青藏牛肉麵 (Closed)

今日又係因為工作既關係走左去北角, 咁就走左去試食好多人介紹過既 "青藏牛肉麵". 中午時段, 大概等了10 分鐘到就可以入坐, 是可以接受的.午餐選擇不多, 只有4 款. 店員會在入坐前預先為你下單, 當你一入坐時便馬上可以吃, 為午飯時間有限既打工仔節省了不少時間. 今日我們點了招牌菜 "青藏牛肉扁麵午餐", "青藏羊肉扁麵午餐"和小食 "孜炸鎚仔雞翼" . 每款午餐都可以選一款前菜和跟一柸豆槳或汽.水.前菜有三款選擇, 我們簡了"香酥腐皮卷" 和 "涼伴素鵝", 而餐飲就簡左可口可樂 .食物方面:前菜 - 不過不失, 味道一般主菜 - 扁麵軟硬度適中, 有咬口, 不過湯底就較差, 淡而冇味. 雖然我未去過青藏, 但我相信湯底應有一種獨有的味道, 而不是這樣的. 選擇肉方面, 我會建議簡羊肉片, 因牛肉片真的完全沒有肉味.小食 - 值得一讚, 因為廚師是花了心思將雞中翼去半骨而做成雞鎚型態. 而表面有一層充滿中国風味的孜然粉, 味道不錯, 但較重口味.總結是一間普通的麵店, 適合食得清淡或喜歡食羊肉麵既人. 

今日(27-11-2010 Sat)同男友返北角,探埋佢家人後就o黎呢間佢之前都跟蔡瀾推介o既呢間食o野喇,呢間o野真係隱蔽到住附近o既佢都唔知.我o地大約2:00pm o黎到,o岩o岩full晒,等o左一陣出面張枱埋單,我o地就唔等入面o既位同唔理大風而坐出面喇.睇o左陣餐牌,老闆出o黎話畀我o地知有套餐.我o地揀o左$38.00o既自選午餐(A+B+C),要:A. 煙鴨胸有三片鴨胸,淋o左啲辣汁,今次死啦.食落,又唔太辣喎,又有啲芝麻香,亦可以.味道: 4分B. 青藏羊肉拉麵有好多芫茜,一片片o既羊肉唔太厚,食落冇乜羶味,但仍有羊肉味,好味.拉麵麵質冇乜問題,但唔知係咪之前食o左鴨胸,覺得呢碗麵味道清淡啲.而湯都幾有牛肉味.味道: 5分C. 加$2.00要紅棗桂圓茶紅棗桂圓味平均,大家都唔搶大家o既味道,OK.味道: 3分2. 男友要$42.00o既青藏牛胸腩麵,但老闆話最後o個碗o岩o岩被人要o左.咁就轉要$29.00o既青藏牛肉刀削麵呢個同樣有好多芫茜,牛肉大大片,湯底一樣係牛骨湯,男友好欣賞.但牛肉韌,麻麻;而刀削麵就因為幾厚,口感又麻麻,所以佢食唔夠半碗就嗌飽,呢個遜色o左