TAP The Ale Project (Closed)

我，土生土長，自詡純正香港仔，受中西文化薰陶，一直認為，啤酒係拎嚟享受/嘆而唔係攞嚟劈/嘥，只飲敬酒唔飲罰酒，對於嘈吵猜枚酒吧敬而遠之，深信小飲怡情喪飲亂性，所以今次專程試吓呢間本地手工啤酒吧。由於無訂位，嚟到只見全場爆滿，連門口無冷氣乾蒸嘅企位都FULL晒，等大概20分鐘先迫到個門口，用大木桶當枱嘅「桑拿位」。       根據網上資料，少爺麥啤YOUNG MASTER嘅老闆係印度人，但閒時鍾意釀啤酒，而且不拘一格經常試做「新口味」啤酒。一睇MENU就知玩味十足，就點咗兩隻只此一家嘅產品。咸檸啤@少爺麥啤($65/0.4L)以為只係噱頭嘢，但一啖入口就知堅！咸檸味非常出，甘橘味藏於脷底，跟住先係淡啤味，而且每啖都有料到，唔會放耐咗就淡，咸檸鬼佬涼茶，雙重下火，正！夏日麼麼啤@少爺麥啤($65/0.4L)睇個名就知又係玩噱頭，望吓MENU原來仲玩嘢！材料有菊花、甘菊、陳皮、芫茜籽、白胡椒同沙薑，全部都係煲湯料，咁都整到啤酒點可以唔試吓，嗒落真係好重香料味，入口辛辣而後比啤酒味冚番，之後就停唔到一啖啖追住飲，而且陳皮同胡椒嘅AFTER TASTE好強，極力推薦呢隻重口味香料啤！有酒豈能無

曾經嘗試搞生意的人，會明白創業和守業的艱難。要解決的行政、資金、技術問題，真是何其的多。不過創業之先，最重要是有一條好點子，前人未做過，而你是第一個的話，能「爆」出來的成數便會高上許多。很能想像在旺角可以有一間手工啤酒吧，更難想像出來的形態不是一枝枝玻璃瓶，而是直接拉出來的。很好奇這小小的地方怎容得下一個生產工場，曾經去鹿兒島參觀某供應商的酒廠，那一個個精鋼製的發酵酒桶，放兩個已經擠爆小店了。其實餐牌中的少爺麥啤，的確來自鴨脷洲一間叫Young Master的小酒廠，雖然隱身於工廈，卻以獨特的選料調配最純粹的酵母香甜。晚上八時許來到，只餘門外的企位，與友人一行四人圍着白色的電油桶，明明喝着冰涼的啤酒，還是汗流不止。眼看着只有一線玻璃之隔的客人，能休哉悠哉地邊喝啤酒邊歎冷氣，真是心生羨慕。誇張的是，就算電油桶這等爆熱企位，店外在等候的外籍客人仍然對之虎視眈眈。少爺麥啤的選擇頗多，酒精濃度由4.8%~8.0%不等。個人覺得比較特別的是Mo Mo Wit，它是一款採用菊花、甘菊、陳皮、芫茜籽、白胡椒和沙薑釀製的小麥啤，當中的沙薑和陳皮不正正是典型的中菜味道? 2L裝盛惠$280，店員端來透明