口麻天辣

Open Now

Now Closed

第二次嚟食，上次食完好驚喜🥳一直念念不忘😆一如既往CP值好高✨店員上菜好快，等咗5分鐘就食得😋環境衛生整潔，坐得好舒服😌裝修風格好特別💓✨全間餐廳都係粉紅色💘好適合影港女相😆打卡100分✨ 川味水煮魚（包括：涼菜＋小食＋白飯）＄138下面有一個小燭台加熱保溫，一路食住暖笠笠👍🏻辣度可供選擇，今次叫咗少辣🌶️食落香香麻麻，越食越惹味😋好濃花椒味😋正魚肉份量好多，肉質嫩滑厚實🐟唔會一夾就散👍🏻而且冇腥味魚肉索晒d湯汁💓送飯一流🍚配料有芽菜、寬粉等，好入味👍🏻天花頂酸菜魚（包括：涼菜＋小食＋白飯）＄138超級大份!! 望落勁吸引😋 酸菜魚湯頭十分香濃✨鹹味、酸度恰到好處，我地叫咗中辣，帶點椒麻微辣感，好醒胃🤤而且完全唔覺得油膩😋魚肉帶有鮮味👍🏻啖啖肉💓酸菜煮到入晒味🤭配埋一齊食，真係好正😋炸脆奶（2條）香脆外皮，內裏嫩滑😆奶味香濃，唔癡牙✨我地食完正餐先食，有少少攤凍，不過仍然酥脆👍🏻麻辣藕丁爽口入味，唔會煮得太腍👍🏻味道酸酸辣辣👅 越食越開胃🤤值得一試😋麻辣牛展 醬汁味道濃郁，十分惹味✨辣度剛剛好👍🏻 比起中辣嘅酸菜魚再辣少少牛展厚身，食落有嚼勁😋底有青瓜片🥒一齊食可以解膩😋椒麻鳳爪 好適合

口麻天辣MOTO MALA，位於V Walk，好特別既名😝粉紅色玻璃裝修好似去左打卡Cafe咁，而其實係食麻辣，好有反差萌😎是日涼菜係涼拌萵苣絲，超靚擺盤，粉紅色好elegant✨香脆爽口，好好味，食完好想再食😍麻辣牛展，牛展份量⼀啲都唔少😌非常厚身既牛展，麻得黎而牛味都好濃，仲有啲青瓜係底添👍🏻#手打檸檬茶，走甜，有檸檬同青檸，檸味真係好爆，好好味😋天花頂酸菜魚，賣相靚到爆，仲好細心咁點住個蠟燭熱住個魚🥹少辣，好香，份量都好多，啲魚片多到一個點🥳湯底係金湯，唔油，可以飲仲好味👍🏻酸菜好正，好夾個湯，魚肉非常大塊，又滑又好肉🐠強推酸菜魚食法，酸菜+魚+飯，完全無得輸🤤魔鬼在細節，加埋好多炸蒜，成個酸菜魚好有風味好正🌟酸菜魚真係必食，超級正，價錢又抵😎少女得黎，又食到好好味既川菜，大家要試下咯😮‍💨

今日老婆叫我買外賣酸菜魚，叫左一個天花頂酸菜魚餐，一個麻辣豬手餐。兩種辣完全唔同，一個無偏酸甜帶麻，一個係香辣少麻嘅。酸菜魚同咸酸菜份量黎講，一人餐真係算多，同之前食嘅份量一樣。豬手好淋好多骨膠原同軟骨，而且好入味。每個餐包括左飯、小食同涼菜。是日小食係炸鮮奶，涼菜係蓮藕；炸鮮奶外脆鬆化，裡面軟軟綿綿，都幾好食。今次嘅麻辣牛腱少左辣油，但又夠薄又夠麻辣反而更好。食一陣麻辣食幾口彩虹冰粉，清清麻辣，又再食返麻辣係最好食法，因為keep到個味覺刺激。再唔夠就飲紫米豆漿，一樣可以沖淡味蕾然後再食過。

新野黎，酸菜魚癮起食真係perfect，唔洗過關就食到，買定返屋企同老婆撐枱腳。個酸菜魚幾正，咸酸菜超多，夠酸夠香，辣辣地。魚肉結實又夠厚，個餐包個飯、小食同涼菜。小食似炸雞肉，好惹味。另外叫左個藤椒湯，唔辣，但香，可自選餸。鮮豆皮豆味重，好有豆漿味；牛柏葉、魚片頭、蓮藕片、寬粉，都勁夾個湯。配埋彩虹冰粉、同埋手打檸檬茶、紫米豆漿、麻辣牛腱，勁有家鄉風味。牛腱好腍有牛味，麻辣到剛剛好。唔算貴，外賣攞返屋企，一啲都冇倒瀉到，包裝仲好企理，下次可以再幫襯。

口麻天辣MOTO MALA，位於V Walk，好特別既名😝粉紅色玻璃裝修好似去左打卡Cafe咁，而其實係食麻辣，好有反差萌😎是日涼菜：麻辣牛展🥩千祈唔好以為套餐配既就會hea，出動都牛展，份量仲唔少😘幾麻而牛味都配得幾好，加埋青瓜食好味🤞🏻椒麻鳳爪，份量好多，爽身而椒味都幾出，明顯同麻辣係兩個風味，做得唔錯😍飲杯沙棘汁，好少見既果汁，上網睇好似幾有益，類似桔混合橙咁，酸酸地幾鮮味🍹勞蘇食推介 —— 天花頂酸菜魚🐟 少辣，好靚既擺盤，真係cafe咁💒份量好多，夠兩個人食，啲魚片多到一個點😳湯底係金湯，好好飲，酸菜好好味，魚肉非常滑😎酸菜+魚+飯，完全無得輸🥳最特別既係滿滿既炸蒜味，令成個酸菜魚更有風味更惹味，好正👍🏻香辣豬扒串串，吸引🤩豬扒肉超嫩又腍，肉汁好爆，好好味既小食🍢整體超高質既新式川菜，味道歉流，價錢非常合理😤性價比好高，仲好「打」得，打卡個打！😝

放工經過V Walk商場，見到一間以粉紅色為主色既舖頭，俾佢吸引左，望真D原來舖頭外面仲有"勿演" 🐱裝潢。間舖頭主要係食酸菜魚🐠，反正一個人晚飯，就決定試下佢舖頭比較細，分左Bar枱同2/4人位，如果1個人就一定要坐Bar枱，但我本身唔太鍾意坐咁高叫左個一人豐盛晚餐，有主菜 +是日小食 +涼茶 +白飯🍚天花頂酸菜魚(少辣) - 估唔到咁大碟，魚肉鮮嫩無骨，份量又多，上菜前會點蠟燭，Keep住🔥熱碟魚。黃金脆炸小酥肉 - 本身酥肉上有辣粉，酥肉鬆脆惹味、份量都多👍🏻美中不足係一人餐無配飲品，食得酸菜魚但又唔太食得辣既我，最後叫左汽水🥤解渴。

餐廳以粉紅色做主體，外部裝潢有一些卡通插圖，絕不會想到是四川菜餐廳。 餐牌上主打一人套餐：天麻口辣豐盛晚餐 「特盛一人前」，有主食、是日小食、是日涼菜及米飯。 (1) 天花頂酸菜魚鱸魚魚肉厚實，刺少肉多。水東新酸菜只醃製90天，不會像長時間醃製的酸菜般帶苦。基本上，麻辣與酸度互相制衡，風味俱在。 (2) 香辣土豆絲／香炸脆奶 (3) 手打檸檬茶有別於港式檸檬茶。一杯集齊四款檸檬：黃檸檬、香水檸檬、青檸，以及柑桔檸檬。茶底亦比港式的較淡，但經過人手捶打，不同的檸檬香洋溢而出，有時會先聞到清新果香，呷下去又有另一個感受。 店內吧枱位置彈性，非常適合獨自想享受寧靜，又追求美食的人。

餐廳係全間都係粉紅色嘅裝潢，好有少女可愛感🥰 而且食物嘅擺盤都好精緻！💪🏻 天花頂酸菜魚 ($138)呢個酸菜魚好好食🤩 今次揀咗中辣，辣道啱啱好，而且酸菜都夠晒酸。加埋花椒，芝麻好令道菜更香😋。魚肉嘅份量都好多，肉質又夠滑，撈埋酸菜一齊食飯一流！完全有返大陸食嘅酸菜魚水準👍🏻💪🏻 噴火水煮牛肉($128)水煮牛肉肉質好嫩、好滑，水煮味道都好香、好惹味，好有麻香！而且水煮牛肉餐仲配咗食辣野必備嘅寬粉，煙煙韌韌😋套餐仲會有前菜！💪🏻 涼拌萵筍絲萵筍口感好清爽，爽口！有少少辣辣地又有好香麻油味😍💪🏻 椒麻鳳爪鳳爪嘅醬汁酸酸辣辣，好香口惹味！💪🏻 紅糖米茲粑呢個茲粑好香甜又唔會好漏，甜度啱啱好！茲粑軟軟糯糯口感一流🤤，食到最後都仲有拉絲嘅感覺😍味道：8/10性價比：7/10 食住瘦指數：💪🏻/5

位於南昌站V Walk嘅Moto Mala，主打一人前酸菜魚同麻辣燙，全店裝修以粉紅色主調設計，就連外賣盒都是粉紅色的，即時湧現少女心！一人前酸菜真係好抵食，大大碟魚，配備涼菜同白飯。午餐有6款選擇 : 天花頂酸菜魚、噴火水煮牛肉、川味水煮魚、酸甜清新番茄魚、獨門秘製麻辣豬手及秘醬口水雞。天花頂酸菜魚    $108怕辣嘅人仕依款可以揀免辣，所以我就揀咗唔要辣，都係咁好味。呢碟魚份量多，每片魚都幾大塊，肉質又嫩又滑，湯底清甜配埋白飯食啱晒。碟下面仲有蠟燭暖住保持溫度，好細心，值得一讚！酸甜清新番茄魚    $98呢款味道較清新，湯底酸酸地少少甜，飲落去已經覺得好開胃，魚肉鮮嫩結實，份量又多，番茄酸酸甜甜，以及粉絲質地爽，加上配白飯都好夾好餸飯，越食越滋味。兩款一人前魚套餐都配備涼菜，分別係口感酸辣爽脆嘅土豆絲，以及鳯爪，吸收晒醬汁，好入味爽口。黃金脆炸小酥肉    $28酥肉炸得非常脆口，味道甘香，面層攦上辣椒粉，帶少少四川微辣風味，鬆脆小食好惹味。紅糖糍粑    $28糯米粉條煎至金黃，食落紅糖嘅香甜味，質地煙煙韌韌，外層沾滿紅糖及黃豆粉，香甜可口。香炸脆奶    $28外皮又脆又香

一入鋪，已經不友善地問幾位，差點以為自己入左茶記，人流不算多，因地方夾窄，女服務員態度十分差，用QR code落單都可以有一個主菜無嚟到，因為第一次食，以為佢製作需時，等足30分鐘其他嘢都食得7788，便詢問剩餘的仲有幾耐先到，女服務員竟然話廚房話無單wo,之後不作其他回應，想攞電話顯示俾佢睇我哋落左咩，佢都沒有打算理會，之後我哋話走啦唔要，佢立即話廚房而家已經煮緊，最令人生氣係佢話無單但又可以立即煮緊，最後我哋立即唔要結帳走，對佢煮嘅嘢完全無曬信心無曬胃口，再好食都無用，一肚氣飽曬，其實服務性行業，如果可以令到客人等足30分鐘，人為溜單一句唔好意思都無，仲要態度惡劣，不如早點關門大吉，客人嚟食嘢唔係受氣。

唔知係唔係逢係女仔都對酸菜有特別既愛好，而且仲係粉紅控。呢一間Moto Mala 口麻天辣係深水埗新開既餐廳，裝修全粉紅色超少女心。女友一見就唔理好唔好食都會沖住去，呢一間餐廳集團仲有其他分佔係粉籃色的。如果你唔係粉紅控都仲有男仔頭啲既粉籃控，同樣有好靚既裝修格局！餐廳要讚既係佢個一人餐，只係100幾蚊就可以食到酸菜魚，仲要有兩款小食，飯同飲品。晚餐食好少少價錢相當抵！仲有得打卡岩哂女仔。我地就叫左三個一人餐，變左小食有好多款，多到食唔哂要主動同侍應cut。第一個叫小辣酸菜魚，唔夠食再叫一個加辣，可惜叫加辣都係唔夠辣。所以中意食辣既人要注意！天花頂酸菜魚 含白飯加兩款小食茶水 $138秘製口水雞 含白飯加兩款小食茶水 $118

【天花頂酸菜魚】⭐️⭐️⭐️整間餐廳以粉紅色佈置為主，少女心極重，這家也是姚姚酸菜魚旗下的副線品牌，主打一人酸菜魚及麻辣燙，價錢相對比較進取，一人酸菜魚餐超過$100以上。既然第一次嘗試，當然要試試他們的招牌天花頂酸菜魚。魚片口感滑溜，新鮮無腥味，酸菜份量亦非常多，辣到剛好，不過湯汁味道一般。隨餐附送雞腳一份，味道不算突出，套餐的份量叫做合理。偶爾經過的話，不妨可以一試，但要特地打卡的話，似乎未算值得。

鍾意食辣野的朋友，一定要介紹你嚟呢間Moto mala！ 自從第一次嚟食酸菜魚，覺得不錯，就不停嚟，把餐牌上的菜式都幾乎試過一次。我最常嗌的係口麻天辣豐盛晚餐，因為除了有一個主菜，也會有小食，涼菜和白飯！好抵食！天花頂酸菜魚一如以往，賣相已經吸引，魚片份量唔少，肉質嫩滑無骨，仲有好多酸菜，送飯一流！先前試了口水雞和水煮牛，都好好味，特別係口水雞，係我至愛的口水醬。如果唔食辣的朋友，可以揀蕃茄魚，都幾清新！兩款小食涼菜每次嚟都唔同，有時仲有機會有甜品，好有驚喜，我試過的涼菜土豆絲，藕丁，萵筍絲，都係高水準，少少辣好開胃。小食我推薦黃金脆炸小酥肉，鬆脆香口，食唔停。食完辣的主菜，不仿試下呢度的甜品，十分推介紅糖糍粑&香炸脆奶，超鬆脆，我會比十分滿分！飲品我首推介手打檸檬茶，係人手現場打的，食辣野配一杯清新檸檬茶真係好夾！呢度仲竟然有沙棘汁，維他命C含量是所有蔬菜水果類之冠，唔係度度有得飲，不仿試下。香濃麻辣燙唔洗一百蚊就有一碗巨人份量的麻辣燙，仲可以嗌6個菜，三個葷菜三個素菜，超抵食！推介鱸魚片&鮮豆皮！幾岩一個人嚟食，大滿足！下次要再嚟試下藤椒湯底！

呢排新開左好多餐廳！而且裝修都充滿特色風格，粉色少女風格係香港絕對少有，開張既時候已經BOOKMARK左呢間餐廳!位置南昌V Walk商場，遠距離已經見到粉紅外牆，超吸睛！6點已經坐滿一半人，因為位置唔算大，所以要黎既話真係要趁早，或者BOOK 定枱！佢最大特色就係，每道菜式都會用呢種打卡able既底座，賣相精緻，影相時候勁似食緊tea set，以假亂真都得XD麻辣牛腱，辣得過癮惹味，帶麻麻既刺激感，牛腱口感亦好淋。每日涼菜都唔同，今次涼菜係泡椒無骨鳳爪，酸辣感重，相對上幾辣！晚市一人餐包括主菜，小食，涼菜同白飯，嗌左一個辣一個唔辣，首先講唔辣。酸甜清新蕃茄魚，望落紅卜卜好吸引，茄味夠香，裡面仲有粉絲，魚片啖啖肉。天花頂酸菜魚，可自選辣度，我地揀左小辣，酸酸辣辣好開胃！魚片嫩滑，冇骨啖啖肉，份量十足，送飯一流！香炸脆奶，入口酥脆，裡面係香口牛奶，外脆內軟，甜品黎講幾有驚喜！紅糖糍粑，軟糯口感，食落去年糕味較出，感覺幾得意～

早幾日去睇戲發現隔離開左間新野 成間粉紅色好特別 門外亦見到入面放菜色嘅盛器好吸引 完場就去試下😋門口到內籠都係粉紅色💗連餐具都唔例外所有套餐都包涼菜+主菜+白飯晚市仲有小食跟❤️呢個價錢包咁多野都幾抵先黎涼菜(後面兩層) 是日涼菜係香辣土豆絲 食落有啲酸辣味 好夠味👍🏻份量都幾多然後我哋嗌咗麻辣牛𦟌 都幾辣下😹但好惹味 而且牛𦟌好厚身涼拌萵筍絲唔辣 食落爽口 幾好味👍🏻睇落以為好辣 結果唔太辣 可能叫咗少辣嘅關係😂金色架超靚 打卡一流都幾多肉 唔會淨係得皮同骨 好好食🤤必食酸菜魚🐟中辣 建議想食辣可以叫大辣 整體唔錯 夠酸味 魚好滑 餸飯食最正底下仲有個火一邊㷫住 所以唔會好快變凍唔知係咪夜晚有啲小食賣唒嘅關係 跟咗個甜品香炸脆奶😳超級鬆脆而唔會太甜 連唔鍾意食甜嘢嘅朋友都話好好食賣相好吸引 椰奶份量超多~冰粉好滑好香👍🏻酒釀好夠味!正!