Izumi Curry (Closed)

本身上星期已經話要食Izumi，因為知道V City分店變左薯蛋頭先生咖哩店，我咁鍾意Toy Story梗係想去食吓、影吓喇~基本上行到埋去，大少話咦少咗好多枱喎，我話係囉，將出面幾張枱減咗變做賣薯蛋頭先生精品一行埋去，店員話係要去對面排隊，亦都留低我姓氏叫枱用當然排隊呢家嘢我會留返俾大少喇，我就去睇精品同影相，唔知點解iPhone 6 Plus成日都俾人歧視，次次有靚iPhone殼呢，一定冇佢份，點解我咁講﹖ 因為我好鍾意其中一個薯蛋頭先生iPhone殼，點知………佢只係得iPhone 6囉~~等咗大約25分鐘，終於都叫我喇~~YEAH一行到入去，就見到薯蛋頭先生、太太坐低歡迎我喇~~杯汽水一嚟到，就有張薯蛋頭先生鬍鬚紙牌放喺飲管~~喺店鋪中間重有一個小型玩具枱，枱上放滿好多薯蛋頭先生配件，客人可以任意配搭自己鍾意嘅薯蛋頭粟米火腿忌廉湯燒汁自家制芝士牛肉薯餅飯 - 呢個薯餅飯本身有燒汁同咖哩汁揀，我問店員咖哩汁好食啲定燒汁好食啲，佢答我，燒汁就有啲牛肉食吓，咖哩汁就真係得個薯餅同飯，好似燒汁抵食啲，OK咁我當然接納店員意見喇，就揀咗燒汁點知……薯餅都係要同咖哩戀愛先好食……XDXDX

本來係想去屯門市中心間吉野家度打邊邊，點知去到見到好多人，男友話不如去VCity睇下有咩食喇我諗諗下都OK，可以去試下呢間Izumi Curry，因為同事話好好味去到，見到都幾多人，拎左飛都要等12張飛，咁當然喇，順便梗係拎埋隔離紅螞蟻既飛喇，等等下，紅蟻果邊已經叫左我地張飛，但係呢邊重有4張就到我地，咁當然就等呢邊喇~~係等位既時候，我已經諗左幾個想試既咖哩，本身係想食漢堡扒咖哩飯，但係見到有人食，塊扒細到冇朋友，咁就轉軚想食芝士重型漢堡扒(330g)咖哩飯，之不過，姐姐我係唔鍾意食芝士，所以真係諗好耐，到叫左我地入去既時候，我睇餐牌發覺，原來有重型漢堡扒(330g)咖哩飯，冇芝士，正，梗係食呢個喇，但係我諗大家要有心理準備，因為男友個飯黎到食完，我個漢堡扒都重未到

上星期首次到開幕不久的 V City，打算吃個簡單晚饍，喜見 Izumi Curry 在這裡有分店，不用到尖沙咀銅鑼灣那麼遠了。先看看餐牌，價錢不太昂貴，不其然走進去囉~眼見餐廳的光線很柔和，設計簡約舒服，吊燈仿如整個室內的 highlights。這個時段，剛好人不多，於是我選了旁邊有軟墊的卡位坐下。隨後侍應便給我奉上開水、餐具和餐牌，雖然他們未到高級餐廳的專業，也可算是有禮和 customer oriented 呢！第一次拜訪 Izumi，又怎能不嚐試他們的人氣奄列和咖哩  伴牛肉也較划算，索性點奄列牛肉咖哩飯啦！最討我歡心，還是奄列的造型，驟眼看似一大朶黃玫瑰，因為蛋汁仍未熟透，口感尚算滑。日式咖哩則比想像中辣，很香喔！如果不怕肥，不妨連牛肉那層肥膏都一起吃，仲加香！吃飽後，才醒起桌上的漬物可供食客免費享用，紅色的大根，味帶甜不過咸，開胃