馬家莊清真館 (Closed)

清真食品一向都系我的喜爱，但從來都未試過這間。今日有朋友提議，馬上去。 地点十分方便，地鐡太子站E出口行5分鐘就到。入到餐廰，装修普通但清潔舒服，感覺良好。我地12点就到，不用等位，服務一流，清真餐廰有啤酒賣就好贴心。食物方面，先來羊肉和牛肉餡餅，十分好味同爆肉汁，比九龍城十分出名果間D羊肉餡餅更好食，加埋好服務，以後不用去九龍城。羊肉湯清甜可口，無味精。羊肉餃子OK啦，羊肉味淡了一点。羊架好味，肉質鬆軟，不過新疆 feel 欠奉。孜然羊肉好香，羊肉質地一流。最後個咖喱羊腩就真系好到不得了，首先D咖喱香辣味道全部恰到好處，全部都系羊腩，入嗮味，一大碟賣九十六蚊，底到不得了。鵝頸橋街市好出名的清真大牌檔又被比下去了。今日收穫十分大，很快我就會食過反尋味。

在<<蔡瀾常去食肆160間>>一書中看到馬家莊清真館，想必質素一定不差。^孜然羊肉是我很喜愛的一道菜。 單是這道菜算是調味較重， 除羊肉片外還有不少配料，孜然味濃郁，蔥辛香脆甜， 有少少辣。 ^建議另點薄餅，包住羊肉和配料一口放入口中，這樣能中和濃味的羊肉， 使這道菜更開胃，口感亦更佳。 一碟薄餅有八塊，非常薄身。^用碗盛著更容易包~但要小心餅皮裂開，醬汁容易漏出。^一上菜已經有很濃咸蛋黃香氣，但炸豆腐入口不夠脆和爽口，放久有點油膩，加上咸蛋黃醬只是勺在豆腐面，客人很難自行均勻塗抹。^有中和大兩個份量，今次點了中型份量，大約可盛四至五碗。^羊肉湯口味咸鮮，看起來清澈沒過多油分。羊肉軟腍，但放久粉絲會吸掉不少湯，如果可以選擇走粉絲會更好。另外店家會附上稀釋的腐乳醬，可以點羊肉吃但又不會蓋過湯的味道。^令人失望的一道菜，上菜不久後兩個包都開始滲出湯汁，相片上清晰可見。^滲出的湯汁把外皮浸到半塊包濕了，令餅皮沒有口感嚼勁，可以看到有數個小洞。^湯流掉一大半後，包裏的濕潤度不如預期高。幸好牛肉餡還算嫩滑，亦有肉味，味道合格。由於大部分菜色份量都較大，因此建議三個

老公响飲食雜誌見到介紹，即興過去太子食羊，馬家莊我哋食過好幾次，由舊鋪食到去新鋪，水準依舊好味，但價錢就好似加得好多，就咗止羊癮，貴ｄｄ都無所謂啦！牛肉餅(2件) $38～必叫，識食一定食牛肉餅，皮薄餡靚兼多汁，小心燙口孜然羊肉 $90～好細碟，羊肉又細又碎，孜然粉過多，只食到調味粉同辣味，不值一試三蔥羊腩鍋 $144～網上搵唔到有關食評，但老公話應該好食。羊腩鍋上到枱，嗅到好香蔥味，有洋蔥、蒜子同京蔥，3種蔥都焗得好林好入味，而羊腩份量都幾多，羊羶味幾重但肥膏唔多，完全啱晒羊痴既我哋，值得推介黃金四季豆 $79～份量少到不得了，但每條豆都黐有咸蛋黃，好惹味好吸引，唔駛5分鐘就清晒成碟，唔睇值錢的話，都值得推介既溫聲提示：只收現金二人共消費: $386

有我在新疆食過的羊宴6～7成水準，如果有新疆小羔羊供應就更好！羊肉湯件件羊腩及羊排，多些胡椒及香料就更合口味，不過已值得推薦。陳醋羊肉酸酸甜甜，但容易遮了羊味，對唔受得太重羊味的食客來説是好選擇！雖然我鐘意濃羊味一些，不過我都鐘意此菜。羊肉水餃啖啖肉及滿口肉汁，但我喜愛濃一些羊味及香料重一些。在香港食到這水平已不錯。XO醬炒椰菜的XO醬是店家自製，與椰菜甜味很配。我下次會再點此菜作配菜！孜然羊肉就要孜然重手些及炒乾身些。算是比較一般。無了孜然味道同一般醬汁炒肉差不多。所以這菜應該要弄得更有得色才成。

黑食會嘅聚會都算非常頻密, 所以有時都難免唔齊人; 就好似呢一次大聲要幫阿公做野, 所以黎唔到做冬; 於是就只剩底肥鄧, 串爆同吹雞, 大家一致決定要搵一間大家都想食嘅食店, 而呢間食店要以羊肉為主打! 一講到食羊就點可以唔黎呢間食店, 加上串爆從來都未試過, 所以就約埋一齊行去呢間食店!當然訂位乃係必要, 去到食店發覺人都唔多, 不過照例同伙計講訂左枱, 最後就被帶到一張卡位, 坐底後立即睇下有咩好食, 經過一輪商議後, 一致決定柯打清燉羊肉湯, 羊肉粗炒, 京蔥羊肉餡餅, 孜然羊肉, 蒜蓉炒白菜仔同埋羊肉鍋貼!落完單唔使等好耐就已經有得食, 第一道登場的是清燉羊肉湯, 清燉羊肉湯柯打左中size, 未入口已經聞到羊肉勁香酥, 非常吸引, 再入口發覺湯嘅味道非常清甜, 而濃濃的酥香味透過湯裡散發出黎, 湯料嘅羊肉非常鬆軟, 入口仍然酥香, 超級之正, 絕對係嗜羊者必食之選! 之後再試羊肉粗炒, 羊肉粗炒略嫌炒得油少少, 不過羊肉依然香酥, 可以一試!京蔥羊肉餡餅係逐件柯打, 三個人當然係叫三件, 羊肉餡餅個餅底做得好薄身, 薄得黎又可以盛載到成個羊肉餡料, 而且唔會穿, 入口就發覺濃