上海姥姥 (翡翠明珠廣場)

Open Now

Now Closed

我點提前點餐，隔離檯網紅出餐速度極快，同經理再度溝通我的餐幾時出，打拖延戰術，我等左25分鐘都出唔到，當時客人入座率7成，我看到隔離檯在食，擺明出錯餐啦，第二次30分鐘後問，佢話催緊廚房，隔離檯明明遲黎過我地，再三確定先34分鐘出到餐，以後都唔會幫襯

前幾日20/12/2024，去維園行工展會前，先到這餐廳食午餐先，接待的男服務員好有禮貌安排座位，坐吓點餐時，見隔離枱兩位長者差不多食完，有女服務員好有耐性介紹甜品，食到差不多時，當然仍是午市好多人，抬頭周圍望一刻，就有服務員問需要什麽，近期難得遇上，希望能保持這服務態度。點了2個午餐，都好好食木須肉炒手工拉麵，餸有好多手工豬肉蒸餃，好熱，好多汁紅油抄手拌麵配雲吞湯，有少許辣，可接受雞絲粉皮，幾好食

餐廳熱到不得了，職員話係咁樣，坐低等個炒飯 等咗七個字， 都未嚟，已經催咗4,5 次。 啲職員 聽完就算 完全冇理過 最後 我哋都係唔等就埋單。 食物份量少得可憐 完全不符合性價比 應該不會再來這間門店

今日喺銅鑼灣辦完事經已晏晝三點，因為嘆咗好耐嘅冷氣又唔記得帶褸，所以覺得就嚟凍親要病。一於去食個下午茶啦，要食啱嘢至得。嚟到左近呢間上海姥姥，睇到下午茶餐有湯麵，可以化解到我週身嘅寒氣啩。門口大大隻字寫住六十幾蚊，唔算貴，就入去坐低。服務都算幾好，有帶位有斟茶有解答，不過都搵唔到紙巾喎，噉就襯唔到呢度望落去都幾講究嘅古色古香嘅環境喇。卒之點咗嫩雞煨麵、爆汁鮮蝦韭菜餡餅、熱無糖豆漿呢款套餐。雞煨麵都算多料，有雞有菜有麵有湯底，營養均衡，但係湯底香濃之餘太鹹，冚住咗雞同小棠菜嘅香味，實在冇辦法飲埋啲湯，有啲嘥。鮮蝦韭菜餡餅比較令人失望，賣相非常一般，見到兩粒餡餅嘅雙面都係煎到油冧冧，又唔似係現整好新鮮嘅樣，食落唔單止冇鮮蝦嘅口感同韭菜嘅香味（講真我係香港都好少食到有新鮮韭菜香味嘅餃子、包同餅），仲要入面爆出嘅唔係肉汁而係肥油！香港有豆漿飲嘅地方有好多，不過今次有新鮮又無糖嘅熱豆漿令我有啲驚喜。總算食咗暖笠笠嘅一餐，幾滿足嘅。埋單唔係六十幾蚊而係加到去八十幾~原來不單止有加一服務費仲要加埋茶位添！

絕對是大集團的優勢。在明珠廣場的這一層，看來是大家樂集團的天下，星期二的晚上，想不到也滿座，但因為座位多，等了一會兒便可入座。小籠包，ok喎，皮不厚，充滿肉汁，講真，可媲美很多正綜上海菜館。其他上海式點心水準都高！港人至愛的上海粗炒，大大碟，正是兒時的味道。奶油津白，味道不錯，雖然是快餐店集團式的上海菜，但真的有洒樓級別的水準！也是大勢所趨吧，這裡也是要客人自己以QR code 用手機落單，但用餐體驗是好的，店員無論加茶、收空碟都快手。

下午去銅鑼灣上海姥姥吃午餐。發現他公眾假期都有午市套餐。叫鎮店酸菜深海鱸魚配上海菜飯同紅油抄手拌麵配菜肉雲吞湯。小食就是雞絲粉皮和香蒜手工豬肉蒸餃而飲品是凍豆漿同凍酸梅湯。不過酸菜魚就非常之辣，我飲咗一啖湯已經覺得非常辣，如果鍾意食麻辣🥵之人應該可以接受。酸菜魚是鎮店招牌深海鱸魚，搭配辣椒、青花椒而成的魚的鮮嫩伴著麻辣味，吃進咀裡格外夠味。紅油抄手拌麵有大顆又好吃的抄手，加上Q彈料多的拌麵，還有菜肉雲吞湯點綴。而家上海姥姥仲有Hello Kitty禮物🎁換購。我們3個人只叫了2個餐都已經好飽。

喺銅鑼灣行完街，又好耐冇食中菜，就去咗上海姥姥，唔使等位就可以坐低🤭叫左紅油抄手拌麵配菜肉雲吞湯，另外$36加配咗厚切排骨，當然唔少得招牌嘅小籠包🤍抄手皮薄餡多，口感彈牙，搭配香辣既紅油醬汁同麵條，真係好惹味，鍾意食辣嘅人唔可以錯過🤣食食下覺得有啲辣，就可以飲佢個碗菜肉雲吞湯，湯汁清澈鮮美，幾清爽😌 排骨既肉質飽滿，外表烤至金黃酥脆，送麵一流👍🏻😆 小籠包內餡係鮮嫩多汁既豬肉餡料，皮薄而有嚼勁，值得一試(⁎⁍̴̛ᴗ⁍̴̛⁎)

約左屋企人去銅鑼灣食飯，一時間諗唔到食咩好。醒起疫情嗰陣佢地成日買上海姥姥既醉雞外賣，咁不如就食下呢間啦！估唔到假日都會有套餐提供！我地4個人叫左兩個餐，再散叫左其他野食。套餐既雞絲粉皮，望落好細碟，但其實份量都算夠啦，好多醬！夠晒撈粉皮😋呢個食落有d硬，一般！鱻魚麵.. d魚塊都幾硬.. 湯ok！擔擔麵好食！少少辣，好香濃既花生味！個排骨賣相好靚，但係食落係醃到冇乜肉味...粉紅色既肉😅雲吞大大粒！個皮都好滑！貪得意叫左呢個試下，黑松露味唔係好出。食返普通版夠嫁喇😶‍🌫️ 唔駛浪費錢。老人家話唔好。話鞋口🤔🤔 我就覺得同平時差唔多啦。有得睇住師傅整小籠包🤣埋單4個人食左4xx。喺銅鑼灣黎講，都算ok啦。

今日去左翡翠明珠廣場吃上海菜，這間沒得訂位，我們準時1330到達等位，等了大約10分鐘，不算太久，重點是用餐時間過了但店內還有位置，並沒有催我們走，這樣很不錯👍👍。我們叫了1個午市套餐（酸菜魚）、1個煨麵、炒飯、小籠包、紅油炒手，份量都很大，套餐附送小菜、飲品，它的輕盈份量真的很輕盈😅，紅油炒手不算辣，小籠包多汁好吃🤤。最近不管台灣香港都好流行酸菜魚，今日的酸菜魚都好好味，配飯很正，我用來配炒飯，結果嘗不到炒飯的味道🤣#hkfoodie #hkgirl #上海佬佬 #銅鑼灣美食 #cwbfood

菜餚非常精美，色香味俱全，令人一看就胃口大開。特別是那道紅燒肉，做得非常入味，肥瘦適中，吃起來口感十足，真是美味無比。除了紅燒肉之外，上海姥姥的其它菜品也非常出色。比如那道清炒時蔬，選用的蔬菜非常新鮮，炒得火候恰到好處，吃起來清脆爽口。而那道魚香肉絲更是香辣可口，肉絲切得細膩，搭配上特制的醬料，真是讓人欲罷不能。除了菜品之外，上海姥姥的環境也非常優雅舒適。店內裝潢精美，服務員們都非常熱情周到。

平日嘅時間，都會突然之間好想食餃子啊小籠包之類嘅嘢食，但係自己一個去飲茶又好似有啲太誇張，所以都會去一啲出色嘅上海餐廳食呢一類型嘅嘢由上海XX，食到依家上海姥姥，我都覺得個水準真係唔錯，冇話邊間特別好，總之一想食就會食！

之前嚟過好多次，今日經開銅鑼灣，想食吓上海麵，就嚟依度食下午茶套餐。佢哋下午茶主食和小食都有好幾款選擇，主食就叫咗五香牛肉拉麵，小食揀咗手拍小青瓜，青瓜應該係一早整定放雪櫃，食落都幾凍，特別碗麵又熱，一熱一凍，反差都好明顯，不過值得一提，啲青瓜係新鮮👍，個餐包埋野飲，有啲就要加錢，我就揀咗熱豆漿，😅唔駛另加錢，價錢方面佢哋收加一之外，仲會收埋茶錢，每位$6，所以埋單都要$80，以下午茶嚟講，真係唔算抵食。

秋天到啦(⁎⁍̴̛ᴗ⁍̴̛⁎)!又是吃大閘蟹的季節啦😈! 愛吃蟹的朋友仔，一定不能錯過🇭🇰上海姥姥𝐒𝐡𝐚𝐧𝐠𝐡𝐚𝐢 𝐋𝐚𝐨 𝐋𝐚𝐨的蟹粉盛宴(≧▽≦)～每一款的蟹粉都超多超足料，快啲來試試吧! ☆ 特上蟹粉小籠包🦀 $68 全人手製作的招牌小籠包，皮薄餡靚😏! 頂層有蟹粉，小籠包內也有蟹粉，鮮味十足，好好吃～ ☆ 蟹粉龍皇脆腸粉🧡$128 我一向愛吃腸粉，外脆內煙靭的腸粉，配上鹹香龍皇醬，好特別。 ☆ 蟹粉龍皇三鮮丸🩷$138 三鮮丸由魚和蝦造成，炸得香口，質感彈牙，搭配蟹粉吃更惹味。☆ 黑糖薑茶湯丸🟤$42 最後來碗暖胃的黑糖薑茶湯丸😙，薑味十足呀～ 把握吃蟹之秋，快點約家人去吧!!

上海姥姥 主打小籠包及手製拉麵，有天見到有"蟹粉"系列便去了吃。而且原來現在8pm後入座甜品有買一送一。另外金額滿HKD 300的話可以+HKD 1 換購雞絲粉皮。是標準的份量來，花生醬味十分香濃呢。✨糟香醉豬手 (HKD 50/輕盈)豬手本身口感很爽口也有吃到肉，但不入味。酒香要喝那個汁才嚐得到。✨蟹粉龍皇脆腸粉 (HKD 128)和我想像中的蟹粉不一樣，而且味道偏鹹。而且因為腸粉炸過的關係完全沾不到蟹粉，好像不太夾。✨姥姥生煎包 (HKD 41/3件)最好吃的就是這個了吧！皮脆肉香，滿滿的湯汁很惹味。✨桂花酒釀丸子甜品買一送一是送較便宜的那款。吃落有淡淡的桂花香，甜度適中，丸子細細粒都幾多。✨豆沙鍋餅 (HKD 52/8件)襯熱吃很夠酥脆香甜。

一心一意諗住去食蟹粉，仲要叫咗炒飯同撈麵唔食住攤到凍晒，等埋個蟹粉一齊食。點不知竟然嚟過芡汁扮蟹粉。從未食過咁樣咁難食嘅蟹粉，用啲汁整色整水，再用蘿蔔絲橙色遮掩，真係當我哋傻。幸好，酒釀丸子和炸紅豆包不錯。下一次唔會再嚟呢度食蟹粉，都係去返樂天王朝算吧！！