Burgeroom (美麗華廣場1期) (Closed)

🧡💛🧡熔岩芝士漢堡🧀️芝士令人快樂！熔岩芝士令Hatty加倍快樂！😆前排經過Burgeroom，留意到佢哋有熔岩芝士嘅漢堡包，作為芝士控又點可以錯過呢？💛熔岩芝士牛肉漢堡💛 $140熔岩芝士包裹住成個漢堡，芝味濃郁🧀令人食慾大增！依度嘅漢堡包都可以追加配料，🍍我就加咗菠蘿同埋牛油果醬！🍔咬落去 有juicy嘅牛肉漢堡，加埋追加配料，🥑味道更豐富！🤎熱榛子鮮奶咖啡🤎 $40估唔到熱飲都幾大杯，香甜嘅榛子令成杯鮮奶咖啡更易入口，🌰仲好順滑添！☕️💚奇異果汁💚 $38夏天想開胃就要揀啲酸酸甜甜嘅果汁，消暑解渴都好適合！其實Burgeroom仲有好多好多burger🤣配搭層出不窮😛下次試其他先！😆BTW記得save post，方便向店員查詢有關漢堡啦❣️📍Burgeroom📍尖沙咀彌敦道132號美麗華廣場一期2 樓 207 號舖

漢堡！我真係好中意食漢堡，基本上一個星期都會食一次。行完Donki就係呢度附近行下睇下有咩食，就發現左呢一間漢堡店。入去果時見到店舖唔係好多人，食食下就開始坐滿人👍🏻👍🏻餐牌上既漢堡款式好多，多到有選擇困難嘅人都唔知從何入手最後簡左兩個包，一個小食同一杯野飲1. 雞肉條配蜜糖燒烤醬-雞肉條炸到脆卜卜，但唔會覺得乾身，加上燒烤醬就有另一番風味2. 軟殼蟹包-呢一個包係見到好多人推薦，而且我都好中意食軟殼蟹，所以就簡左黎試。佢真係無令人失望，皮好軟，軟殼蟹脆。咬落去真係好juicy，成手都係汁。真係無推薦錯，讚👍🏻3. 墨西哥辣椒芝士雞肉條漢堡-呢個第一睇落去似燒雞漢堡，睇唔出有辣椒醬，以為唔辣，點知佢有辣椒仔喺入邊，真係辣。而且雞肉都係好juicy，中意食辣同雞肉可試。4. 奇異果汁-鮮榨，$38

港式漢堡包嘅餐廳，喺香港來講都好多間，而呢一間都比較深刻印象。呢一間銅鑼灣有一間分店。最主要係因為佢嘅漢堡包嘅選擇真係極多。順帶一提，佢係冇+1 㗎。喺呢個Menu度你就會睇到佢好好，將漢堡包以肉類再分類，有牛肉類，魚、海鮮類，雞、鴨類，素食類都有。Lunch來講，佢可以加set，價錢嘅話，夜晚食我會覺得幾抵。我同朋友，兩個人，一人兩個麵包之外，都嗌左一個小食，同一個沙律。飲品來講，我覺得特別嘅係自家製冰茶、果汁。咁佢嘅啤酒都係幾特別嘅，不過今次就揀咗非酒精飲品。（1）田園沙律，$60 ，蕃茄，沙律菜。蔬果類正正常常，佢嘅蕃茄特別大嚿。（2）牛油果醬芝士薯條， $68。好大份，啱啱炸起，牛油果愛好者，必定要食啊。（3）菠蘿燒烤醬牛肉漢堡，$98 ，睇相好似好普通，但係佢嘅牛肉漢堡扒，好厚身，勁大份，食完都已經好飽。（4）鵝肝鱈魚柳漢堡， $168。賣相極吸引，鵝肝肥美，鱈魚外脆內滑，再食啲沙律菜緩衝下，堅正。不過個包，都幾大舊，又係食完勁飽。（5）奇異果果汁，蜜桃冰茶，各$38。我鍾意唔係太甜，而佢冇令我失望。我哋今餐每人二百幾，係重要事講三次，係冇加一，冇加一。而我覺得我哋今次其實嗌

遠遠就見到今晚去食既餐廳既招牌 好sharp好搶眼🙆‍♀️🙆‍♀️ 店來都走美國工業風 仲有唔少外國人嚟幫襯添 幾chill咁！💁‍♀️Burger既選擇有超級多 牛 魚 雞 海鮮 veggie都有💁‍♀️ 仲可以加toppings 揀到眼花樣樣都想食阿🙆‍♀️最後揀咗兩個burger同芝士薯條💁‍♀️牛油果醬芝士牛肉漢堡 $92牛油果醬勁多 流出來💁‍♀️ 牛肉夠晒厚 加埋個面煎得脆脆地 中間鎖住D肉汁 超juicy💁‍♀️💁‍♀️ 估唔到牛油果配牛肉又幾夾wo🙆‍♀️香脆鱈魚柳漢堡 $80呢個超級好食 鱈魚柳個炸醬好薄 一啲都唔油膩💁‍♀️ 每啖都食到魚味 魚肉又好嫩滑💁‍♀️💁‍♀️💁‍♀️ 同快餐店食到嘅完全唔同 用料high quality好多💁‍♀️芝士旋風薯條 $52份量十足 兩個人share都未必食得晒💁‍♀️ 旋風薯條其實即係薯圈 唔係好多地方有得食yeahh 旋風薯條炸到好脆好香 配埋邪惡嘅芝士真係食唔停口💁‍♀️💁‍♀️💁‍♀️ 芝士係超濃郁 絕對唔係用芝士醬 好好味呀💁‍♀️奇異果汁 $38邊個話食burger一定要配可樂 女仔當然鍾意健康啲flesh啲啦💁‍♀️ 我就要左奇異果汁 酸酸甜甜 好解渴 食

七、八十蚊食個漢堡唔喺咩驚奇事，近年不斷湧現漢堡包店，講緊唔喺三、四十蚊一個餐嗰種，而喺單買個包都七、八十，甚至過百，但仍然有唔少人幫襯，願意以金錢換嚟高質素嘅漢堡。Burgeroom在港原來都開業10年，能賣高檔嘅漢堡一直維持咁多年，必然有其個人之處。開放式嘅門面，一室粗獷嘅水泥地、水泥牆，並以交通為主題，架起好多個車轆，又見到黃黑相間嘅行人輔助線及路牌，見到「Order Here」就知喺走入去自助點餐。整體餐廳環境幾大，而且幾深，走到盡頭都幾入吓。尖沙咀區做生意，枱櫈拍得埋啲都預咗，但勝在呢度樓底夠高，所以，都唔覺好逼夾。叫得Burgeroom，主打必然喺漢堡，所以，打開餐廳，佔咗3/4篇幅喺漢堡，剩番嘅菜式就喺小食同沙律。漢堡嘅選擇真喺非常之多，分有牛肉、海鮮、雞鴨及素食，可另外再加配料，如酸瓜、煙肉、菠蘿……甚至鵝肝。而每分類配搭唔同食材就出現好多款式，如單喺牛肉系，就有13款之多，平貴都有，豐儉由人，無加一。背頁仲有一版飲品，選擇有酒精及非酒精類，小弟就梗喺揀非酒精啦！此外，近收銀位有個大雪櫃，擺滿罐裝及樽裝飲品，自行拿取即可。順帶一提，餐廳採用半自助形式，晌收銀處落單俾錢，