祥香茶餐廳 (Closed)

話說週末黎開哩頭睇戲，沿路行過黎見到哩間老字號茶餐廳，門口寫曬馳名蛋撻奶茶咁，就決定睇完戲之後黎整個下午茶🫖餐廳坐位唔算多，而且樓下冇位就上左上層，環境就係一間有歷史嘅茶餐廳咁，唔會好光猛，啲嘢唔會好新淨，但係感覺都係乾淨企理嘅～我地兩個人叫左兩杯熱奶茶，我地都鍾意嘅曲奇皮蛋撻，同埋一份西多士～我覺得西多士係合理期望，不過可以再脆啲同香啲😛蛋撻都幾好食，唔會太甜，可能我地食左西多士先，到食蛋撻果時已經唔再熱辣辣，同埋如果個曲奇皮再香啲會仲正！我覺得重點係杯熱奶茶！！完全出乎我意料嘅好飲！！茶味香濃得黎一啲都唔苦澀！仲要幾滑添🤤🤤 可能有人會覺得太濃冇咩奶味（不過用黑白淡奶都.. 應該冇咩奶味㗎下嘛？😆），但係我就係覺得佢啲茶味真係夠香，超鐘意！！果日我午餐飲左杯咖啡，下午茶飲左哩杯特濃奶茶，夜晚都冇訓唔著😆✌🏼價錢我唔係好記得，因為係假期，所以冇任何下午茶餐優惠。總括黎講哩間茶記都幾好啊，下次有機會再黎就試下佢啲咖啡☕️

茶餐廳是香港獨有文化，有樓上雅座的茶餐廳更加有一份懷舊味道。今日下午要出去西環工作，忙到lunch都未有時間食，經過祥香就入去快快食個下午茶啦。值得一提，裡面的侍應們都態度親切慇懃。吞拿魚西多士薯餅吞拿魚西多士真係第一次見，所以就點泥試下啦，點知好奇害死貓，未至於難食，味道就真係一般般，就好似吞拿魚三文治拎去炸咁。薯餅就同m記ge質素差唔多，熱辣辣好脆口。奶茶點了奶茶小甜，每個人對小甜定義不一，而呢杯甜度對我泥講真係剛好，茶底又夠香濃。

元旦一覺訓天光，起身又懶得煮野食，所以就落左街搵食。忽然挑起條癮，想光顧番一間老朋友「祥香」。20幾年前重係小朋友的時候，已經成日同屋企人去食佢既沙嗲牛肉面。幾年冇食，決定今日去回顧下佢既味道。曲奇皮既蛋撻一向係我既最愛。相比起酥皮，更加喜歡曲奇皮的牛油香味。呢度的蛋撻唔會味道太甜，蛋香味濃，新鮮出爐時脹卜卜，賣相不得了！奶茶最重要係就係飲落去時順口丶奶的滑身同埋茶香味，而祥香的奶茶就做到了！飲落去好舒服，好香！另外，我重叫左個沙嗲牛肉面，但食得太快所以冇影到~so sad....

祥香呢期好紅，上埋報紙，搞到我有時行過想買個蓮蓉雞尾包食下都買唔到。呢間富有人情味的茶餐廳有西區最好食的麵包，麵包的質地煙腌有咬勁，有彈性又有天然酵母清香，食過就知道，絕非連鎖麵包店的機械包可比。呢日入去飲下午茶，西多士加奶茶，呢度的奶茶和凍鴛鴦都值得一試，西多就不過不失，特餐都好多人食不過我都系覺得麵包最特別。而且3HKD一個咋！！

早排同班FD去西環打波，打波之前就想一齊食個早餐。因為有個地頭蟲話祥香唔錯，所以就去左。企係門口，已經感覺到一種舊式茶餐廳既風味。成間茶餐廳有兩層，我地成班FD想傾下計，所以坐左係樓上。我坐低叫左個特餐，唔洗唔耐，D野食就黎左。黎先既係一杯奶茶，未飲就已經聞到果種奶茶香。一飲落去，就發現同一般快餐店飲既奶茶好唔同，果種奶味同茶味真係好平衡好夾，味道一流。之後就到火腿蛋加牛油餐包同埋沙爹牛肉麵。 老實講，個麵同出面食既冇咩分別，牛肉都唔多，但係我覺得個湯濃過出面D茶餐廳，所以我不知不覺都飲哂。真係希望依間茶餐廳可以KEEP住做落去，下次可以再食多次。

週六假期到很久沒有來過的堅尼地城走走, 看看現時有很多西式食店進著的情況如何, 首先到老牌茶餐廳祥香園一試其出品。內裹地方不大, 是老式茶餐廳裝修, 中午食客很多, 有很多上年紀食客, 看看 Menu, 其選擇不多, 得一些基本食物出品。到此當然要試其著名雞尾包, 餡料是蓮蓉都是第一次品嘗, 麵包口感是正路出品可以, 蓮蓉則不太甜, 都算好吃, 感覺比中式蓮蓉包好。另一名物是其蛋撻, 蛋撻香口有蛋味, 但不算出色, 是中等水平, 但可以一試。另外也試其西多士, 一般茶餐廳岀品。最後當然要試其主力出品奶茶, 醇厚香濃為最好, 祥香園奶茶不算有很強的濃茶味和奶香, 是茶味和奶香各半, 筆者不太喜歡很濃茶味, 因飲下後會有點不舒服, 其奶茶算是不錯。

對舊式茶餐廳,有一份濃厚的情意結。老遠走到西環人,無所不知的祥香。為的都是這份買少見少的「老香港」見証。店子坐滿街坊食客。往樓上看看,感覺都是樓下有feel一點。吃了特餐$26,煎蛋油油的,也沒蛋汁。煎火腿、餐包都是普普通通的東西。奶茶,偏奶,茶味一般。吞拿魚西多薯餅$17,正!吞拿魚混上不少沙律醬,多士炸得如腐皮,一灌舊式做法,大滾油下鑊,「香」從這裡來!加埋薯餅,真是油上加油。三高?吃了再算.....。沙嗲牛肉麵,牛肉沒梳打粉的假味。有點韌。麵不是「大光」麵,沒益味,麵質不錯,有點像「公仔」麵呢!沙嗲幾好味,如果汁多一點來拌麵,更好。蛋撻$4,沒影下,因為帶回家已爛開,再焗熱,撻皮也不能回復曲奇質地,就是腍了。但仍吃得出很牛香油味,燉蛋也很香而不甜。祥香食物質素,以現代口味來說,是有進步空間吧。

遊電車河遊到堅尼地城。肚餓了,便來食個午餐。上一次來是坐樓下,今次應來樓上雅座。樓上比樓下人少,也比樓下靜少少。上次是點特餐,,今次就試試飯。點個粟米雞翼飯,加杯奶茶。粟米雞翼飯,其實是雞翼+粟米汁撈飯。粟米汁不太杰身,份量不足,粟米不多,味道不濃但可以的。雞翼是煎雞翼,煎得入味,雞翼皮帶脆,但肉有少少不熟透。至於奶茶,雖頗滑但奶味重過茶味。食畢,步出外面,下雨起來。