Le Viet (Closed)

晚市時間好多人， 嚟遲一步都要等位，非常受歡迎，坐夠兩個鐘就要埋單走人lu。➡️ 大蝦菠蘿飯 ($96)個賣相真係幾靚，蝦又大隻，飯又多，撈埋啲肉鬆一齊食，好香好好味！➡️ 香茅燒豬頸肉 ($76)燒得都幾香口，成碟都有10舊左右，幾個人share當小食最好不過。➡️ 香茅燒牛仔骨($95)呢個牛仔骨反而有少少硬，比較難少少咬開，而且有少少燶，我未必會encore。➡️ 去骨海南雞半隻 ($118)去骨嘅海南雞啖啖肉又嫩滑，我最鍾意就係個辣汁，加埋一齊辣辣地好好味！➡️ 扎肉薰蹄米紙卷 ($42)呢個皮做到好薄，每一舊都好大舊，d粉絲多到爆出嚟。➡️ 手撕雞撈檬 ($68)好多手撕雞喺面，完全遮蓋左下面嘅檬粉，撈埋啲粉一齊食，啖啖都可以食到雞肉。➡️ 柚子海鮮沙律 ($78)柚子沙律個份量都幾多，大大片柚子、蝦、青木瓜絲、腰果，加埋一齊真係好夾，酸酸地好開胃。➡️ 蒜蓉炒椰菜苗 ($66)雖然份量就唔多，但係椰菜苗炒出嚟都仲好嫩，加埋蒜蓉一齊好惹味。Le Viet地址📍: 旺角彌敦道636號銀行中心1樓101-106,108-109號舖.............................. 味道

今次一行６人，朋友係BOOK左位，未等齊人都比我地入去坐住等。唔知佢係咪大集團旗下啦，個人感覺就似係既。店內都整潔乾淨，坐得舒服。木瓜柚子沙律好清新好fresh，不過就唔好擺咁耐喇，等下等下越食佢越出水串燒併盤食東南亞菜最穩陣一定係串燒。如果串燒都難食，都應該做唔住架喇。呢到串燒都穩打穩陣皇牌：椰青焗飯理想與現實都相乎，真係好似幅相咁滿到瀉椰味超濃郁，仲可以刮埋椰青入面Ｄ椰肉食（按個人喜好）有DD泰式椰汁糯米飯既感覺（呢個唔係糯米），雖然係咸食但又有少少青甜椰香咖哩牛腩配薄餅牛筋好淋好好味，配一塊薄餅略嫌唔係好夠喉菠蘿炒飯不過不失, OK一分錢一分貨，未至於人間美食，但呢個價位呢個質素好滿意既。

星期六中午到銀行中心睇旅行資料， 然後好方便落一樓就可以到Le Viet晚餐。 這間越南菜館之前在尖沙咀the one食過， 旺角 銀行中心是第一次 。 店鋪地方寬敞環境舒適， 服務周到， 店員會不停為我們添水和收拾碗碟。小食點了扎肉燻蹄米紙卷$42， 每次到越南餐廳必點米紙卷。 記得上次食過滿載椰青海鮮飯 ， 今次試下大蝦菠蘿飯$96， 再叫了香茅燒烏頭$173。大蝦菠蘿飯 ～ 賣相很靚， 菠蘿飯的面層有幾隻大蝦，上枱的時候已經剝了殼， 令到客人食得更方便。 蝦肉爽口彈牙，新鮮！ 菠蘿飯的味道又香又好味， 菠蘿每粒都很甜美， 還有肉鬆一起吃， 特別好味。扎肉燻蹄米紙卷 ～ 米紙的質感晶瑩通透又夠薄， 卷入面有越南扎肉和燻蹄，米粉和香草。香茅烏頭魚 ～ 遠遠已經聞到清新的香茅味， 烏頭魚很大條 ， 肉質紮實嫩滑， 配上越南海鮮青辣醬， 令到烏頭魚更加惹味。 今次畀我發現銀行中心1樓有 Le Viet， 地點方便，下次睇完旅行資料和經過旺角都可以 上來吃越南菜了。

係咁熱既天氣底下真係離唔開商場, 行開銀行中心就順便係呢度食埋野行左幾間最後決定食Le VietLe Viet餐牌上既選擇好多, 當中仲介紹左人氣最高既食品同餐廳推介既食品比顧客最後我地叫左個柚子海鮮沙律$86起初以為只係得柚子, 點知原來仲有青木瓜絲同蘿蔔絲海鮮有蝦肉, 魷魚, 蜆肉等等, 酸酸甜甜好開胃媽媽一向好鍾意食薄餅, 冇人話食薄餅一定要咖喱既冇咖喱先食到原汁原味架嘛, 煎得好香, 唔錯大蝦菠蘿飯$96原個菠蘿上, 上面仲有3隻大蝦, 仲剝埋殼添餡料都好多, 用既係新鮮菠蘿, 成個飯充滿菠蘿香椰青 $42清甜解渴, 消暑一流連肉都可以食埋丫餐廳位置方便，又近港鐵站，食完就可以行去搭車返屋企啦

呢間位於旺角銀行中心既越南餐廳，人頭湧湧，晚市非常熱鬧，一定要預約先唔使等咁耐！我食緊嘢嘅途中，一直都有人等緊位其實我食之前都有上openrice望一望餐牌，本來mark定咗食牛油焗大頭蝦嘅，但好可惜，太受歡迎賣晒無得食......不過都唔緊要，餐牌仲有好多選擇，最後order咗同樣好吸引既越式咖哩軟殼蟹，咖哩同軟殼蟹分開上，可以一邊食邊點咖哩，咁就唔怕浸林晒同埋凍晒✌🏻咖哩開頭甜甜地，之後越食越辣，爽😛😛 呢個餸配埋法包，微暖既法包點咖哩食真係好夾～～$93一份，性價比算好高另外，大蝦菠蘿飯好足料，有啲三色豆 用菠蘿外殼盛載住滿滿既菠蘿炒飯，仲有三隻大蝦，平時食蝦最怕要剝殻，呢到嘅廚師好貼心將蝦殼預先剝左，夠晒方便咁食～～$98大大份，價錢都算合理👌🏻見到隔離枱食緊嗰條魚，好大條好似好好味，所以我都叫咗一份香矛燒木棉魚，原條木棉魚用鹽醃，翻開魚皮，魚肉就比較鞋身，鹹味就重手咗少少，近魚骨嗰邊嘅魚肉就較重香茅味，有兩重享受～～小食方面就嗌咗一份蝦餅，蝦餅啲蝦肉好實正，都幾真材實料，炸得都算香脆！不過$68一份四件都有啲啲貴呢！🤑服務方面，呢到啲員工好抵讚，見我哋冇點飲品，會定期幫我哋加

本身諗住黎銀行中心食韓燒，嚟到先見到原來間韓燒執咗，變咗呢間Le Viet。同行嘅朋友食過Le Viet喺The One嘅分店，話好食，咁我哋就入去試下啦～店面幾大，座位有好多。我哋星期一7點鐘都未洗等位住，但過咗一陣門口都開始出現人龍～串燒雞牛豬（$56）非常推薦呢個！佢用個隻汁／調味料好好味。肉又唔韌，好易扯出嚟。另外仲比咗沙嗲汁，客人可以點嚟食～多人啲嗌半打都好抵！香茅豬頸肉米紙卷（$42）春卷（$52）好可惜米紙卷同春卷上面都sum咗花生碎，對花生敏感嘅我無緣試食對花生敏感嘅朋友仔食東南菜都要留意堅果類食材呀～但睇賣相都好似唔錯～越式咖喱軟殼蟹鍋配法包（$113）好鍾意呢個！首先上咗個咖喱鍋先，入面有配料，例如洋蔥、紅椒、青椒。滾起就可以加埋啲炸過嘅軟殼蟹同薯仔入去喇～法包焗得熱脆，點啲咖喱汁一齊食一流，啲包會索曬啲汁，好好食不過個咖喱有少少辣架，所以少少辣都唔食得嘅朋友要注意喇～香茅燒烏頭（$173）烏頭好大條，好多肉調味料同香茅擺咗喺魚入面一齊燒，一切開就好大陣好香嘅香茅味～簡單嘅製作同調味就食到魚嘅原汁原味大蝦菠蘿飯（$96）呢個價錢，呢個份量，WOW！首先賣相已經好靚啦