腔嘀嘀噠噠爆開，又甜又可口😋。