台灣館 (Closed)

🥵最近天氣又熱又焗，胃口都無咁好，成日都聽人講九龍灣係美食天堂，除左好多人識既德福同淘大之外，附近仲有個細商場，餐廳主要以小店為主，經常間餐廳見到除左台灣野，仲有其他小炒1️⃣ 🐟大紅袍泡椒烤魚 烤魚有3款味同辣度可以揀(麻辣/酸菜/大紅袍)，麻辣烤魚就食得多，大紅袍就真係少見，見幾特別就揀左大紅袍，條魚好大條，仲大條過個爐🙈條魚炸到金黃色，外皮香脆魚肉嫩滑，條魚好新鮮無腥味，魚肉係白雪雪唔會一夾就散，配菜有大豆芽，萵筍絲同雲耳，索左啲汁，微微酸同辣好好味😋份量好足夠哂3-4個人食2️⃣黃金四季豆 一上枱就聞到超香咸蛋黃味，簡直係邪惡之選🫣每條四季豆都脹卜卜，痴住啲蛋黃碎，個炸皮一啲都唔會厚粉，咬落去好鬆脆香口，亦唔覺油膩，配埋啤酒簡直一流🍻3️⃣🥥凍椰島雪香珍珠 開頭睇個名以為係椰汁珍珠奶茶，唔洗估估下決定叫黎試🤣 味道有少少似椰汁冰，椰汁味好香濃，唔會太甜，珍珠煮得岩岩好，煙韌有咬口，面頭仲加左忌廉同胚芽🤭4️⃣🍑凍水蜜桃紅茶 自己偏好水蜜桃既野，所以就揀左尼杯野飲🤤水蜜桃味濃茶底唔會有苦澀味，甜度岩岩好，食辣野夠哂解渴🌟餐廳座位寬敞，無用餐時間限制，適合聚餐🫶🏻滿分⭐️⭐️⭐️⭐️⭐️環境：⭐️⭐️⭐️⭐️食物：

得寶入面真係多咗好多野食，今次嚟咗呢間台灣館，唔係食鹽酥雞，而係食一大盤嘅烤魚！店內播住流星花園主題曲嘅純音樂，牆上掛有台灣風景照，坐窗邊拉起竹簾仲有街景睇，環境都算幾舒服。烤魚唔夠火時，店員都主動幫我哋換一換火，服務唔錯❤️✨✍🏻 /大紅袍泡椒烤魚▪️價錢：HK$258▪️美味指數：♥♥♥♥♥烤魚本身似係炸過嚟，層魚皮略脆，魚肉就算新鮮冇腥味。一大盤除咗烤魚外，仲有芽菜、荀絲、黑木耳、酸菜絲⋯ 2個女仔係食唔曬㗎～應該3個人share就啱啱好。✍🏻 /薑汁炒芥蘭▪️價錢：HK$58▪️美味指數：♥♥♥♥♡芥蘭份量好多，食烤魚加份菜感覺冇咁邪惡🥬✨✍🏻 /涼拌藕片▪️價錢：HK$22▪️美味指數：♥♥♥♥♡平時比較少食呢款涼菜，原來食落又爽又辣都幾好味😋✨✍🏻 /水蜜桃紅茶▪️價錢：HK$12▪️美味指數：♥♥♥♥♡呢杯飲品水蜜桃味好香，如果有埋水蜜桃粒咬吓就更正🍑✨✍🏻 /芋香珍珠奶茶▪️價錢：HK$13朋友飲，我就怕夜晚飲奶茶訓唔著～望落好大杯，上面仲有啲麥芽。

收工同男友去左公司附近既九龍灣覓食，我同佢都係中菜愛好者，今晚就黎左呢間台灣館😎我地叫左兩個主食，兩個飯同兩杯飲品～⭐️大紅袍泡椒烤魚(小辣)💰2️⃣5️⃣8️⃣都幾辣😂 但又幾香幾刺激😂😂條魚先炸過後燘煮所以特別香口😋魚肉好厚身，口感實淨得黎又不失嫩滑，非常唔錯👍仲有好多唐芹，芽菜，薯絲同雲耳等等既配料，好豐富😁⭐️干煸法國長豆💰6️⃣8️⃣平時食開都係四季豆，呢隻豆就比較幼身，口感比四季豆再脆少少👍炸得夠乾身唔油膩，加埋炒香左既肉碎配飯一流😙⭐️椰島雪香珍珠💰1️⃣3️⃣珍珠好煙韌，面頭有啲類似麥片既野，飲落唔會太甜仲幾有口感😀⭐️菊花蜜💰1️⃣2️⃣幾清新，個人認為多啲蜜糖味就更好🤓呢度除左台灣野仲有唔少川式同中式小菜既選擇，就算一班人黎都唔驚唔岩食😆