沁沁麫 (Closed)

今年年初一好多親戚來我屋企團拜，外出酒樓食飯又嘈又多人又貴又難訂位，最後決定叫個盤菜返屋企與親友共聚一堂，腦海中立即浮現了沁沁麪個盤菜🤤拎咗個盤菜返屋企，一打開個盤菜立即就聞到香味，個盤菜仲係熱辣辣有煙出，材料極之豐富，鮑魚、海蔘、金蠔、日本大花菇大大隻又鮮味😋最愛就係茄汁蝦碌，味道剛剛好，蝦又新鮮👍🏻撩起個盤菜底仍然有驚喜，豬手腩肉入口即溶化，又入味，枝竹、蘿蔔、豬皮索晒汁好好味，個盤菜汁食得出無味精，食得出有南乳味但又唔係淨係南乳咁簡單，總之好惹味，最後我們用埋個汁淥生菜食，親戚們都大讚這個盤菜👍🏻將來再有機會一定會安歌☺️

老婆同班朋友去咗大灣區遊玩食好嘢，一支公無所事事咪落樓下又去平時食飯打躉嘅沁沁麵食吓嘢吹下水囉，點知見到隔離枱有3個人食緊私房菜，八卦聽到三個人一邊食就不停咁樣話條魚好好食，我睇又睇唔出那條係什麼魚，最後就問了老闆，原來係古法蒸脆肉鯇，心諗脆肉鯇不是只用來打邊爐？蒸的脆肉鯇就真係未試過，真的立即想試，就問老闆最快可以幾時食到？老闆話原本要5日前預訂，但見我咁想快啲有得食就翌日可以幫我做，老闆太好人了，咁我便立即預訂了。第二日再到沁沁麵品嘗那條魚，上菜時真的很大碟，原來$450一碟脆肉鯇已經係半條大鯇魚，當中包括魚背、魚腩、魚尾及魚頭，足有4人以上份量。老闆好細心，將脆肉鯇的每個部分都用不同的方法去切割。魚背多幼骨就以薄片方法、魚腩大條骨就一條骨帶一條肉、魚尾無骨，就一塊魚扒，使每個部位都容易食及有最好的口感。魚肉鮮嫩中帶彈牙，魚肉蒸前先經醃製十分惹味，這道魚菜式認真好食，十分驚喜👍🏻

食得出係俾心機之作，喇沙湯底好濃香料同椰奶味，飲完亦都唔口渴，冇味精真材實料。醉雞捲偏甜，有杞子紅棗同當歸，好養生☺️ 羅漢果茶夠清甜，飲落好舒服。整體用餐體驗非常好，店入面個姐姐同老闆亦都好親切，幫我抹乾淨晒張枱，又時不時同熟客傾偈。咁啱聽日打風，個老闆仲好風趣咁同啲客人講朝早買菜幾咁辛苦，好難先搶到😂 唯一唔好處係嗰日舖頭有陣怪味，可能通風唔好，老闆要留意吓。肥牛新加坡喇沙湯麵 + 醉雞卷 + 羅漢果茶 $85

#chowweisik鹹#chowweisik西灣河除咗太安樓之外都見到呢一間舖頭幾出名食完之後都感受到舖頭嘅人情味同埋好有住家嘅味道☺️唯一爭少少就係略嫌個麵質有啲淋🤏🏻一🐾 沁沁麵｜$48店主特別講明個湯記住飲晒佢對身體有益😳人參味味道並非濃厚但係湯頭入口舒服！一🐾 醉雞卷｜啖啖肉 鍾意佢嘅厚度！啲肉都算嫩滑！！一🐾 新加坡喇沙辣湯麵 ｜$48本身想食佢個臘味飯！！ 但係已經賣晒🥹喇沙味濃郁而且配料都好足☺️一 🚏 沁沁麫 (西灣河)西灣河西灣河街112號地舖

平時通常必食沁沁麵同醉雞卷，上星期見到有，就book 左個盤菜，今晚終於試到啦！真心好味同好抵食，兩人份量其實3-4人都夠，有鮑魚，大冬菇，大蝦，海參，鵝掌，雞件，豬肉，豬手，豬皮！最好味就係底啲，蓮藕同埋蘿蔔！醉雞卷勁超值，平時去上海菜館食好貴，又未必好食，自己試過整，整嚟整去都冇咁實，同唔入味！沁沁麵個湯d料應該堅堅地。每次都會連湯飲，每次食完嗰晚會好好瞓，但係湯底藥材味唔重。好想有機會食到佢個心心飯

之前試過泥間舖頭仔個盤菜，又抵食又好味，咁上下佢哋個 社交平台睇吓仲有乜嘢其他嘢食啦，點之一睇就比佢個古法蒸脆肉鯇吸引住，就打電話去問，原來半條脆肉鯇$450，我問佢多唔多骨？因為如果多骨我孫仔食唔到。佢答可以部分可以起肉無骨，可以比小朋友食，其餘有骨部分就大人食，咁就太好了！預訂可以用支付寶網上比錢，唔洗親身去，我就訂咗星期日叫晒屋企人去堂食條脆肉鯇蒸得好好味，原來蒸係好好味，店員話係四人份量，個係我哋六個人只係叫了兩碗白飯都好夠食我又睇中佢私房菜鹹焗雞雜煲，下次試

西灣河非素食店的純素：沁沁麵馬來西亞娘惹素咖喱湯麵，正宗「麵好食，湯好飲」（無錯，我每次都飲埋d湯）素食版既餸係西蘭花、蘿蔔、豆卜、see u tomorrow (金菇）🤣另外加個巨形滷水豆腐扒同羅漢果茶，咁就perfect la😋😋佢d滷水小食都有分素食版㗎！食多幾次跟老闆熟了，才知老闆對食材非常有堅持，麵係本地手工上海麵，Q彈有口感，每條麵都掛上濃厚湯汁，第一次食仲以為食緊日本拉麵！湯係分開煮既純素湯汁，濃厚咖喱、椰汁香味，只要告知你係素食者，再忙都好，老闆會為你清洗乾淨鍋具而煮！對次非常感恩🙏🏻🙏🏻（得佢一對手煮咋！）第一次食驚為天人，食過後念念不忘，好似上左癮咁，坐幾個站車都要嚟食😋😋好彩老闆經過疫情重災，都堅持保住小店，千祈都好失傳呀！

好日唔去西灣河，當然要搵下附近有咩正嘢食，上網見到依間好似不錯，決定試吓，這間店舖仔細細，眼見係一個人主理，客人自己圈紙想食咩，之後交單，這店主打無味精👍🏻，叫咗碗招牌沁沁麵（即秘製人參雞湯麵）$46，跟餐醉雞卷$29，鮮茄茸濃湯拉麵加餃子$60，另一碗配金菇$55，飲品就叫了自家製羅漢果茶跟餐只需加6蚊，沁沁麵湯濃，人參味唔係好勁，但味道ok，醉雞卷雖然係加配，但份量不少，件件大大舊，本身就咁食舊雞卷其實唔係好勁酒味，如果想勁啲就可浸一浸落啲汁（酒）度，咁就好勁酒味，羅漢果茶，唔會太甜，濃濃的羅漢果味，服務方面正正常常，整體來講都ok.#小店#人參#醉雞#麵#下午茶#蕃茄#湯#無味精#金菇#餃子#🥟#

🇭🇰沁沁麫·我哋好耐之前已經食過一次呢間餐廳㗎喇 食完之後對佢個醉雞卷念念不忘 所以又再黎啦😈😈·鹵水蘿蔔(5件) $11 l 鹵水特大冬菇 (2件) $20 l 鹵水魷魚鬚 (2件) $20 l 鹵水豆腐 (1件) $11 l鹵水雞翼 (3件) $16今次嚟到嗌左佢佢幾款鹵水 超有驚喜 佢價錢勁平但係份量超多😍佢個鹵水汁好入味 甜鹹既比例唔錯 而且仲有好多唔同嘅香料味 食落味道好豐富😎佢個蘿蔔超甜 而且煮到好淋 一咬落去勁多汁 好好食🤤之後嗰特大冬菇都真係超大粒 係有手板心咁大個 超誇張 而且佢發得好好 入味得黎仲有冬菇嗰個口感 不過始終因為個冬菇太大粒 我自己覺得佢呢個會稍為偏濃味少少🍄🫢🫢之後個魷魚鬚都好新鮮 超級彈牙 而且佢呢個係好似有微微烤過再鹵 所以外層脆脆地咁 食落超香🦑之後雞翼都唔錯 又係好入味 不過佢個雞翼係細隻啲嘅 所以就無其他咁驚艷🐤最後佢個豆腐都入味 不過佢係硬身啲 實啲個種豆腐黎既 如果個豆腐滑啲應該再好食啲🤣🤣·醉雞卷$29 l 沁沁麵 (秘製人蔘雞湯麵)$46之後佢個醉雞卷同我記憶入邊一樣咁好食😋佢個醉雞汁係勁有層次 唔係淨係得花雕味 之後佢個雞卷係勁大個

期待去依間食肆幫襯好耐， 趁住復活節假期嘅第一日，一個人悠閒地去西灣河拜訪一下傳說中好味嘅醉雞卷。依度地方唔係好大，4至5張四人檯， 但就有啲似一啲日式嘅餐廳：老闆喺裏面做食物，同客人嘅距離好接近，大家可以交流，有傾有講，感覺親切。我好簡單，首先就係點咗醉雞卷，然後問咗老闆，佢哋嘅麵嘅做法、選擇，記點咗佢哋嘅沁沁麵。先講醉雞卷，真係好熟於家庭、私房嘅味道，味道適中，令我想起一個會做醉雞翼嘅老朋友，令人回味，冇得彈。 唯一要挑剔嘅係：個雞卷嘅雞肉捲得遍實(?! 我都唔知唔唔啱？)，還是如果雞卷中間仲捲多一層雞皮，口感就更加正。(純粹個人狂想。)至於個沁沁麵，係用秘製嘅人蔘湯淆成，完全冇用味精，湯質濃郁，入口舒服，同樣係令人回味嘅，同樣係令人有家嘅感覺。而我唯一挑剔嘅係：我覺得西蘭花有少少破壞咗個湯，如果有另外一種蔬菜類可以取代，就更好喇。總括而言係非常好嘅體驗，我一定會嚟再幫襯，試下佢哋其他出名嘅食物。要說多謝嘅一餐。

呢個星期日個女帶埋老公同我個外孫仔返泥食飯，我都買定左隻新鮮雞返泥蒸，點知我個女喺沁沁麪訂咗個盆菜返泥試，佢話好多人讚好味。個女拿個盆菜返泥話係六人份量，點解六人盆菜會甘大盆我都唔明，還有好鬼死重，我一人都搬唔起上個爐上面。打開包住個D保鮮紙又幾鬼死香，每件材料都食過晒都幾好食，值得一讚係豬手同腩肉炆得好好，兩樣野都係入口即溶，又好入味，個盆菜好好味到個個都淨係夾個盆菜，平時孫仔最鍾意食我的蒸雞今晚都唔食，只係一味食個盆菜，搞到我隻雞食餘晒。問個女個盆菜甘大盆甘好味洗唔洗$2000蚊，個女話$1200真係好抵食雖然個個都食左好多，但係都要兩餐先食得晒，我隻蒸雞倒左落垃圾桶。

舖頭開係街市街入面但唔難搵嘅。相信都開左一段時間所以舖頭裝修會有少少舊燈有少少暗但絕對安心食用叫左招牌沁沁麵（蔘雞湯底）、沁沁臘味飯、醉雞卷，全部都好有媽媽嘅感覺。💛個麵湯好清好甜，手拉麵係亮點我好中意，餸嘅話就正常發揮。💛醉雞雞卷好大份，跟麵/飯一齊叫仲有平。食落啖啖肉好滋味。💛臘味飯餸多，好適合中意食臘味嘅朋友小店主要做街坊生意所以人流人限、大家可以黎食下野多多支持下呀💛💛💛💛💛

沁沁麪開業以來，作為街坊的我都一直有光顧。平日食午飯有沁沁飯就吃沁沁飯，沁沁飯賣光了就吃沁沁麵，總是覺得麵與飯都同樣出色，多去幾次都無妨。新年沁沁麪推出盤菜，無奈我已一早預訂了元朗老字號盤菜（年年皆是），無緣品嚐沁沁麪的出品。但是早兩天與老婆大人光顧沁沁麪，看見沁沁盤菜的餐單有兩人用盤菜，心想星期日都可以買一個盤菜回家與老婆大人撐枱腳。心急如焚，於是即刻問老闆兩天後的星期日能預訂嗎？老闆想了一想，勉為其難的答應了。其甚更有要求，因為年紀大不再吃冬菇影響消化，和不吃雞但愛吃蝦、鯪魚球、鮑魚與金蠔，老闆都一一答應了。只是兩日時間的準備，便為我倆造出了為我而設、獨一無二的盤菜。很鮮味的茄汁煎蝦給了我們四隻、頗大的鮑魚給了我們三隻、又脆又彈牙的鯪魚球給了我們六個、肥美鮮味的金蠔也給了我們四隻。老闆真的太好人了。還有要讚的是盤菜份量十足、樣樣新鮮，最有驚喜都算是盤菜下層的炆豬肉豬手，顯出十足的功架。

今日接女朋友放工，咁啱行過西灣河嗰邊。見大家唔係好肚餓，又唔想食得太油膩，諗吓諗吓就去咗沁沁麪。入到去好似返咗屋企咁。鋪仔細細，但見老闆同食客有講有笑。我哋簡單單單嗌咗兩碗麵，同一個小食。全部都好好味，唔花巧，用料十足。喇沙肥牛麵 - 喇沙味好濃，椰奶亦落得好足醉雞捲 - 入晒味，食落一啲都唔韌，而且夠晒大份。必試！我哋去嗰日，老闆娘仲係咁推介個沁沁飯，好似係招牌菜。但我哋真係冇quota 😅 下次去，一定會試 😤😤😤

偶然經過西灣河都會想起這店，也會去食雖然舖名有麵字但沁沁飯係最受歡迎💯除咗有飯焦🍚仲有新鮮🦆臘鴨個飯食完第一啖就會密密繼續食不知不覺🤤好快食完冬天最啱食臘味飯，正😆醉雞卷🐓都係我喺呢度必點嘅菜式價錢比其他地方較便宜味道還不錯😌有酒香，仲有杞子，十分入味份量還不算少性價比高之選，值得一試👍🏻馬來西亞娘惹咖哩湯麵🍜不過不失啊湯底惹味😋 啱晒重口味人士略嫌肥牛有韌🙈不過唔影響總體印象嘅～值得支持👍🏻