韓閣

Open Now

Now Closed

之前喺荃灣食過呢個人氣高企嘅韓國餐廳，今次來到位於黃大仙中心嘅分店，餐廳內環境舒適，比起荃灣店座位更加闊落！最特別嘅係呢到除咗有得食韓國料理之外，仲可以租埋韓服打卡，真係啱哂啲從未去過韓國著韓服但又貪得意想體驗下嘅人啊～甜辣芝士年糕配大魚糕串💰HK$88煙煙韌韌嘅年糕配上韓式甜辣醬真係好夾好惹味，大魚糕一大片喺中間痴住哂啲芝士，超邪惡啊～牛肉雜菜飯卷💰HK$62飯卷好足料，甜甜地嘅牛肉再加埋爽口嘅紅蘿蔔絲、黃蘿蔔、生菜同啲飯捲埋一齊，口感豐富，感覺又健康啲～大韓無骨豬手💰HK$98份量多，用生菜夾住啲豬手來食可以減低油膩感，美中不足係豬手肉比較乾身～

曾經到訪過韓閣荃灣分店，最深刻印象一定係超強性價比🤑今次再訪黃大仙分店，同樣大件夾抵食，唔會令人失望😆.餐廳好有韓國餐館感覺💕除咗背景播放K-pop外，周圍裝潢都充滿韓國feel🇰🇷而且座位都較闊落，坐得幾舒服😌.🍴大韓無骨豬手💰$98（例牌）大大碟切片豬手配以生菜及泡菜🥬將生菜包裹著豬手、泡菜、味噌醬及少許蒜頭，豬手油香與味噌醬零舍匹配，蒜香增添惹味😋豬手肉質軟腍，就咁食都好好味😙.🍴特色鐵石鍋 💰$87揀咗五花腩泡菜炒飯拼雙太陽蛋，再加芝士（$15）🧀石鍋上檯後再將內裡配料拌勻，輕輕一拉即刻有拉絲效果😍入口勁濃郁芝士奶香味，加入辣醬後甜甜辣辣好香口😚.🍴海鮮煎餅💰$98食韓國菜又點少得海鮮煎餅🤟🏻內裡有大蔥、蝦、魷魚等配料🦑香脆外邊，就咁蘸魚露已經好足夠😝.🍴鐵板炒泡菜五花腩片客飯套餐💰$102客飯套餐加配韓國味素飯及清湯✨鐵板熱辣辣呈上，加入韓式辣醬炒過後嘅雜菜及五花腩片好惹味，送飯一流🤓份量勁多，兩個人食都得🤪