Time Park Lounge

Open Now

Now Closed

來到Time Park Lounge 晚餐，叫了二個主菜一個小食。大虎蝦龍蝦汁三文魚子扁意粉：三文魚子鮮甜，虎蝦爽口，不過蝦味不夠。意粉軟硬適中，亦沒有龍蝦汁的味道。燒西班牙黑毛豬鞍：豬鞍有咬口，但不老。不過豬香味不夠。另外，綠色醬汁味道奇怪。自家制特式蟹肉燒賣：其實亦是用春卷皮包上蟹肉沙律，雖然是凍盤，但春卷皮依然香脆，而具與蟹肉沙律頗夾，蟹肉味沒有被沙律味覆蓋，有創意亦美味，讚。不過把蟹肉燒賣放上雜草上就畈嫌不夠衛生，比較喜歡放在普通碟上。總括而言，Time Park Lounge 的食物水準正常，價錢偏貴，但以創意及環境答救。

同朋友慶祝生日揀左呢間餐廳呢度燈光昏暗 有情調西餐廳兼備酒吧朋友們食完tea好飽所以叫左好少大虎蝦龍蝦汁三文魚子扁意粉$258大虎蝦爽口彈牙可惜份量好少意粉亦唔係好食到龍蝦味啤酒味炸薯條(配黑松露醬)S $78外脆内軟黑松露醬香濃令人食唔停口西班牙燒乳豬配蜜糖芥末醬$278皮脆肉嫩夠肥美 香口芒果芝士蛋糕$68底層有芒果粒唔漏既芝士蛋糕食完先發覺原來係黃店整體黎講食物質數都好好服務態度都好好但食物份量較少 價錢偏貴

已經係第二次嚟啦，自從上一次嚟過慶祝紀念日，已經成日念念不忘成日想同朋友嚟試多次。因為佢嘅環境真係好有氣氛，好似去咗拍戲咁嘅酒窖。加上佢嘅嘢食真係好高質！今次嚟到我哋三人行，晚上七點幾平日都好多人食差唔多full晒。我哋叫咗三樣主菜，仲叫咗幾個小食。我最鍾意食薯條，仲要配埋黑松露醬，熱辣辣好好食，好啱同朋友傾計一路食。今次亦係唔少得嗌呢一個跟餐嘅蟹肉燒賣。上次試過已經覺得好正，因為佢啲蟹肉好足料，好多，襯埋佢哋自家製嘅燒賣皮脆卜卜，好新鮮，好香濃嘅蟹味海鮮味。呢個樣梗係店員推介我哋食嘅，上碟嗰陣覺得好得意好似有三個青苔咁樣。忍唔住即刻攞嚟食，好熱辣辣，羊肉上面嘅香草非常香濃，配埋喺底嘅焗薯仔，好好味，食得出好有心思。呢個豬鞍又係好推介！上次已經食過啦，肉質超嫩滑，仲要好厚肉，配埋今次特別嘅薄荷醬，好出色啊！呢個大虎蝦扁意粉係我哋見到隔離叫，覺得好靚！所以我哋都叫埋。都真係好好食，好濃郁嘅蝦味，三文魚子好大粒好新鮮，個意粉好入味，好似每一條都包住左好厚濃嘅汁。食埋甜品就啱啱好好滿足！

上次食過呢間西餐廳都覺得幾高質今次同朋友再嚟試吓佢其他嘅菜式佢既5 courses套餐係幾抵食只係比散叫主菜多$30至$50不等就會有齊餐湯、沙律、小食、主菜同甜品因為太肚餓嘅關係首先嗌咗黑松露薯條估唔到連薯條都咁高質薯條本身已經有調味唔使點醬都好好食佢既水牛雞翼亦都唔錯調呼啱啱好唔會太酸同太鹹雞翼外脆內嫩啖啖肉仲有少少沙律做伴碟消滯解膩主菜嗌左燒西班牙黑毛豬鞍依然保持到上次水準燒得啱啱好咬落仲有唔少肉汁仲有燒紐西蘭羊架配法式香草醬值得一提係佢既香草醬其實係黃芥末為主食落略嫌有少少過鹹掩蓋左羊架既鮮味最推介係佢既大虎蝦龍蝦汁三文魚子扁意粉意粉煮得軟硬適中醬汁亦都好濃嘅龍蝦味成件事食落味道好夾個朋友本身話飽都食多左幾啖最後仲有甜品做尾聲Perfect!