Video
Read full review
2015-08-25
3552 views
我，土生土長，自詡純正香港仔，受中西文化薰陶，一直認為，啤酒係拎嚟享受/嘆而唔係攞嚟劈/嘥，只飲敬酒唔飲罰酒，對於嘈吵猜枚酒吧敬而遠之，深信小飲怡情喪飲亂性，所以今次專程試吓呢間本地手工啤酒吧。由於無訂位，嚟到只見全場爆滿，連門口無冷氣乾蒸嘅企位都FULL晒，等大概20分鐘先迫到個門口，用大木桶當枱嘅「桑拿位」。 根據網上資料，少爺麥啤YOUNG MASTER嘅老闆係印度人，但閒時鍾意釀啤酒，而且不拘一格經常試做「新口味」啤酒。一睇MENU就知玩味十足，就點咗兩隻只此一家嘅產品。咸檸啤@少爺麥啤($65/0.4L)以為只係噱頭嘢，但一啖入口就知堅！咸檸味非常出，甘橘味藏於脷底，跟住先係淡啤味，而且每啖都有料到，唔會放耐咗就淡，咸檸鬼佬涼茶，雙重下火，正！夏日麼麼啤@少爺麥啤($65/0.4L)睇個名就知又係玩噱頭，望吓MENU原來仲玩嘢！材料有菊花、甘菊、陳皮、芫茜籽、白胡椒同沙薑，全部都係煲湯料，咁都整到啤酒點可以唔試吓，嗒落真係好重香料味，入口辛辣而後比啤酒味冚番，之後就停唔到一啖啖追住飲，而且陳皮同胡椒嘅AFTER TASTE好強，極力推薦呢隻重口味香料啤！有酒豈能無
我，土生土長，自詡純正香港仔，受中西文化薰陶，一直認為，啤酒係拎嚟享受/嘆而唔係攞嚟劈/嘥，只飲敬酒唔飲罰酒，對於嘈吵猜枚酒吧敬而遠之，深信小飲怡情喪飲亂性，所以今次專程試吓呢間本地手工啤酒吧。由於無訂位，嚟到只見全場爆滿，連門口無冷氣乾蒸嘅企位都FULL晒，等大概20分鐘先迫到個門口，用大木桶當枱嘅「桑拿位」。
根據網上資料，少爺麥啤YOUNG MASTER嘅老闆係印度人，但閒時鍾意釀啤酒，而且不拘一格經常試做「新口味」啤酒。一睇MENU就知玩味十足，就點咗兩隻只此一家嘅產品。
咸檸啤@少爺麥啤($65/0.4L)
以為只係噱頭嘢，但一啖入口就知堅！咸檸味非常出，甘橘味藏於脷底，跟住先係淡啤味，而且每啖都有料到，唔會放耐咗就淡，咸檸鬼佬涼茶，雙重下火，正！
夏日麼麼啤@少爺麥啤($65/0.4L)
睇個名就知又係玩噱頭，望吓MENU原來仲玩嘢！材料有菊花、甘菊、陳皮、芫茜籽、白胡椒同沙薑，全部都係煲湯料，咁都整到啤酒點可以唔試吓，嗒落真係好重香料味，入口辛辣而後比啤酒味冚番，之後就停唔到一啖啖追住飲，而且陳皮同胡椒嘅AFTER TASTE好強，極力推薦呢隻重口味香料啤！
有酒豈能無餚？無乜心水，只係求其點啲大路熱氣嘢試吓。
炸薯條($42)
夠脆夠熱氣，粗身有咬口，中上水準。
炸煙肉($38)
呢樣真係少有供應。做法係將一塊肥腯腯嘅煙肉，蘸啲炸漿炸到佢乾身，雖然第一啖好香口，但畢竟同外國人體質唔同，真係食唔到咁油膩邪惡嘅嘢，我今次知錯，下次無十個八個兄弟都唔敢再叫。
間BAR成晚都近乎爆滿狀態，但無人猜枚或劈酒，都係斯文客把酒談歡，三五知己RELAX吓，細意品嚐有心人嘅搞鬼傑作。支持本土出品，期望下次再試驚喜啤酒。
Other Info. :
有預約服務，如多人去尤其需要先訂位
(The above review is the personal opinion of a user which does not represent OpenRice's point of view.)
Post
