Video
Read full review
2023-05-21
1001 views
釣蝦場嘅熱潮過咗之後，流水蝦都興咗一段時間，我就第一次嚟試，覺得今次嘅體驗都好有新鮮感。「燒蝦蝦」場地面積好大，我離遠已經見到超大個招牌好搶眼。位於屯門站隔離，交通好方便。工業風裝修，配搭色彩鮮明貨櫃造型鐵櫈，牆上霓虹燈牌、日本風得意海鮮牆畫，連洗手間裝修都襯返整個設計。每張枱都有獨立抽氣系統，抽氣做得好，唔會成間店都係油煙味，而且冷氣夠。整間店都有藍色玻璃水缸圍邊，放住生猛嘅大頭蝦。成個環境令我感覺唔似喺香港，好似去咗台灣或者韓國一啲燒烤店，有去旅行嘅感覺。安排座位坐低後，就走出去參觀同攞嘢食，我覺得老闆都幾有心機安排，任飲任食分咗唔同區域，仲見到有啲細心位，而且地方整潔，樣樣都想攞嚟試，望到都好興奮。► 海鮮區全部海鮮都係任食，而且款式都唔少，無間斷補給，淨係呢點都已經好吸引，我哋主打海鮮，燒咗好多轉。⊛大頭蝦~係今餐主角，我哋喺座位身旁嘅水缸夾大頭蝦，餐廳細心準備咗冰桶可以先冰一冰啲蝦，等燒烤時唔會太生猛跳嚟跳去。大頭蝦爆膏，經燒烤後啲膏更香濃，蝦肉新鮮彈牙，蘸泰式醬汁更惹味。⊛鮑魚~新鮮，肉質彈牙。⊛蠔~燒每一轉都用唔同調味，蒜蓉牛油最掂。⊛蜆~都有三款，沙白、青蛤、白蜆。⊛帶
每張枱都有獨立抽氣系統，抽氣做得好，唔會成間店都係油煙味，而且冷氣夠。整間店都有藍色玻璃水缸圍邊，放住生猛嘅大頭蝦。成個環境令我感覺唔似喺香港，好似去咗台灣或者韓國一啲燒烤店，有去旅行嘅感覺。
安排座位坐低後，就走出去參觀同攞嘢食，我覺得老闆都幾有心機安排，任飲任食分咗唔同區域，仲見到有啲細心位，而且地方整潔，樣樣都想攞嚟試，望到都好興奮。
► 海鮮區
全部海鮮都係任食，而且款式都唔少，無間斷補給，淨係呢點都已經好吸引，我哋主打海鮮，燒咗好多轉。
大頭蝦
38 views
0 likes
0 comments
⊛大頭蝦~係今餐主角，我哋喺座位身旁嘅水缸夾大頭蝦，餐廳細心準備咗冰桶可以先冰一冰啲蝦，等燒烤時唔會太生猛跳嚟跳去。大頭蝦爆膏，經燒烤後啲膏更香濃，蝦肉新鮮彈牙，蘸泰式醬汁更惹味。
牛油蒜蓉燒蠔
15 views
0 likes
0 comments
⊛鮑魚~新鮮，肉質彈牙。
⊛蠔~燒每一轉都用唔同調味，蒜蓉牛油最掂。
⊛蜆~都有三款，沙白、青蛤、白蜆。
⊛帶子~鮮甜，加蒜蓉燒。
⊛花螺～新鮮爽口，食咗好多粒。
燒馬友魚
17 views
0 likes
0 comments
⊛馬友魚~魚類不停換款，倉魚、黃腳鱲等。燒馬友超正，油脂豐富，燒完出嚟好香，基本上唔使落任何調味料，不得不讚自己燒到皮脆肉嫩，街市買馬友都唔平，必食推介。
⊛多春魚~燒烤爐火剛好，我哋都好容易掌握，唔會好快就燒到燶晒，連多春魚都燒得好靚，唔會燒到黐爛皮。
► 肉類、蔬菜區
款式種類好多：腸仔、雞全翼、羊架、牛仔骨、串燒雞腎、串燒雞皮、翠玉瓜、雞髀菇、小紫甜番薯⋯⋯不過燒得好唔好食始終都要靠自己。
► 生啤、飲品區
重點嚟喇！生啤都係任飲：Hoegaarden、1664、Asahi、Suntory，啱晒鍾意豪飲嘅朋友，餐廳仲貼心雪凍唔同牌子嘅啤酒杯俾客人自由斟，仲有清酒、梅酒、樽裝啤酒。兩大雪櫃放滿唔同汽水同茶類。另有自助沖茶位置，茶葉款式都幾特別。
11 views
0 likes
0 comments
► 冷盤區
雪櫃有即食冷盤：泰式鳳爪、酸辣大蝦、日式沙律、味付螺肉⋯⋯
⊛醉花螺~ 爽口，陣陣酒香。
⊛醉溏心蛋~酒香濃郁，有溏心，一盒一隻。
⊛醉豬手~入味，豬皮同肉質都有彈性，咬落去有爽彈感覺。
► 熟食區
除咗燒烤都有其他熟食：茶葉蛋、麥樂雞、春卷、咖喱魚蛋、燒鵝、滷水雞翼⋯⋯
► 粉麵、點心區
各款即食麵同湯底，可以自助煮麵。仲有熱辣辣蒸點心：蝦餃、燒賣、牛肉球、奶皇包、糯米雞⋯⋯
► 醬料、用具區
多種醬料供客人混醬同調味：蒜蓉、辣椒、牛油、蜜糖、燒烤汁⋯⋯仲有錫紙兜、乾濕紙巾、圍裙、手套等用具，應有盡有。
►甜品區
可以自製甜甜圈，有早餐食嘅蜜糖星星，多款本地同韓國嘅雪糕、雪條全部任食。
有得玩又有得食好愉快，不得不讚店員親善好有禮貌，清碟快，食物不停refill，埋單$383/ 1位，食足3個鐘頭大滿足。到我走嘅時候，戶外位置都坐埋，越夜越熱鬧，見到食客都好開心燒烤、飲酒，瀰漫住燒烤嘅香氣同愉快嘅氣氛。
#燒蝦蝦地址：屯門仁愛堂街45號興泰大廈地下1,1A,2至8號舖
Post
