滄浪亭

Open Now

Now Closed

今日到美孚探朋友, 聽聞有一間上海店非常有名，就立即想同好友去探店。下午一時到達，但實在是太多人，唯有叫外賣上朋友家中食。嫩雞煨麵 $57 (爆推🌟🌟🌟🌟🌟)奶油白色濃湯，顏色令人難忘，湯頭風味十足，非常容易入口。碗中嫩雞數量不少，有雞味，配以大量小棠菜，十分正宗，而且好食。麵量更是十足，整個外賣碗有種爆滿的感覺，性價比甚高。大排麵 $57 (爆推🌟🌟🌟🌟🌟)豬扒炸衣很薄，鬆脆可口，香味十足但又不油膩。店家用大豬扒，確實份量不少，一個人吃也十分足夠。湯頭較為清甜，而麵量同樣是爆滿，爽口彈牙，整個外賣也是麵，十分滿足。水餃錕鈍雙拼 $50有大概九至十隻，份量算充足。但係相比其他菜式，表現沒有感覺很突出，有興趣的朋友可以一試。香酥雞 $40上海的香酥雞，是炸雞扒。同炸大排比較，雞扒較肥膩，吃完有種滿口油的感覺。而且香味不夠大排扒濃郁，如果要二選一，必然是選擇炸大排。現場顧客十分之多，即使叫外賣，也等了半個鐘有多。奉勸想食的朋友，預留一定時間。@Big_Big_Foodie

美孚都算係美食沙漠 經過肺炎後 基本上留得喺度嘅都係連鎖餐廳唯獨是係呢間滄浪亭喺美孚咁多年都可以屹立不倒店舖其實得四張枱 你要預咗搭枱 多少少嘢其實都冇位放 🪑店員態度係舊香港大排檔🙂勝在佢食物夠好食 衛生情況相當一般 🥲有試過幾年前嘅暑假食咗一次獅子頭面之後就肚屙🧻今次平日下晝唔使等位 叫咗我最愛嘅雞肉年糕 男朋友就叫咗大排麵兩個麵一共$111 平均$56 一碗豬扒啱啱炸好 熱辣辣 面嘅湯底夠濃味雞肉年糕有少許牛油味 雖然好多人叫嫩雞燴麵 但我個人比較鍾意年糕嘅咬感✌🏼Overall 自己附近居民會來食 因為外賣返屋企都好方便 價錢合理

窮學生好鍾意食嫩雞煨麵，但唔係間間都整得好食。試過食過有啲係整到好似自己屋企求其煮個麵咁，不如唔好去食。暫時喺香港食過覺得好好食嘅嫩雞煨麵係喺黃埔同美孚都有分店嘅滄浪亭，同埋喺黃埔嘅三毛麵館，不過每次都係買takeaway。今日特登搭去美孚堂食滄浪亭，估唔到兩點半去到都仲係咁多人，等左幾張檯先有得入去食。嫩雞煨麵 $50食開嫩雞煨麵嘅人一定知道呢款嘅麵底會比較軟淋，如果食開彈牙嘅麵就未必會鍾意。個麵好大碗，個碗都好深，一拎上檯我見到都呆左，因為啲料係真係舖滿曬成個碗。見到隔離檯係兩個人share一碗食。首先第一啖就係飲左個湯先。因為比較少煮野食，所以我都唔知嫩雞煨麵其實會唔會落奶。但每一碗好味嘅嫩雞煨麵都一定好有奶味。呢碗都唔例外，奶味好重。雞同菜都比得好多，不過切得好細粒。識我嘅人都知我平時出街食野見到好多菜就會好開心。菜當然好有菜味，雞就相對冇咁有雞味。不過呢碗麵最重要嘅係湯底，所以雞味就相對冇咁重要。最後我竟然一個人食得曬成碗，仲飲曬啲湯，飽到上心口。大排麵 $50呢碗係朋友叫嘅，不過我都食左啲。湯底鹹左少少不過可接受。個麵正常，都係好大碗。豬扒炸得幾香，不過如果肉汁再多啲會好啲

美孚新邨平台有一間古老小店，店舖只有四張圓枱，都坐滿客了。食物好快送上，大排麵有好大塊炸豬扒，豬扒外皮鬆脆，肉質軟林。燻魚麵有三大件燻魚，燻魚入晒味，唔會好乾身。湯底好清而麵有口感，份量都唔細，個人食唔晒一碗。

來到滄浪亭吃晚餐，叫了一客大排麵及一客紅燒軟排麵。大排麵的排骨十分大塊，外面香脆，不過炸得過火，十分乾和有點老，完全沒有肉汁。湯底用上醬油湯底，鹹淡適中。上海麵的分量亦十分多，軟硬適中。友人給了我一塊紅燒排骨，排骨頗腍，亦入味，比炸排骨好，但亦不算十分出色。店中有位叔叔的態度不太好，對客人愛理不理而且會催促人下單。滄浪亭的食物雖然份量多，但味道不算出色。$50一碗排骨麵價錢不算貴，但相信可找到質素更好的上海麵食店。

一向是滄浪亭的忠實粉絲，晚餐想吃頓簡簡單單而又清淡健康的上海湯麵，就會聯想到滄浪亭。 街坊店面積小小，只容納到十四、五個座位，開放式廚房，落單直接向廚房裡的大媽喊出，不修邊幅的環境與態度，當然還有那充滿家庭氣息的窩心麵食，正是這小店屹立美孚多年，受街坊歡迎的原因。 今時今日加價是無可避免的事，幸而輕微加幅後的價位仍處於合理的水平。 大排麵 $46 大排麵的精華，當然就在塊大排上。比面龐還要大片，已預先切件的大排，與湯麵分開而上，大排炸得金黃，甚至有點焦香，連帶骨的位置，口感香嫩而不乾，表面還帶酥脆，因與湯分開，沒有浸至腍軟，吃到最後一塊仍能保持脆口。 熱氣騰騰的醬油湯頭，深色而清澈，並非單單只用醬油調味，但又不是濃重味精那款，不會死鹹，不油不膩。上海麵條份量一如以往的多，不過今趟煮得有點偏腍軟。 每次到來幾乎都會點上的嫩雞煨麵 $46 奶白湯頭鮮甜濃厚，鹹淡適中，帶雞湯味道，卻沒有雞油滲出而變得油膩的問題。麵條吸收了湯的精華帶有雞香味，煨麵是腍軟的煮法，但未致糊爛的狀態，保持既有的韌性。 菜粒與雞粒蓋滿碗面，50/50的比例，比起有些食店的菜多雞少來得稱職。雞肉軟嫩醃得入味，

 在我幼稚園的時代，已經有滄浪亭，所以它絕對是陪我長大的上海餐廳！到現在去食味道都沒有太大的變化，真的令人再三回味。  如常地，午餐或晚餐的滄浪亭都是要等位的，裡面大概只有5張枱，所以如果4人以上去食就不知道要等到何時了。  餐牌十分簡單易明，所有都是上海的特色麵食，例如陽春麵、燻魚麵、獅子頭麵等等，一一盡錄於這張餐牌中。  餐牌的背面是小食，分別有毛豆百葉、拍青瓜、蜜汁烤夫、雞絲粉皮、虎皮蛋、上海年糕等等，應有盡有。除了小食，還有飲料，例如各款汽水和豆漿。  我點了大排麵 ($45)。大排即是炸豬扒，炸豬扒的外皮炸得酥脆可口，外脆內軟。欣賞它是給食客一整塊豬扒，而不像其他餐廳只給數片豬扒，所以算是抵食。  值得一讚的是，大排與麵是分開上的，這樣做的話，一來炸豬扒便不會因吸了湯底已變淋；二來湯底也不會變油。  提提大家，我嘗試過叫外賣，雖然它的大排與麵外賣包裝都是分開，不過到家裡味道也不及堂食好食：豬扒變淋、麵則會發脹。所以還是堂食才可以食到原汁原味呢。  嫩雞煨麵 ($45)。這是友人點的嫩雞煨麵，嫩雞煨麵的湯底比較清淡，適合喜歡食淡味的食客。餚到雪白色的雞湯，喝下去

無飯夫婦是夜又到滄浪亭開飯。無他，因為好味，價錢又不算貴的上海麵，在美孚選擇並不是太多。7點多到達，正值晚飯時間，小店已滿座，要等一陣位。之前吃過嫩雞煨麵和燻魚麵，今次試其他。大排麵$43大排即炸豬扒，大大塊，小店碎上方便食客進食。剛炸起熱騰騰，表面炸至金黃色，非常可口香脆，肉質腍軟，腌得入味，好味！豬扒因為跟麵分開另上的，吃到最後都可保持脆口。麵身腍軟道適中，份量都很多，男生一定夠飽。而湯底很清不油膩，帶點醬油的味道。大排麵都是不錯的選擇，好味！菜肉雲吞麵$40一碗有4大粒菜肉雲吞，雲吞皮薄，而餡料用了豬肉和小棠菜，比例各一半，份量很多，但味道較一般不算太出眾，不及嫩雞煨麵好味！這碗麵較為腍身，份量亦是很多，要分點比老公。湯底跟大排麵都是同一味道。見隔離檯叫了醉雞翼，賣相看似很好味，下次要試試！晚飯時段食客絡繹不絕，門外等堂食的和等外賣的人不斷，不想等位就要早點了。

第一次食是外賣，麵因浸在湯裏太久以致太腍，故此沒有留下好印象。這天家人邀約再試，門口約有十人排隊，裏面也只可以容納十多人，但因為快上快落，所以也不算等得太久。並且也有不少單身來的，一個人永遠都是最快的，不用等就可以入座。今次主要麵食：香酥雞麵、大排麵和紅燒軟排麵。香酥雞麵，剛炸好的雞塊，十分燙口，外香脆內軟滑。大排即炸豬扒，不算厚，也是剛炸起，故然香口，也算吸引。紅燒軟排即豬軟骨，是吃過的最軟稔的，咬在軟骨處時，柔軟中也有一點韌性，味道也不算咸，好味！三碗麵上枱時都比較硬身一點，可能預計在碗中一段時間，吃到一半時，軟硬度已正常了，湯也適宜。又叫了兩個小食：看豆柏葉和醉妃子（雞翼），味道也不錯。整體而言，今次留下好印象，不排除有下一次。但據聞食品限量供應，稍為晏一點（無論午餐或晚餐），某些食品會售罄。