鳴門割烹料理 (Closed)

今次長征去到九龍灣 位置係megabox對面 餐廳環境幾舒服 落地玻璃增加左空間感🌌價錢少少進取既日本菜 但質素絕對值回票價 一人套餐都有好多野食🤭連前菜都有開胃既芥辣八爪魚 刺身新鮮而厚度適中 天婦羅厚粉左啲但都好食 美國肉眼生熟度啱啱好 鰻魚炒飯炒得好香呀 粒粒分明 饅魚粒多 勁鍾意呢個另外既豆粒貝刺身鮮味但數量唔算多 刺身丼上菜個陣真係嘩左聲😍好多款刺身 特別係三文魚腩同拖羅 厚切而肥美 好有份量 (仲吸引到我相都唔想影) 員工都好抵讚 服務好好 平日既夜晚唔算好多人 可以揀去呢到食飯靜靜地傾下計😽

這篇食評是綜合星期六,日的2頓午餐而寫的,國際交易中心的鳴門和牛頭角道那間我都幫襯過, 是日因為下午有節目,時間緊迫,便近近地和家人選了國際交易中心這間, 除了因為泊車方便,午市定食有65折外, 更重要是水準不俗,因此,朋友仔得悉後,星期日他便嚷著來試,如是者,我和家人連續食了2餐!星期六/日我點了:碎粒魚生飯定食,此定食配有湯烏冬,可選蕃茄和清湯,魚生新鮮,有三文魚,和2款魚類,其中油甘魚有光澤,重有玉子和三文魚子, 味道很夾, 而蕃茄烏冬選用扁烏冬,茄湯夠濃亦有不少蕃茄,論份量很足夠, 蒸蛋很滑,食到有銀杏,小蝦,不是馬虎之作,日式沙律酸酸地,很清新海膽拖羅飯定食,由於前一日見到海膽賣相好得, 次日我便叫了此款,略嫌 海膽味淡了少少, 拖羅蓉就好鮮味,拼合而食, 啖啖魚蓉荵粒,好滿足!灸燒三文魚壽司,朋友仔的最愛, 每件計的半價壽司, 三文魚油充斥壽司上, 想必是三文魚很肥美,才有此效果,讚!其他是家人和朋友仔選的:壽司定食-有8件壽司,2件卷物,1件玉子,卷物並不馬虎,用牛油果卷住,其中還有1件海膽壽司, 星期日,我們亦點了壽司定食,但款式有點不同了, 換了芒果卷物,冇海膽壽司朝