吞POT 雞煲火鍋.住家菜 (譽發廣場) (Closed)

經網上預先訂座並於晚上七時三十分前結帳可享火鍋配料及小食半價優惠，餐廳五時三十分才營業，所以只能用餐兩小時。其實我並不是為了半價優惠而早吃晚飯，純粹假期總會睡得晚，在家只是隨便吃點東西，早些吃晚飯更適合，可是店員說即使願意付全數也不能逗留超過兩小時，對於進食緩慢的我來說頗頭痛。醬料每位收取$12基本選擇齊全，一般非連鎖式火鍋店差不多都是這些了。來這裡吃火鍋很大原因是看中環境，店子位於23樓，配上一面落地玻璃窗，坐在窗旁往外看挺舒心。原本想着日落前來吃，正好能欣賞黃昏美景，不幸當天傾盆大雨，景色都被雨水模糊了。入口處置放大魚缸，養着魔鬼魚和一種我不知名字的魚，挺有特色。吃火鍋配可樂是常識吧，來一杯大檸樂順喉。選了香辣雞煲走辣半隻，效果是甜甜的帶微弱的麻，挺惹味，雞肉不算很嫩，但亦屬合格。手打四寶丸價錢$118，吃不出手打的爽口嚼勁，近似是山竹牛肉的口感，最大問題是特別咸，不過蝦丸味道的確挺鮮，但這個價錢與質感，還存在着特別咸的問題，實在欣賞不來。脆肉鯇腩肉質爽口，可惜帶泥味，令味道大打折扣。豬頸肉片是當晚最好吃的食物，吃第一口有被小小驚豔到，豬肉味非常香濃而不膻，肉質爽，令人留下深刻印象

夜媽媽食完夜粥，慘變活靶之後，谷到成肚火，更加係肚餓，雖然天氣回暖，但流失大量體力，就好想打一打邊爐，唔使去佐敦咁遠嘅，油麻地都有一間可以試吓喎兩個人坐四人位，夠晒闊落點餐之前，樓面已經攞定啲配料俾我地混醬，大胃必落蒜、芝麻醬、蔥同豉油，稱為「四不醬」，落完佢就會攞走㗎喇做完運動好口渴，打邊爐除咗汽水，梗係啤啤佢啦呢隻啤幾過癮，冇苦味又唔太甜，飲完好想去Market Place買返廿手熱辣辣唔係唔嗌可樂嘛？都幾大杯下一上檯好香湯味，忍唔住飲啖湯，一飲就停唔到口，煲未滾，我地已經係咁飲湯，趁佢未加湯之前，飲得幾多得幾多花膠螺片點醬食超正啪丸是必需吧？呢碟有五種丸，最令大胃深刻就係海膽丸同芝心丸去滾當然要餃餃震啦，唔餃唔安樂芝心響鈴真係好值得回味打完邊爐，咩能量都返晒嚟

第一次嘗到很有牛味的肥牛！或者你會問這麼新鮮的牛肉在哪裡可以食到？答案就是油尖旺區的吞Pot雞煲火鍋！沒錯，就是先來一個雞煲，後加湯，用雞煲原有的辣汁，再燙一燙這款特級美國肥牛！價錢$148，有十多片。雖然價錢不便宜，不過感覺到餐廳是一分錢一分貨你看看餐牌就知，其實肉類款式有很多！仼君選擇，最貴是韓國頂級1++牛肉眼，人數多會較抵食，或者9:30後光顧，用Open rice 折扣有五折呢！另外，自創爆芝響鈴要一提，雖然差不多$10一件，但幾特別的，值得一試！如果芝士味淡一點就更好，因為火鍋湯底很濃郁，再加上重重的芝士味，吃到第三口就覺得over了。至於重中之重，我們點了重慶麻辣雞煲，BB辣，十分惹味！正！

女朋友細細個受到朋友嘅熏陶，好鍾意食雞煲，今日無啦啦就話想食雞煲，好彩我早有準備，問定啲朋友話邊度食雞煲正，得知油麻地有間特色雞煲火鍋店，就去一試究竟！一入到鋪頭就見到好大嘅魚缸，地方寬敞，枱嘅排列唔會令人覺得好擠迫，可以同女朋友講下肉麻野嘛我哋坐喺窗邊既位置，餐廳用落地玻璃，如果係黃昏嘅時候嚟食就好，風景應該好靚。今次我哋試試新意，我哋叫咗花雕藥膳雞煲（半隻雞），食落雞肉嫩滑大件，彌漫著浸浸嘅花雕酒香，無平時雞煲嘅油膩感，湯底方面，好多材料係湯底到，證明好足料，湯都好好飲，飲完好暖胃。真係冇諗過雞同藥膳可以咁夾，自己平時淨係識叫重慶雞煲嗰啲。經過今日，吞Pot花雕藥膳雞煲已經成為咗我雞煲裏面嘅飛彿！我哋仲有叫一啲配菜包括蘿蔔片、皇帝菜同一個稻庭烏冬，材料好新鮮，蘿蔔卷同皇帝菜索晒嗰湯底，真係食到舔晒👅！最驚喜嘅係佢哋啲飲品份量真係好多，係我哋平時喺出面茶餐廳叫一杯飲品嘅double份量，唔怪得知佢哋叫大檸樂同大檸菜啦食完今次雞煲之後，改變左我平時對雞煲嘅睇法。以前淨係識得食辣味，試完吞pot嘅藥膳雞煲真係返唔到轉頭。一定會再嚟吞Pot！