沁沁麫 (Closed)

第二次幫襯沁沁麵，上一次食已經係大約半年前。感覺食物用心製作，今次嚟仍然保持水準。小店經營模式，只有4-5張枱，兩名店員負責炮製食物及落單。我哋一家四口👨‍👩‍👧‍👧叫了以下食物share。落單後食物即時製作，所以每樣都相隔約10分鐘才上枱。感覺醬汁及滷水食物味道偏甜，撈麵麵底彈牙。而湯麵的兩個湯底都十分香濃惹味，整體食物質素中上，而且價錢相宜，十分抵食。性價比高，絕對值得推介，值得回頭。👍👍

好耐以前第一次食唔知揀咩好諗好耐，同朋友喺度傾，佢會主動過你問係咪第一次食，可以介紹餐牌。😍 今次再去食， 見到朋友食豬扒食得唔方便 (撈麵得筷子匙羹)，會主動問需唔需要刀叉，呢個舉動好貼心。--🥢 大胃王秘汁拉麵 HK$50材料豐富，有特大冬菇、雞翼、豬排、雞肉腸、西蘭花、豆卜。真係超大冬菇。😛 另外，值得一提，豆卜吸晒啲汁好有味道。揀咗上海拉麵，如果麵嘅汁味道可以再濃啲會更吸引。.🍜 新加坡叻沙辣湯麵 HK$43海鮮有青口、帆立貝、帶子、蝦、墨魚、蜆等等。好多粟米，好似食極都食唔完咁。我喜歡。🤤 叻沙湯底，佢本身係standard咗少辣，唔食得辣都食到。如果喜歡辣，可以要求多辣。幾有椰汁嘅味道，但唔係特別濃郁。感覺撈麵做得比較出色。

去番自己嘅地頭搵食 😉 適逢週末帶咗爸爸媽咪嚟呢間小店食飯 😚 其實眨吓眼我呢個 blog 就嚟滿兩歲大小店都開左一年幾 😙 好耐之前佢哋岩岩開張冇耐有嚟試過佢哋嘅沁沁飯 🍚 今日重遊舊地發現飯嘅配方好食咗 😆 重點系嘢食嘅價錢竟然仲同開張時一模一樣，老闆聽到我嘅評論 😅 親自解話：佢話因為唔得閒費時換窗口啲 poster 喎 😂 咁有人情味去邊度搵大胃王秘汁撈麵 ❤️ ($48)評分：7/10.呢個菜式之前應該係冇嘅 🤔 個人覺得就一般～味道正常但就冇乜驚喜，唔太過癮......😗 可能我唔應該嗌烏冬而應該食正常撈麵。配料方面，系豐富嘅，有燒腩豬扒雞翼等都唔錯。但整體上略嫌有啲太隨意，特別係香腸，同鹵水汁格格不入沁沁飯 ❤️ ($41)評分：8/10.爸爸平日夜晚胃口多數一般，就唔會嗌飯食 😶 不過見到呢個飯都食指大動清晒一粒飯都唔淨 😂 飯嘅口感比開張時候掌握得更好，宜家真係做到淋得嚟完全冇滲油嘅感覺，乾身得嚟帶鹹香，非常好入口 😊 老闆話係將粒鴨同雞肉放係面一齊蒸嘅，所以非常入味。呢個我第一次食時應該冇俾咁高分，但宜家嘅水準真係可以一試沁沁麵 ❤️ ($43)評分：8/10.媽媽至愛養

經過openrice search一輪，最終決定一試這間看似抵食又多好評的沁沁麵。沁沁麵是一間小店，只有約20個坐位。我跟老婆一坐下，侍應立刻熱情地推介沁沁飯，說這個時間剛好出爐最好吃。於是我們點了沁沁飯跟大胃王秘汁撈麵。沁沁飯基本上這是一個臘味飯，有臘鴨，臘雞，臘腸和潤腸。白飯吸收了眾臘味的味道，再加上些蔥粒，充滿油香又不會過鹹。大胃王秘汁撈麵有上海拉麵，米線，烏冬等選擇，我選了上海拉麵。我是沒有選錯的，上海拉麵很好吃，超有咬口，亦很掛汁。大胃王亦不負眾望，真的有很多餸。有大大塊豬肉，腸仔，豆卜，香菇，雞翼和西蘭花。不是說笑，全部餸都很好吃。那個醬汁不是普通的滷水汁，還多了一種特別的味道，跟上海拉麵和餸菜很匹配。豬肉，豆卜跟香菇都很入味，雞翼很滑，連腸仔亦不像坊間的腸仔般死鹹。唯一要挑剔的地方是汁太多，減少些應該味道更適中。羅漢果茶沒有看錯，大大杯只需$5, 超值啊，而且是好喝的！這裡員工很有禮貌，食物價錢絕對是街坊價。後來我還看到餐廳是標榜無味精的，難怪即使吃了超多汁的麵也沒有口渴的感覺。希望小店生意越做越好

自從上次試過招牌沁沁麵之後，對那個足料人蔘雞湯底一直念念不忘，今日又返嚟幫襯下啦。人天生就係好奇，明明一心想返嚟回味沁沁麵，見人哋外賣兩個撈麵又心思思想試... 叫咗個大胃王秘汁撈麵。當然唔少得跟返杯清甜羅漢果茶 。大胃王秘汁撈麵，真係無改錯名，足足6款配料(特大冬菇、雞翼、雞扒、雞肉腸、西蘭花、豆卜)，款款都有兩件。上海拉麵底軟硬適中。所有配料以及拉麵底都經過秘製醬汁調味，食落有啲似鹵水汁，整體偏鹹，不過勝在份量十足，一個女仔真係未必食得曬。食慣濃味嘅朋友可以一試，不過沁沁麵始終係my favourite。

今日放假，所以瞓到好晏先起身。起身就落街食嘢補充下能量啦！之前行過，都見到呢度有間叫做沁沁麵既餐廳，但一直未有機會試，今日近近地就過嚟呢度開餐啦！餐廳唔算好大，但座位闊落，坐得舒服，仲有部大電視，好有街坊食堂既感覺。餐廳牆身貼滿左唔同食物嘅相，一目了然，唔使估估下，叫送好方便，岩晒我呢啲無物想像力，要睇圖既人。招牌醉雞捲呢一個真係超級食，一定要食！首先講個雞卷，雞卷扎捲成柱體，再切開，切得唔算好厚身，亦唔太薄，剛剛好。雖然係紮實、捲起啲雞肉，但係雞肉都仲嫩滑，唔會好鞋。因為係凍食，所以雞皮無物油，食落爽爽地。雞卷亦都好入味，好香花雕嘅味道，但係唔會好濃酒味，有微微地嘅甜味，味道調較得幾好！呢一個真係極力推介！我相信一個人可以食到兩碟！大胃王秘汁撈麵佢嘅餸菜好多，有滷水雞翼、大冬菇、豬扒、腸仔同埋豆卜。滷水好入味，滲入晒啲肉入面，仲有少少滷水汁俾你撈埋個麵食，正！要講下個冬菇，冬菇真係好大隻，好厚身，炆得又夠林，滷水味滲入晒只冬菇度，咬落去仲有少少滷水汁流出嚟，好食！食完之後飲番杯羅漢果茶作為完結，超配合今日咁凍嘅天氣。飲完個人好暖，好潤，喉嚨好清涼。值得一提嘅係，佢呢個羅漢果茶只係需要

因工作關係經過西灣河，天氣又餓又凍，真係「飢寒交逼」呀‼️好想食碗麵，Search 到附近有間人蔘麵就去一試，點知入到去俾陣濃濃的鹵水味吸引住，餓到我叫左碗「大胃王秘汁撈麵」🍝，睇相好吸引😋👉🏻飲品方面，簡左自家製羅漢果茶(熱)，$5 咋‼️好快送上，重暖笠笠，飲得出完全無添加，好感動😭👉🏻撈麵終於黎啦，一碗有豆卜、豬扒、冬菇、雞翼、腸仔🥦好豐富，岩哂我呢隻餓鬼！👉🏻名副其實好多料真係😍好香鹵水既味道，忍唔住快吃了‼️👉🏻撈麵係上海麵，粗幼岩岩好，好好咬口，撈埋鹵水汁真係唔錯，個汁又唔多油🉐鹵水甜甜地，帶好濃既香料味，又唔會過鹹，亦食得出係無味精！👉🏻佢既豆卜同大香菇超級入味呀，索哂D鹵水汁味， 豬扒亦煮得好入味同淋，好好咬！🤗我成碗食哂，汁都唔放過！ 整體上，時間尚早，小店人流不多，店員都好友善，特別係快速送上熱羅漢果茶暖胃😭😭人情味十足，靜靜地享受一碗麵🍝，下次有機會經過，都想再來❤️❤️下！🙋🏻‍♀️

返完教會，諗住搵啲嘢食醫下肚，經過就見到呢間沁沁麵，d 嘢食都幾有特色～有別於一般既麵店，一於入去試下先😛。今日勁凍，真係好想試人蔘雞湯麵，不過感冒癈事食d 咁補既野，掙扎左一輪😭最後叫左個"大胃王秘汁撈麵"。 勁搞笑～隔離枱有個小妹妹食完個人蔘雞麵，臨走果時佢爸爸問佢你唔係有野同廚師叔叔講咩😂原來妹妹想講：個麵好好味啊要讚下你🤣。價錢方面都幾平，小食都幾特別，不過飲品選擇真係唔係好多。今日太凍了，真係好想飲熱野，但熱飲只有羅漢果茶，不是人人合適。✨大胃王秘汁撈麵（$48): 都幾大碟，材料全部打孖上，真係好豐富，滷水色澤一流。先試下個上海拉麵，軟硬度啱啱好帶點韌度，個滷水汁真係幾正👍🏻味道甜甜地。✨豆卜有兩大舊，索晒汁超正的，不過太多汁食到第二舊有D咸，要渣番d 汁出黎先食。✨東菇超厚肉，毫不嗇吝大大舊，好腍好入味。✨雞翼同樣入晒味，肉質仲幾嫩滑唔會老👍🏻✨腸仔仲切左花添，好cute。✨唯一最差係個豬扒，好乾好瘦，肉質無彈性。西蘭花亦略為太生, 個人黎講鍾意稍為熟番d。✨滷水溏心蛋（$8): 雖然似半熟蛋多過溏心蛋，不過勝在入到滷水咸味。✨呢個麵真係幾抵食超飽肚，除左個豬扒扣分同埋個

同男友又出動。今次黎到西灣河。今次我地試下呢間新開嘅小店。都幾有驚喜嫁！入到去，雖然冇華麗嘅裝修，但好有家的感覺！而且，菜式都有啲家常小菜feel我哋揀咗幾樣嘢食。香蒜檸汁鯖魚、大胃王秘汁撈麵同埋沁沁飯。香蒜檸汁鯖魚係最好食架！首先個汁唔會淨係得甜味！好多時，餐廳為咗迎合客人，會整到個汁好甜，但檸汁就應該酸酸地架嘛！呢個就做到喇！仲有呀，佢啲蒜片就算撈咗落啲汁到，都唔會腍咗，我就覺得依然咁脆口，咁好味，咁香口！魚亦煎得好香，好滑！大胃王秘汁撈麵！呢個有啲遜色，個麵有啲腍同埋無乜味，啲配料太普通！雖然好有家的味道haha！但係我哋覺得啲送有啲鹹，特別的豆卜！仲有舊豬扒有啲"鞋"！雞翼又反而ok喎，幾滑喎！沁沁飯！呢個嘅idea係唔錯嘅，但食落啲飯有啲腍。而啲雞又好鹹同埋好乾。好"鞋"嘅肉質。不過係真係好香呀！