東方素

Open Now

Now Closed

位於灣仔的東方素位於樓上店鋪3樓，今晚一家人來到吃個素食晚飯，餐廳門外放置了不少有關佛學的書籍，正在是新冠肺炎疫情之下，店員為入座的客人探熱，也有供應消毒搓手液，都有跟足政府的指引，每張枱都有相隔1.5米，枱上也有放消毒濕紙巾，餐廳的衛生情況相當良好。安定座位後，店員詢問客人點茶，同時奉上餐牌，餐牌的類別都混入了中、西、日式的菜式，比一般傳統的中式素菜更加有創意。餐牌的種類分別有頭算、湯羹、主菜、主食、甜品及飲品。 價錢都是不算太便宜。湯羹方面此店沒有供應一盅式一人份量的湯，最後我們選擇了一客西施南瓜翅($98)，也可以足夠4人份量。端上來時已經散發了陣陣的椰香，熱辣辣散出陣陣的白煙，當中還有金菇絲、素翅及椰奶，湯的配料讓我們飲落香甜的南瓜湯時更有嚼感，份量真是十足，每人都可以再添多碗。妹妹選擇了一份主菜的沙律翠玉鳳尾蝦($98)，當然沒有蝦肉的成份，只是放了一些素的蝦膠再炸，上碟時加了一些沙律醬，一碟一共有6件，炸至色澤呈金黃，咬下香脆爽彈，炸粉厚薄適中，蘸上香滑的沙律醬佐食讓口感更滑口。接下來再有一份小菜是天香炒百合($82)，除了百合還有不少配料煮成，當中還有腰果、淮山、荷蘭豆、

第二次嚟呢度，因為朋友係素食者，所以就揀咗呢間本著養生的宗旨，追求健康，以禪入饌嘅素食私房菜喇～感覺似素食嘅「小炒皇」，送飯一流！呢個炸壽司卷外脆內軟，係我第一次試過之後，難忘至今~ 可能當時市面比較少見，而佢又做到好食過正常嘅壽司卷，不妨一試！溫馨提,示，每人兩件已好飽肚有海鮮味嘅素冬陰公，一鍋份量可分大約5-6碗朋友事前已話呢道菜好食到不得了，佢每次嚟到必點的，初初心諗「有無咁誇張呀？又唔是肉...」；Ooops~ 我低估咗佢！外型像真度好高，肉嘅紋理都同真叉燒相類近，一件熱騰騰刈包(讀: 割包)夾一件剛出爐嘅叉燒，咬咗一啖，嘩！呢舊叉燒真係不得了！脆邊！連味道都同真嘅無分別，點解可以整到咁高質的？絕對係必食之選，大愛！如果想試呢個煲(唔好意思！張相只有低清版)，建議叫多碗白飯啦！佢同我食開嘅沙爹金菇肥牛煲係一樣味的！只係真肉改為素肉，非常驚喜！味道比較濃，不是我口味，但朋友好喜歡甜品係腰果合桃露，平時好少食到，腰果香味濃，微甜，非常喜歡！

突然同屋企人好想食素，但係又唔想食普通素食！所以就揀咗呢間新派素食餐廳！以下就係我哋揀咗嘅美食啦～～椒鹽茶樹菇：每條茶樹菇都炸過，加埋啲椒鹽，好香口，好好味，好似食緊椒鹽魷魚咁！呢碟係我哋最快清晒嘅一味餸！蜜絲骨：酸甜汁入邊包住猴頭菇，模仿菠蘿咕嚕肉！個甜酸味都似，但猴頭菇就淋咗啲，整體來講味道一般！天香炒百合：入面有粟米芯，荷蘭豆，鮮淮山，百合！味道好清新，我好喜歡呢味餸！松露牛油果炒飯：松露味好香，連埋牛油果一齊食都幾好味！初初以為呢個飯好少，但原來隻碟好深，最終我哋都食唔晒啲飯！蜜汁叉燒包：個包好軟熟，啲叉燒好脆，真係好似叉燒！配合埋個包一齊食，好好味！成餐飯我哋最鍾意呢個叉燒包，我哋仲encore叫多咗一碟！芝麻糕：係餐廳送嘅飯後甜品！芝麻味好香濃！讚！我哋每個人都讚今晚呢餐飯，啲餸好特別，好好味！下次再嚟可以試其他餸！

情人節走去食素，人少啲而且平過食西竹笙松茸翅 - 有6碗，清甜熱辣辣飲落夠舒服，開晒胃~黑松露蛋白露笋炒翅 - 要求加黑松露，好香；滑滑嘅蛋白加上青嫩露笋，仲有彈牙素翅，味道適中，推介~椒鹽花枝片 - 非常似魷魚味而宜彈牙；味道較濃，加埋啲炒香腰果惹味~胡同醋香排骨 - 酸酸甜甜，食落口感似雞肉，不錯天香炒百合 - 嚟到見到好似太多青椒西芹好少百合，但原來百合都唔少，仲有白果呀同有啲白色小菇，亦唔錯~後記：員工服好好，裝修陳設唔老土；味道十分適中唔油膩，賣相精緻；仲有窗邊相房坐，食得愉快~~~