極尚大瀛喜日本料理

Open Now

Now Closed

發現好耐無同牛朋友一齊去食飯難得今日咁岩同朋友一齊就去食放題，原來都發現好耐無去食極尚大瀛喜日本料理，見到有羊腩煲😂就去食喇，即刻叫煲羊腩煲先喇，必點就一定係刺身，刺身新鮮左好多，呢家極尚大瀛喜日本料理食物都高質，無咁以前咁參次，而且好似款式多左選擇，燒榴連大大啖肉好爽，朋友食左兩轉自隊，冬菇花膠一碗有3條大花膠，留心係大花膠，女士必點美顏補充骨膠原，自助區既食物都靚左，仲有花膠雞湯，同椰汁🥥雪燕糖水，甜品飲品都好款，但係自助雪糕配料轉晒啲唔吸引既配料呢到就要減返分。

今晚5點幾屋企人突然心血來潮想食放題，照打電話去問一問啦，侍應話可以walk in 但要有人取消先得。今日仲要係公眾假期，平時呢間野都一定full Booking，每次經過都勁多人排隊不過決定試一試walk in，真係等唔到就食其他嘢啦唯有！去到拎飛後等左大約45分鐘，7點10分終於叫到我地，入面原來環境好大好多位。嘢飲方便有好大個雪櫃任拎飲品，有道地綠茶、烏龍茶、汽水、支裝綠茶等等，亦都有暖櫃放暖嘅麥精，檸檬茶等等。沙律菜、中華沙律、螺肉、生果等等都是在沙律吧自助拎的，其他熟食都是由手機自助落單。嘢食方面比我想像中少嘢食，但食物質素是OK的，刺身夠新鮮、熱食夠熱，值得一讚的是燒比目魚和蟹粥，repeat咗10次魚同3次蟹粥牛柳粒、天婦羅OK，羊鞍一般，唯一扣分的地方是店員態度有待改善，其實都知道夠鐘需要離座，但都唔使成支烏龍茶掉咗我呀我即刻話咦支嘢⋯⋯但店員竟然答我你自己出去拎過支囉⋯⋯其實我係覺得好浪費啫，成支掉咗埋單計每人$300元左右，我覺得間唔中食下都唔錯嘅

小妹是個放題狂迷，基本上不同店舖的放題都食過，相比之下，小妹鍾情極尚大瀛喜，不論食物質素、食物選擇、服務、環境等都是值回票價！這間位於元朗yoho既極尚大瀛喜好受歡迎，好多人去食，擁有很高人氣！幸好小妹早些book位，稍等左一陣就入內啦！單單食物紙都有12張，由A至L咁多！每張食物紙選擇都密密麻麻、圖文並茂，令人食指大動！這裡優勝的地方，是擁有一個很大的自助吧，超級多甜品、沙律、熟食、飲品都可以自取！好滿足！自助吧推介要食味咐八爪魚、士多啤梨夾雲呢拿雪米滋、蛋撻。八爪魚好足料，一舀都是滿滿的八爪魚，不會好似外面太多醬少八爪魚。士多啤梨夾雲呢拿雪米滋味道一點都唔假，食完會想食第二粒。見身邊好多食客都有拎蛋撻，於是試下，果然夠新鮮，酥皮好夠脆！椰汁桂花糕、紅豆糯米卷、忌廉糯米滋、薯角都好好味！薯角更是非常脆身，不會有多餘的油，七味粉又好夠，正！即使小妹不吃生野，都覺得呢度性價比幾高，因為款式夠多，食物質素都好好！佢炸物好出色，一D都唔油，保持脆身！炸蝦餅、紫心香芋丸、芝麻雞翼是我的最愛，要ENCORE！天婦羅都是另一個推介，特別是秋葵蝦天婦羅，在其他地方吃不到的！想不到秋葵和蝦肉都幾夾！如

元朗愛吃之人甚多，所以食店開到成行成市，不過數來數去數到放題卻沒有幾間。直至「極尚大瀛喜」落戶於Yoho mall，成為大家食放題的目標，剛開張時人潮晚晚擠滿門外，連電話訂座都要排上一段時間，非常誇張。如想於星期六日食的話，就要早兩星期訂定檯，店方除了訂座外，也有預留座位予walkin客，不然可碰碰運氣，於門外排隊取票等候。 為慰勞姪仔姪女幫忙搬家，加上後生仔女都均為大胃之人，請他們吃這家放題是最好不過的選擇。 早兩星期電話訂座星期六晚7:30-9:30這時段，不過光顧的人實在太多，就算訂了座去到也要等十多分鐘才能安排入座。店內裝潢不錯，而且佔地也挺廣，不過座位排得較密，有點迫狹，帶上bb車的我們都需要將車收起放於一旁。 90分鐘的放題收為每位$268，為爭取更多的時間，一坐下就即刻打開如電話簿厚的落單紙，十多頁不同的食物種類，點選都需要用上些時間。 趁落完單等食物到來時，除了去取飲品外，不少得到自助bar走一趟：生果、沙律、前菜、青口、鳳爪、蛋撻、炸薯格、中式熱葷等，中西日式真是什麼都有，不過就放得較為雜亂，但無損食客的挑選意欲。 飲品選擇算是多，汽水、果汁，有紙包

千呼萬喚始出來,終於等到元朗既極尚大瀛喜開幕啦! 趁住連住三日既假期,就即刻去試試先,去到先知原來假日需另加十蚊,都覺得合理所以就照食環境方面有別於一段既放題, 環境都十分寬敞, 企理乾淨,而且無油漬. 跟yoho本身既感覺都好相似要讚下冷盤櫃既泰式鳯爪同海哲, 好食野飲櫃好多野飲, 除左一般常見野飲,仲有朱奶,維他奶,椰子水同埋其他樽裝飲品. 仲要讚既就係仲有好貼心既熱飲櫃,岩晒有時唔想飲凍飲雪糕選擇亦不少, 除乳酪雪糕外仲有阿波羅雪糕同雪米滋!甜品櫃亦有乳酪,豆腐花,蛋糕員工服務亦十分殷勤, 好有心幫我地清"骨盛"熟食賣相有放心思,看著亦開胃價錢相比市區較平,食物質素,環境都比其他大瀛喜分店高! 值得一試！