東方素

Open Now

Now Closed

食物不錯！值得再來。朋友即再訂位再試其他。人多選擇更多，可以多吃不同種類的食物，晚餐後有糕點送，真的好。服務員會推介一些精選的食物，有驚喜！所以向大家介紹，希望大家嘗試。

餐廳主打新派齋菜，抵達時未滿座，陸陸續續開始人流暢旺，一直可以保持住八成入座率，證明食物係有保證。招牌蜜絲骨用猴頭菇做的，外面炸得香脆，裡面又有濃濃的菇味，相當的不錯，伴碟的還有雜菜和罐頭菠蘿。環境舒適，食物分量足夠，款式多樣化，味道真的不錯。服務又好，杯盤碗都好看，都適合朋友相聚地方，價格屬中高檔，真心推薦，建議提早訂座。總的來說我們點了3道菜，都非常美味可口，大家一定要點“素叉燒”，非常特別，我認為這是他們的招牌菜！

平時淨係下午茶同夜晚嗌小菜或粉麵，今次第一次食佢三餸一湯，聽人講話每日唔同，就有六個餸揀三個餸，提提大家落單要嗌Number，個人覺得幾好食，不過晏晝太多人屬於快餐模式，要快來快走，搞到食得有啲急，環境有啲熱。但唯一勝在啲嘢冇乜味精，食完唔會好口渴！值得一讚👍🏻我係12:30入座，所以入去唔使等位，但見到一點後就非常之多人，同埋入咗會有啲亂。同埋午餐時段通常都要搭枱，眼見個個食飯都係出晒汗，如果開大啲冷氣會比較好。⚠️唔會提供3餸一湯餐牌，大家記得門口睇完再入座。😆最後，我會揀無咁熱先再黎食。

如題，本人同3位同事一齊排隊等買外賣（同事A, 同事B& 我），前2位同事落完單後，收銀員！優！先！幫！排！我！後！面！果！位！（打尖客）落外賣單。完來間野有vip 優先服務還/熟客可以優先落單服務？🤔落單次序是：1-同事A，2-同事B，3-打尖客，我望住佢先裝左打尖客既外賣先，再裝我2位同事既外賣🤷🏻‍♀️而我，望住佢裝完所有外賣，企左系收銀員面前20幾分鐘，仍等落外賣單，結果收銀員在處理其他事項，本人完！全！被！無！視！？？？？服務質素簡直系值得所有人體驗一下，希望見到呢份評論既人可以系呢間野享受到優質服務態度

咁喺我就話你知，呢間餐廳真係一個驚喜滿滿嘅地方！第一餌佢嗰個檸橙醬炸雞，外皮夠脆，嗰汁真係酸酸甜甜，完美地獨有傳統同西式嘅fusion味道；搭上質地好鬆軟嘅素雞，咬落去又嫩又有嚼勁，啖啖肉感，食得我心情都好啲！再講吓嗰個香椿炒飯，唔使諗咁多，簡簡單單嗰陣香椿味真係撲鼻而來，粒粒分明嘅米仲好入味，真係食到停唔到口！跟手我哋點咗間餐廳推介嘅餸，雜菜炒得啱啱好，有個層次感，每款菜都保留到自己嘅鮮味同脆度，加埋腰果同銀杏，啖啖都係精彩，真係好食得滋味㗎！飯後嘅甜品就係合桃核桃糖水，甜度適中、香濃惹味，啱曬嚟個完美的收尾。整體嚟講，今次嘅食歷險旅程真係滿分，食物唔止好食，連環境都舒服寫意，食素嗰日唔洗等到星期三，隨時都可以大快朵頤！下次有閒，一定要整班人再黎搞個大飽口福！🌿🍚🍲

今時今日其實食素都唔沉悶都可以好花巧好時尚，今日嚟咗灣仔呢間「東方素」質素唔錯簡單的菜式食得出師傅的巧妙，簡單得來好好食😋我揀選小菜好夠火喉猴頭菇香脆惹味，腐皮卷帶出濃烈的豆味 ！飯是健康的糙米飯原先只想食一點點結果整碗飯俾我KO了！👍

接待果位姐姐語氣態度差，已經打晒折扣 🙄🙄🙄唔緊要，希望啲嘢好食啦，見咁多人嚟食 😏😏😏3個人叫咗 南瓜素翅羮(啲椰子味蓋過晒啲南瓜味)，蜜絲骨(一啲都唔蜜絲仲話招牌菜)，叉燒刈包(呢個招牌菜普通沒驚喜)，蘆筍炒百合(好油膩)，姬松茸炒麵(又咸又油膩) …… 🫠🫠🫠我家兩位小朋友同我都唔識欣賞 😅😅😅到最後啲炒麵同幾舊蜜絲骨真係要打包 🙈🙈🙈唔係啲嘢好大碟，相反每碟都好精緻 🙊🙊🙊仲有廚房太好鑊氣了，攪到自己以為喺街邊大排檔 😂😂😂連加一埋單57x 人均消費190蚊/人 😬😬😬招呼，環境，食物味道+質素 …… 出邊大把選擇 😎😎😎嘩，好多 🚁🚁🚁🚁🚁🚁🚁🚁🚁

🔹️到灣仔 “東方素” 享受健康素食🥒🥬店內氣氛十分熱鬧🗣🔊, 如多人可訂房間（隔音設備不錯）😆服務周到👩‍💼👩‍💼🔸️黑松露牛油果炒飯🥑🍛香濃黑松露味配鮮香牛油果,健康不油膩👍🔸️蜜汁义燒刈包🥙邊皮香脆, 麵筋酥軟配包包, 口感啖啖肉😋🔸️麻辣手撕雞🍲味道唔錯、鹹香夠惹味, 質感較韌🤷‍♀️🔸️芥茉秋葵🥒以爽口冰鎮秋葵點上芥末, 真是意想不到的好味道👍😋🔸️招牌蜜絲骨🥭以猴頭菇作蜜絲骨配小芒果粒, 加酸甜醬汁Yummy👍🔸️魚香茄子豆腐新豬肉煲🥘鹹鹹香香, 色香味俱全🤤🔸️炸蓮藕餅🧆色澤金黃、粉漿較多、蓮藕味不重🫨甜品🫘 紅豆糕👌👌

今天和我媽媽去吃晚飯，安排我們坐在六人位但枱面非常細，我們把手袋放在旁邊的椅上，我們吃到一半，侍應在我旁邊加了2個坐位，也不安排椅子給我們放手袋跟著帶4個大人和2個BB ，坐在我們旁邊，之後那個遲來的客人很不禮貌叫我拿開我的手袋，之後我很不高興話要走，侍應才拿另一張椅子過來給我放手袋如侍應早些安排椅子給我放手袋，也不會引起這次不快的晚餐，之後找錢給我少了30元，我即時叫她看，她說弄錯了给回我30元，我以後也不會再去。

因為這個月要食素,和朋友們揀了在灣仔的東方素,叫了4個主菜,1個前菜和4碗甜品,5人食得好飽,食物上菜沒有等好耐,但都是熱辣辣即整的上菜,所以很好味,估唔到素食也可以食得咁滋味一試難忘的有麻辣雞煲,如果食得辣一定要叫,就算唔食得辣用嚟送粥或者飯都很好味,雞的材料應該是素雞,其他嘅配料是菇類,綠椒,紅椒,麻而不太辣,素雞的質感好得意,值得推介蜜醬叉燒刈包也很好食,叉燒脆卜卜,刈包軟和暖,一流！竹笙羅漢炒麵,面趣又熱,抵食腰果合桃露不太甜,但我會比較喜歡佢哋嘅素菜總結是好食！

今時今日的齋鋪，早已經升華到一個地步變成色香味俱全。我耐不耐都會去食齋，其實唔單係關我唔食牛肉事或者想食清淡點，根本不少齋鋪的出品就是一流。我自己看著這些照片，差點也認不出這些全是素食。試過不同的素食餐廳，這裡是其中一間最首選的，就算你是無肉不歡的人，不妨也到這裡試試，可能會改變你對素食的看法。我會介紹以下這幾味給較少吃素菜的朋友，對他們來說，我感覺會比較容易受落：黑松露牛油果炒飯(必食推介)，蜜醬叉燒，魚香茄子炆米，另外他們的咖哩烹調得相當美味，相信我，你會喜歡的！

今日同事突然想食素，就嚟咗公司附近一間素食餐廳試下，入到黎環境唔錯，我地8個人，有埋間細房比我地，私隱度極高，而且嘢食選擇都多，野食黎到，就個樣嚟睇，完全分唔到係素食，味道都一樣，完全食唔出係素，最鍾意係手撕雞，口感同雞肉差唔遠，正

是日佛𧩙，應節去吃齋，家人選了這間新派素菜館，它有是其摟下東方小祇園的年青版，主打新派素食，與爸爸分庭抗禮😅我們要了三個餸。椒鹽茶樹菇很香口惹味，很大碟扺吃：但比較乾身；蜜餞骨很鮮甜，入口即溶，可口非常，伴碟鮮菓亦很配合；主食义煷刈包，上枱是熱燙燙的，义燒有蜜糖香，但有渣，可能小小燒過龍，刈包反而鬆化。整體來說，以新派素食來說，可以－試，但可能比不上城中出名的😅個人反而喜歡它爸爸傳統的味道😅

以往大部份人不知怎麼總對齋菜總有一種抗拒, 隨著大眾越來越追求健康, 而且齋菜日新月異, 很多店鋪都會推出不同款式的新派齋菜, 例如齋壽司, 意大利飯, 焗飯等等, 感覺大家都開始接受了。東方素也是主打新派素食, 進來時已經坐滿了, 幸好我們已訂座了。 而且人流暢旺, 就算客人離開了, 都仍然一直保持八成入座率。餐廳環境光鮮, 餐廳空間大, 只是桌子細了一點。蜜醬叉燒 $88味道跟真叉燒很相似, 口感方面都不錯, 部份位置煮到脆邊彷如叉燒一樣, 外層加了蜜醬, 相當可口。芋頭魚這個剛剛煮出來熱騰騰的, 就連旁邊的五柳汁也一樣熱騰騰的。 芋頭魚外皮非常脆, 切開時會發出卡嚓卡嚓的聲音, 純聽到已經滿心興奮☺️ 芋頭很鬆化, 配上五柳汁就是一絕 👍🏻黑松露牛油果炒飯 $118雖然炒飯乾身, 飯粒尚算分明, 但幾乎完全沒有黑松露味道, 唯獨有一口嘗到了一點。首先黑松露份量太少, 而且黑松露不夠均勻。另外上面只有兩片薄薄牛油果未免太少了, 如果把牛油果切碎再跟飯一起炒可能有更好效果, 這個飯有點失望。整體上食物味道不錯, 唯一炒飯美中不足, 上菜時間則偏慢, 可謂慢功出細貨, 明顯每一碟送上時都

Fried chicken with lemon orange sauce was sweet and sour. The meat quality of the vegetarian chicken was also very good and chewy. Fried rice in toona sauce was simple but delicious. The grains were distinct. A friend asked the waiter whether the dishes included a variety of vegetarian dishes and the waiter suggested fried mixed vegetables which were not on the menu. Stir-fried assorted vegetables included Chinese yam, baby corn, tomato, sweet pepper, cashew nut, lily bulbs, ginkgo. Everything w