蘇杭冰室

Open Now

Now Closed

約左朋友仔旺角睇戲，想平價醫肚，去左豉油街覓食。果個範圍都有好多冰室但係我地中意蘇杭冰室，因為佢裝修好靚，係保留冰室／茶餐廳果啲卡位架局，但裝修同埋燈光係cafe型 🥰，仲好綠，好多我中意既物~嘻嘻~加分 🥰😗餐牌好多選擇！中式西式應有盡有，款式中高檔但價錢平民得很！入邊係啲好nice 姨姨，會推介野食，又會俾意見俾客人，例如我地呢個見到太多選擇而有困難既人～哈哈！先嗌左杯～＊🩷蘇杭滿滿水果茶 🍹完全無呃人，杯水果茶真係有成半個杯都係水果呀，仲要係有大大粒藍莓🫐，士多啤梨🍓，菠蘿🍍火龍果。。 唔知有冇數漏😂，好震驚係真係用新鮮非罐頭生果，仲要係咁大份量！主食只係叫左一個， 因為小食太吸引哈哈～＊🩷蒜片辣椒帶子意大利粉🌶️ - $118意粉好入味～😋帶子新鮮香煎，蒜片🧄同椒片吊出鮮味，簡單唔花巧亦都無成口味精感。😋👍小食嗌左＊🩷黃金咸蛋雞翼 - $48 4 隻超正呀！真係不得了。生炸超脆，同埋真係有鹹蛋黃，鹹香入味，好新鮮炸，咬落去啲熱油湧出～哈哈好邪惡好正呀！！＊🩷天婦羅炸魷魚鬚 -$48又係熱辣辣，香脆可口大大碟，同一般唔同既係啲魷魚係食到有小小咖哩味，新鮮易咬。最後甜品叫左期間限定～

酸辣八爪魚卷米線 (48hkd)叫咗小辣，唔好睇佢個樣平平無奇，又無紅卜卜/浮哂面嘅辣椒🌶️，其實都真係有啲辣🥵食完都有少少滴汗🥵酸味好突出，仲有好多蓮藕豆卜酸菜做配料，中意酸辣嘅朋友可以一試😍奇味雞煲煲仔麵 (75hkd)網上好多人推薦，果然真係冇介紹錯，煲仔一上台就炸一聲，保溫效果好ok，食到尾都仲熱嘅，雞🐓件份量都幾多，大大嚿，完全唔鞋口，爆炒蔥薑蒜嘅味好香，個芡汁好出色，有濃湯撈麵嘅效果，推👍🏻軟殼蟹忌廉汁天使麵 (78hkd)少有地有膏嘅軟殼蟹，所以唔會淨係得油炸嘅肥膩感，天使麵比較幼身嘅關係更加掛汁，所以啖啖都好creamy🥰黃金咸蛋雞翼(48hkd)有4隻，即叫即炸，上枱熱辣辣，一筷子篤落去有少少雞油冒出黎，咸蛋黃醬好邪惡，完全包裹住雞翼，咸香咸香好正😍宇治抹茶🍵梳乎厘班戟(88hkd)抹茶醬偏甜，旁邊個牛奶cream好好食😍梳乎厘做到少少半生熟嘅質感，又估佢唔到茶餐廳可以做到呢個水準😳蘇杭滿滿水菓茶 (38hkd)有好多唔同嘅水果，唔會過甜，消暑解渴，再大杯啲就好啦😍奇異果烏龍茶 (32hkd)奇異果🥝本人都唔酸，茶🍵味突出，解膩#foodiblum港式

行過旺角，睇到哩間茶餐廳唔錯，咁試試。餐廳裝修得唔錯，兩個人都安排沙發位，坐得好闊落。晚市提供數款套餐，價錢都幾平下。子薑皮蛋，茶餐廳好少見嘅小食，皮蛋同子薑好夾，OK。熱奶茶同凍菠萝冰，都係跟餐加配。奶茶奶味好重，唔洗加糖已經足夠香濃。凍菠萝冰，好大一杯，食扒最啱。跟羊扒配咗是日餐湯同餐包，餐包焗得熱笠笠，仲幫手切開加埋黃油，好貼心，唔錯。鰻魚炒蛋飯，估唔到68HKD嘅鰻魚飯，鰻魚都好大一條，勁抵食喔。鰻魚唔錯，滑蛋好幼滑，同鰻魚汁一齊撈埋食，好味。紐西蘭羊扒(蒜蓉汁+薯條)，羊扒大大件有3件，仲有伴碟蒜頭，翠玉瓜，蘑菇，菜同薯條。羊扒叫咗全熟，食落都唔柴，仲好嫩，好食。蒜頭燒完食落好甜，同羊扒好夾。宇治抹茶梳乎厘班戟，好少在茶餐廳見到梳乎厘班戟，今次試試。班戟食落好鬆軟，質素算相當OK。當然同日本名店有差距，不過對於茶餐廳黎講，已經算好好啦。哩間茶餐廳相當抵食，特別係鰻魚飯，下次要再試試其他嘢食。