炳記茶檔

Open Now

Now Closed

唔知大家去過大坑炳記未呢？ 陳奕迅就曾經講過一句：「無食過炳記，等於未嚟過大坑」，連美國CNN都品評過炳記嘅奶茶係香港四大奶茶王之一，身為香港人嘅你又點可以唔試吓呢？.凍奶茶 $20首先介紹下佢哋嘅奶茶🧋，茶底香濃富茶味，茶味濃而不澀，淡奶用囍牌淡奶，為奶茶增添濃厚奶味同口感。甜度不會過甜，建議大家唔好少甜/少冰，反而影響奶茶嘅完美比例。.豬扒麵 $28 雙併雞蛋 $34除咗奶茶之外，依度嘅名物仲有豬扒麵🍜。黑椒豬扒滷過再拎去煎，質感鬆軟，唔會太韌，豬扒亦醃得夠入味，帶有少少黑椒香氣，唔錯。.雞翼麵 $28 雙併香腸 $34另外就叫咗個雞翼香腸麵，滷水雞翼都幾大隻，滷水味正常，雞翼都煮的好嫩滑，但就唔算特別岀色。.奶醬多 加咗煉奶同花生醬嘅烘底多士🥪，味道正常，唔算話太驚豔，當係試吓香港嘅懷舊情懷。.如果有太高期待過嚟試炳記，有可能會令你失望。奶茶固之言係出色，食物味道其實都唔差，但當然出面嘅食物會有好多茶記會比佢做得好。但係，依種舊香港🇭🇰💭嘅鐵皮屋已經買少見少，趁佢哋仲喺香港🇭🇰，點解唔珍惜依種本土文化呢？

門口冇寫明排隊位置，平日去到未見有好多人排以為等緊外賣。豬扒麵，$28，湯底同麵底都同平時茶餐廳冇乜分別，我覺得出色同埋有驚喜嘅係豬扒，醬油同黑椒都好入味，肉質又唔會話好柴，而且都有4-5舊，數量唔會話好少。凍奶茶，$20，茶味十分香濃，口感亦都順滑，略嫌價錢有啲貴。個味道好特別，喺出邊暫時未飲過。奶醬多，$13，真係好抵食，大大件，啲花生醬同埋煉奶又好夠，唔會食食吓覺得好乾。本身用個包都好厚，而且兩邊都有烘底，口感香脆。

有次試過兩點多少少去到已經截龍唔做生意。今次出開銅鑼灣特登早少少去排隊，好好彩排左五分鐘就有位！二話不說order左好多人慕名而來嘅熱奶茶一償心願！茶底唔算太濃，唔會好澀口，但略嫌欠缺小許回甘。有別於一般茶餐廳慣常用嘅淡奶，炳記採用植脂淡奶 。 茶奶比例剛好，口感幼滑。仲有經典豬扒米粉同奶醬多。大大碗豬扒米粉只售$25，豬扒肉質爽嫩而且滷得非常入味，誠意滿滿嘅滷汁簡直令湯底昇華！奶醬多烘烤得微燶，奶醬再多D就perfect~ $11真係抵到爛，做人唔可以太貪心 夏天嚟雖然會有D熱，不過地道風味搭救，都是一個唔錯嘅體驗！

🇭🇰炳記茶檔·呢間我成日都見人推介 好似好正咁 所以一路都好想試 不過我地上次2點幾黎佢差唔多時間閂門 所以食唔到😭今次我地早左黎終於食到 雖然佢人龍好長 但係佢上菜超快 所以我地都係等左15分鐘就有位😎😎·奶醬多$11 l 豬扒雞蛋出前一丁$30 l 淨菜$14佢個奶醬多真係唔錯既 個底烘到好脆 一啖咬落去好幸福 不過因為都係個個味 所以就無咩驚喜😂😂之後個豬扒麵就正常發揮啦 個豬扒有D黑椒汁都惹味既 不過個麵底就唔係一丁 麵質麻麻 要加D辣椒油先得😂·凍奶茶$17之後我地見好多人推介佢既奶茶 所以我地都嗌左 但係就算我地嗌左少甜 我覺得佢都太甜啦 係完全飲到個糖漿味 而且茶味都無好濃😭😭·#rbyeat#rby港式#rby大坑 #rby天后·📍大坑施弼街5號側

去到大坑你會諗起咩？可能好多人都會想搵啲文青打卡cafe chill吓，但係呢間特色茶檔都絕對值得關注，甚至吸引你一再回頭。對於附近嘅學生同居民嚟講，炳記一定唔陌生，又平又好食嘅茶記係醫肚首選。「冇食過炳記即係冇嚟過大坑」，店家嘅豪氣確實真係擔當得起。就連陳奕迅都係炳記常客，上次去食，老闆話e神啱啱走咗咋😫😫。🍜 餐蛋出前一丁 $20餐蛋麵係茶記必備，炳記嘅蛋🍳係煎到啱啱好，有脆邊但又好流心，睇相都睇得出未熟透嘅蛋黃汁準備爆出嚟。麵體唔會煮到冧晒，而係保持到出前一丁最好食嘅口感。不過味道較淡，食唔出麻油味，不過枱面有麻油可以自己落幾多都得。我估應該係有啲人唔食麻油，所以店家索性俾客人自己落。食開重口味嘅我有落埋辣椒油，熱辣辣🌶咁食真係超級爽。👅評分：8.5/10🍜 豬扒出前一丁 $25
相比起餐蛋麵，男朋友叫嘅豬扒麵仲正。🐖豬扒嘅黑椒汁完美咁融入落一丁嘅湯底，湯底唔會淡茂茂之餘，但又唔會覺得黑椒好重口味，麻油都可以唔使落。豬扒好鬆軟好嫩😋，唔會好似出面嘅豬扒咁柴或者乾身，但係軟嫩得嚟又唔會食到成口油淋淋，又唔會有好多肥肉邊邊，整得咁好食真係好考功夫，仲要平到咁，搞到條隊越排越多人啦！👅

上次weekend黎，條人龍長到唔見尾，今次閒日嚟，合理好多，直接可以坐低。為咗杯熱奶茶嚟，但真心失望，唔知係咪撞手神嘅呢，茶底一啲都唔濃，偏奶，得個滑字。方包係厚身多士，搽咗滿滿的煉奶用花生醬，熱辣辣，好香脆，好味，不過花生醬無粒粒咬。蛋牛治就真心普通，蛋好熟，而且好薄，一d蛋汁都無，而且餡料份量好少。呢到係有懷舊情懷，但如果weekend要排哂隊先有得食，我就覺得唔係咁值得。試過一次就可以了。

約咗朋友一齊食，就由荃灣嚟到大坑呢度。見到排晒長龍，排到我嘅時候，有個阿叔行埋嚟，問我哋食咩，但係其實我連餐牌都未睇，佢又冇俾我，個餐牌又要喺入面。🙄🙄。而且佢嘅每人最低消費都要$20 ，我不如自己整。🤥😑個阿叔又好唔耐煩啦，就喺度吹💨💨，又揼晒腳咁樣。之後就快快咁嗌左一杯凍奶茶同埋一個油多同奶油多。首先佢就俾咗杯就寫嘅凍奶茶 🧋，「揼」！一聲，好驚佢倒瀉係我身上面。之後過咗陣就嚟咗嗰兩個多士。

星期六駕車入大坑，很難有位泊車，剛好在炳記旁邊有位，就可以一邊食一邊看著車免被抄牌。預左要排隊，幸好天氣不是太熱，等二十分鐘就有位。點了豬扒雙蛋丁面、奶醬多、滷水雞翼、當然要飲奶茶。豬扒面的重點當然是豬扒，醃了的豬扒非常入味。丁面看似普通，但重點在於桌上的麻油，丁面加麻油是絕配。滷水雞翼用的滷水依舊好味，多年沒變，到底是否還是10年前的一窩？因為天氣熱，所以點了凍奶茶，但茶味被冰溝淡，沒有熱奶茶般好飲。

今次介紹係一間位於大坑嘅露天鐵皮茶檔，雖然露天但係人流不絕，而且仲係好多明星鍾意黎既茶檔，連EASON都話無食過等如無黎過大坑。茶檔野食種類唔多，淨係賣麵、三文治/多士同野食，但淨係專心做好一兩樣野食已經客似雲來。-排隊🧍🧍‍♀️🧍‍♂️當日係星期六，大概一點鐘，排隊前面大概有10個人，不過人流去得快，大概等咗10分鐘就可以坐低。-環境🪑鐵皮屋大牌檔，姐係要坐係街邊度食，所以夏天黎食可能係一個考驗，每張枱有3/4個位，目測大概開左6張枱，基本上唔係3/4個人去食都需要搭枱。-1️⃣ 豬扒麵💰25（👅: 7.5/10）豬扒用黑椒醬汁醃制，入味但唔會好重味，會食到黑椒同蜜糖既甜味，相當惹味，不失肉香，肉質鬆軟，保持到彈性。豬扒切成小件，方便進食，份量非常多，呢個價錢來講非常抵食。麵就係普通公仔麵，湯係用豬骨湯熬制，因為無人工鮮味調料，淨係靠食材，所以味首有啲淡。所以枱面有自家製辣椒魚露、日本麻油，可以自己按喜好添加。-2️⃣ 奶醬多💰11（👅: 8/10）質素絕對完勝大部份嘅茶餐廳。烘得金黃色，非常脆，咬落去會聽到聲，溫度非常夠。醬非常之飽滿，絕對唔會馬虎，牛油基本上已經溶哂落多士入面，唔會食到特別一

剛巧早上經過大坑有公事要做所以特意和同事去試一試呢間懷舊茶檔，約早上8:30到達等了大約三四個字便坐低一般蒞臨嘅客人看似熟客都唔使睇餐牌就可以點餐，餐牌要行出去店面度睇.叫了一個西多士兩份食，一個兩餸（五香肉丁煎蛋）米粉，一個三餸（餐肉吾香肉丁煎蛋）出前一丁多士烘得剛剛好，麵食方面不過不失(朋友投訴明明標名出前一丁但係唔係出前一丁)，奶茶茶味重，水準好價格是重點能夠體驗到懷舊風味絕對物有所值雖然錯位比較迫但係你見到好多客人同餐廳侍應其實都好熟好有人情味嘅感覺.沒有太多評分因為這間店重點係懷舊同人情味，回頭率唔算超級高但係絕對會定期回來

假日最鍾意食一個港式早餐作為開始兩點左右黎到大坑哩到，有一條約十零人既人龍，不過等左15mins 就有位，比想像快。今日天氣好涼又唔曬，最岩黎呢種大排檔感受下風味奶茶+奶醬多奶醬多烘得香脆 花生醬煉奶比例岩岩好男友最鍾意呢到既奶茶，今次我都點左杯熱既茶走試下。茶味濃，口感夠滑，確實唔錯豬扒米粉豬扒肉質偏瘦，重黑椒味，雖醃得夠入味，但無分開上，食到一半豬扒都浸到冇乜味 而且肉質易痴牙 (男友叫豬扒加雞翼兩先有另上餸) 湯底味道啖 米粉亦冇冇特別 整體不過不失麵個人覺得可以不試見到好多人都飲奶茶，就知道其他野食只係配角，奶茶先係呢到既主角

我們都喜歡緬懷舊日的好。大坑，這幾年新的食店越開越多，逐漸形成了搵食新陣地。店面，大多只有三、四百呎，全是小本經營，大多是老闆一人身兼數職，所以，這兒的店很有個性，或者，味道不一定能打動每個人的味蕾，可是，誠意肯定是外頭連鎖式食店不能媲美的。每枱都點的超濃滑奶茶。奶醬多，不過不失。豬排十分嫩口，惟面湯不夠熱。豬排可選擇拚各款不同的配料，紅腸味道亦不錯。

店名:炳記茶檔地址：大坑施弼街5號側好味指數:8/10價錢：$25豬扒雞翼米豬扒雞翼都是用醬汁醃過的，夠入味！米粉湯底比較消淡，不過加上麻油和辣油令整碗米粉味道提升了不少。值得一讚，碗內除了米粉外，還附送了幾塊生菜，夠曬健康之餘又夠入味，正！ 店名：炳記茶檔地址：大坑施弼街5號側好味指數:8.2/10價錢：$8奶醬多香脆可口的多士均匀塗滿奶和花生醬，絕不兒戲，滋味極了。這樣好味及真材實料的多士只需$8，實在非常難得，支持！ 

聽得朋友講太多次這間茶檔的名字, 好想去試下, 上次嚟到, 2點幾, 老細話要收工, 緣慳一面, 今次嚟好彩冇收工, 仲仍然係一條長長的人龍.  我們當然照排隊啦. 好彩人流好快. 等左一陣就有枱呀.出名的當然係奶茶啦, 朋友們都飲熱奶茶加煉奶, 有一個則飲熱奶茶少奶, 咁梗係茶走好味好多啦. 好夠滑, 又香奶茶的味道, 同埋最重要係好夠熱呀. 因我唔想飲熱的, 所以就飲凍奶茶呀. 凍奶茶夠晒凍同埋大杯, 茶的顏色夠深, 同埋都好滑好香的呀. 好好味. 我們叫左一份奶油多士及一份奶醬多士, 係厚多士的, 好香, 成塊多士都脆卜卜, 但又唔會濃, 好好味呀. 牛奶及牛油都唔會太多, 啱啱好. 唔怪得會咁多人啦, 又平又好味, 又快.

11月27日, 平時去開大坑, 都係喺大街搵食多, 都不外乎越南野, 民聲… 今日竟然喺d車房橫街中, 發現到呢間大排檔! 原來佢地只開星期一至星期六, 晚上仲要唔開添~ 好好彩今日係星期六中午, 有幸一試佢地嘅招牌豬扒~::: 豬扒出前一丁 ::: $21單睇外表, 豬扒確實似係落咗功夫, 有色水得嚟仲唔係乾爭爭~ 生菜份量都好多, 直頭蓋住晒d麵~ 先食一件豬扒, 肉質幾夠淋, 又唔會嚡口, 肥瘦適中~ 仲啖啖都食到鹵水味, 加上好似煎過咁嘅外皮有dd脆, 確實冇失望~! 出前一丁就比較差, 有d懷疑佢地係咪用丁麵… 本身唔似煮得好耐嗰隻色, 麵身仲係攣攣地顏色仲好實, 但係食第一口已經唔夠彈性好淋, 一咬就散… 湯底嘅濃度亦唔似用丁麵味精粉, 可能加咗d鹵水汁啦…::: 蛋牛多 ::: $11蛋牛份量都算多, d蛋牛邊好似想湧出嚟咁~ 咸牛肉同蛋嘅比例均勻, 咸牛肉嘅味道同蛋漿好夾, 而且成塊蛋牛仲煎到有少少燶邊勁香口! 麵包亦同樣新鮮, 烘得均勻之餘又脆又鬆化~ 好好味!!!::: 奶醬多 ::: $6多士算厚, 奶醬係正常份量, 勝在搽得非常均勻~ 仲要讚下佢個麵包夠新鮮烘