上海姥姥

Open Now

Now Closed

每次心思思想食中菜嘅時候，都會諗起去上海姥姥！今次就去銅鑼灣分店叫左幾樣招牌菜，每間分店都保持到相同嘅水準！特上蟹粉小籠包個小籠包一擺到上枱即刻「嘩」左一聲！啲蟹粉多到滿出嚟！食落爆汁同埋啖啖蟹粉香味，一個字 - 「正」啊！滬式葱油雞 雖然睇落賣相一般，但食落其實幾有驚喜！好香蔥油味，雞都好滑。作為冷盤出場完全係不過不失！紅油抄手啲紅油麻麻辣辣，再加埋大大舊足料雲吞十分之match！同行友人就算唔係好食得辣，都話好惹味！試得一試！姥姥手製排骨拉麵作為店舖其中一個招牌菜完全係當之無愧！排骨炸到好酥脆，再配搭埋清湯拉麵，味道即刻balence返晒！食完都唔會覺得好濟同熱氣～總括黎講用餐體驗好好，十分值得encore嘅親民上海中菜

2018年9月1日。銅鑼灣。雨。呢日去銅鑼灣睇戲睇戲之前緊係要食飽飽先啦～見翡翠明珠商場裝修咗之後都未上過去，就趁呢日上去睇下行咗一圈，除咗大家樂之外，其他餐廳都over-priced得幾緊要（我認為）淨低呢間上海姥姥嘅價錢比較合理，所以餐廳都幾乎滿座咁瀉都聽過餐廳個名，然後成日都會同上海婆婆混淆，呵呵～裝修又幾精緻，枱櫈都係木嘅，牆上仲掛咗啲畫，幾有風情～招牌小籠包，$40食上海嘢，當然唔少得小籠包小籠包皮薄多汁，肉餡唔會酸，算係幾出色嘅小籠包味道雖然唔錯，但係4粒都無法完整咁擺落口，皮太薄容易穿窿紅油抄手拌麵，$57會跟埋個杞子雞湯貼心位係個拌麵已經事先剪開咗食嘅時候會無咁「呢hea」餐牌度俾咗一隻辣椒呢個拌麵，事實上都幾辣但係鍾意食辣嘅人一定一定一定！要試下配埋枱面個辣椒醬！味道好夾，非常惹味～係咁落，落咗好多～～～雞湯亦好味，有少少鹹咗啲，唔知有無落味精呢？姥姥手製排骨拉麵，$57呢個似乎係幾受歡迎嘅拉麵，見附近好多枱都有點又真係幾好味嘅～排骨鹹淡適中，口感酥脆而且佢雖然叫排骨，但無骨嘅～所以食落啖啖肉，好滿足～拉麵質地滑溜，個湯都唔錯，都係有啲鹹喺銅鑼灣來計，算好抵食，以後都

雖然唔係上海人，但成日都會想食下上海野，今日難得office齊人，而大家咁啱又無帶飯，一於搵間上海餐廳食下。明珠廣場裝修後一直想試下上海姥姥，但次次都超級多人排，今日早左少少出黎，終於都食到啦麵Lunch set係A+B+C,小食加麵再加飲品型式，開頭覺得要78蚊再加一都有少少貴，但當啲野食黎到，即刻覺得呢個諗法係錯！前茶－陳醋貓耳朵，睇落 好似好少，但食極都有，味道唔錯，酸味夠又夠爽口，最怕食啲甜味太重嘅陳醋，呢個啱啱好！麵食－姥姥手製排骨拉面，麵唔會糊口，正常，個排骨望落其實麻麻，但食落非常脆口，食到尾都仲keep到脆，而且肉質仍然保持到juicy，唔會太油膩，夠味但又唔會太咸，有驚喜！飲品－甜豆漿，唔會太甜，亦唔會太水，但豆味欠奉，一般啦。整體黎講喺銅鑼灣用呢個價錢，食到呢個質素同呢個份量(我真係食到攬住個肚走🙈🙈)算係超值，呢間可以再食。