Video
Read full review
2022-11-20
2545 views
家上海係1975&co旗下餐廳, 即時join免費會員就可以用會員價買一送一, 食到原價HKD 888嘅金秋淮揚大閘蟹宴, 連埋加一茶芥大約500, 可以由7點慢慢食到10點, 對喜歡蟹粉又唔想拆咁多蟹都唔錯蜜汁脆鱔 - 套餐以外另叫嘅小食, 炸到非常脆口, 加上芝麻蜜糖好香口, 但感覺比較乾柴少咗鱔獨有嘅香味江南四式拼盤 - 陳醋紅蜇頭、花雕醉蝦、淮鹽溏心燻蛋同目魚大烤, 頭三款都中規中矩, 但目魚大烤就幾失望, 目魚大烤本身係傳統寧波冷盤, 理應加豬腿肉煮汁再燜墨魚片, 做到肥而不膩肉味鮮香, 但呢碟食落似潮州滷水墨魚紅燒蟹皇三絲翅 - 飲個湯暖暖胃就準備食蟹清蒸大閘蟹 - 公蟹, 目測都似4.5至5兩, 餐廳會提供每人一份拆蟹工具, 肉質都新鮮飽滿, 軟膏香濃, 唯獨係蟹鉗一拎起就跌哂, 其他了蟹腳又冇呢個問題蟹粉荔芋盞 - 見到食評讚好, 可以每人一粒都試試, 芋茸軟滑, 炸到酥脆後放入蟹粉, 唔錯蟹粉脆皮黄魚柳 - 厚肉但炸過火, 只可以話香口炸物同蟹粉唔會有問題蟹粉香酥竹炭豆腐 - 炸豆腐外脆內軟, 外層竹炭粉加少少甜味, 都係呢句蟹粉係好食嘅蟹粉小籠包 - 每人2件, 未
蜜汁脆鱔 - 套餐以外另叫嘅小食, 炸到非常脆口, 加上芝麻蜜糖好香口, 但感覺比較乾柴少咗鱔獨有嘅香味
江南四式拼盤 - 陳醋紅蜇頭、花雕醉蝦、淮鹽溏心燻蛋同目魚大烤, 頭三款都中規中矩, 但目魚大烤就幾失望, 目魚大烤本身係傳統寧波冷盤, 理應加豬腿肉煮汁再燜墨魚片, 做到肥而不膩肉味鮮香, 但呢碟食落似潮州滷水墨魚
紅燒蟹皇三絲翅 - 飲個湯暖暖胃就準備食蟹
清蒸大閘蟹 - 公蟹, 目測都似4.5至5兩, 餐廳會提供每人一份拆蟹工具, 肉質都新鮮飽滿, 軟膏香濃, 唯獨係蟹鉗一拎起就跌哂, 其他了蟹腳又冇呢個問題
蟹粉荔芋盞 - 見到食評讚好, 可以每人一粒都試試, 芋茸軟滑, 炸到酥脆後放入蟹粉, 唔錯
蟹粉脆皮黄魚柳 - 厚肉但炸過火, 只可以話香口炸物同蟹粉唔會有問題
蟹粉香酥竹炭豆腐 - 炸豆腐外脆內軟, 外層竹炭粉加少少甜味, 都係呢句蟹粉係好食嘅
蟹粉小籠包 - 每人2件, 未算極薄皮但貌似足摺數係手工包, 夾起唔會穿, 湯汁融合豬肉、蟹膏、蟹膏幾鮮甜
夠薑湯丸 - 芝麻湯丸加埋驅寒薑底糖水完結蟹宴
Post
